അയിലൂരിൽ രണ്ടിടത്ത് ഉരുൾപൊട്ടി വ്യാപകനാശനഷ്ടം
Wednesday, July 31, 2024 6:27 AM IST
നെ​ന്മാ​റ: തു​ട​ർ​ച്ച​യാ​യി പെ​യ്ത ക​ന​ത്ത മ​ഴ​യി​ൽ വ്യാ​പ​ക നാ​ശ​ന​ഷ്ടം. അ​യി​ലൂ​ർ പ​ഞ്ചാ​യ​ത്തി​ലെ മാ​നം​കെ​ട്ട പൊ​റ്റ, മ​ണ​ലൂ​ർ ച​ള്ള​യി​ൽ വ​ന​മേ​ഖ​ല​യി​ൽ നി​ന്ന് ഉ​രു​ൾ​പൊ​ട്ടി വ്യാ​പ​ക കൃ​ഷി നാ​ശം. വീ​ടു​ക​ൾ​ക്ക് സ​മീ​പം ക​ല്ലും മ​ണ്ണും മ​ര​ങ്ങ​ളും ഒ​ഴു​കി​യെ​ത്തി.

നെ​ല്ലി​യാ​മ്പ​തി മ​ല​നി​ര​ക​ളി​ലെ പ​ടി​ഞ്ഞാ​റേ ചെ​രു​വി​ലു​ള്ള മ​ല​വാ​ഴി കു​ന്നി​ൽ നി​ന്നാ​ണ് ഉ​രു​ൾ​പൊ​ട്ട​ൽ ഉ​ണ്ടാ​യി​രി​ക്കു​ന്ന​ത്. നേ​ര​ത്തെ ഉ​ണ്ടാ​യി​രു​ന്ന ചെ​റി​യ കാ​ട്ടു​ചോ​ല വ​ൻ പു​ഴ​യാ​യി ഗ​തി മാ​റി​യൊ​ഴു​കി.

വീ​ടു​ക​ൾ പു​ഴ ഒ​ഴു​കി​യ​തി​ന് അ​ക​ലെ ആ​യ​തി​നാ​ൽ ആ​പ​ത്തി​ൽ നി​ന്ന് ര​ക്ഷ​പ്പെ​ട്ടു. ഇ​ന്ന​ലെ രാ​വി​ലെ മ​ണി​യോ​ടെ ആ​യി​രു​ന്നു വ​ൻ ശ​ബ്ദ​ത്തോ​ടെ ഉ​രു​ൾ​പൊ​ട്ട​ൽ ഉ​ണ്ടാ​യി​രു​ന്ന​ത്.

പ​ക​ൽ സ​മ​യ​മാ​യ​തി​നാ​ൽ വെ​ള്ളം വ​രു​ന്ന​തും ശ​ബ്ദം കേ​ട്ട​തും പ്ര​ദേ​ശ​വാ​സി​ക​ൾ​ക്ക് മാ​റി​നി​ൽ​ക്കാ​ൻ ക​ഴി​ഞ്ഞു. ശ​ക്ത​മാ​യി വെ​ള്ളം ഒ​ഴു​കി​യ സ്ഥ​ല​ങ്ങ​ളി​ൽ വലിയ മ​രത​ടി​ക​ളും മ​ൺ​തി​ട്ട​യും ക​ല്ലു​ക​ളും വ​ന്ന് അ​ടി​ഞ്ഞു. തി​രു​വ​ഴി​യാ​ട് വി​ല്ലേ​ജ് അ​ധി​കൃ​ത​രും പ്ര​ദേ​ശ​വാ​സി​ക​ളും ചേ​ർ​ന്ന് 12 വീ​ടു​ക​ളി​ലെ 30 പേ​രെ ബ​ന്ധു​വീ​ടു​ക​ളി​ലേ​ക്ക് മാ​റ്റി പാ​ർ​പ്പി​ച്ചു.

ഒ​ലി​പ്പാ​റ, തെ​ങ്ങും പാ​ടം, പു​ത്ത​ൻ​കാ​ട് ഭാ​ഗ​ത്തു​നി​ന്നും വെ​ള്ള​പ്പൊ​ക്ക​ത്തി​ൽ വീ​ട്ടി​ൽ കു​ടു​ങ്ങി​യ​വ​രെ അ​ഗ്നി​ര​ക്ഷാ​സേ​ന ര​ക്ഷ​പ്പെ​ടു​ത്തി ഒ​ലി​പ്പാ​റ​യി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​മ്പി​ലേ​ക്ക് മാ​റ്റി. ഇ​വി​ടെ​യു​ണ്ടാ​യി​രു​ന്ന മ​റ്റു 11 കു​ടും​ബ​ങ്ങ​ളെ ക​ഴി​ഞ്ഞ ദി​വ​സം രാ​ത്രി പ​ഞ്ചാ​യ​ത്ത് അം​ഗം കെ.എ. മു​ഹ​മ്മ​ദ് കു​ട്ടി​യു​ടെ നേ​തൃ​ത്വ​ത്തി​ൽ ബ​ന്ധു​വീ​ടു​ക​ളി​ലേ​ക്ക് മാ​റ്റി.

ഒ​ലി​പ്പാ​റ വി​ശു​ദ്ധ പ​ത്താം പി​യൂ​സ് പ​ള്ളി പാ​രി​ഷ് ഹാ​ളി​ൽ ആ​രം​ഭി​ച്ച ദു​രി​താ​ശ്വാ​സ ക്യാ​മ്പി​ൽ ക​യ​റാ​ടി വി​ല്ലേ​ജ് ഓ​ഫീ​സി​ന്‍റെ നേ​തൃ​ത്വ​ത്തി​ൽ ഒ​ന്പ​തു പേ​രെ പാ​ർ​പ്പി​ച്ചു. വി​ഴ്‌ലി ​കാ​ന്ത​ളം ഭാ​ഗ​ങ്ങ​ളി​ൽ ഉ​ണ്ടാ​യ മ​ണ്ണി​ടി​ച്ചി​ലി​ലും മ​ല​വെ​ള്ള​പ്പാ​ച്ചി​ലി​ലും അ​പ​ക​ട ഭീ​ഷ​ണി​യാ​യ​തി​നെ തു​ട​ർ​ന്ന് ര​ണ്ട് ദു​രി​താ​ശ്വാ​സ ക്യാ​മ്പു​ക​ൾ തു​റ​ന്നു. കാ​ന്ത​ളം ഭാ​ഗ​ത്തു​ള്ള​വ​രെ മ​യി​ലാ​ടും പ​രു​ത തി​രു​ഹൃ​ദ​യ ദേ​വാ​ല​യ സ​ൺ​ഡേ ക്ലാ​സ് ഹാ​ളി​ൽ 37 പേ​രെ​മാ​റ്റി​പ്പാ​ർ​പ്പി​ച്ചു.


വി​ഴ്‌ലി ​മാ​ർ ഗ്രി​ഗോ​റി​യ​സ് ച​ർ​ച്ച് ഹാ​ളി​ൽ 12 കു​ടും​ബ​ങ്ങ​ളി​ലെ 41 പേ​രെ മാ​റ്റി​പ്പാ​ർ​പ്പി​ച്ചു. ഇ​തോ​ടെ ക​യ​റാ​ടി വി​ല്ലേ​ജ് ഓ​ഫീ​സി​ന്‍റെ കീ​ഴി​ൽ മൂ​ന്ന് ദു​രി​താ​ശ്വാ​സ ക്യാ​മ്പു​ക​ളാ​യി. ക​ൽ​ച്ചാ​ടി പു​ഴ ക​ര​ക​വി​ഞ്ഞ​തി​നെ തു​ട​ർ​ന്ന് റ​ബ​ർ തോ​ട്ട​ങ്ങ​ൾ ഉ​ൾ​പ്പെ​ടെ കൃ​ഷി സ്ഥ​ല​ങ്ങ​ൾ വെ​ള്ള​ത്തി​ന​ടി​യി​ലാ​യി. ക​ൽ​ച്ചാ​ടി​പ്പു​ഴ ക​ര​ക​വി​ഞ്ഞ​തി​നെ തു​ട​ർ​ന്ന് പൂ​ഞ്ചേ​രി, ച​ള്ള, ഓ​വു​പാ​റ, ക​ൽ​ച്ചാ​ടി ആ​ദി​വാ​സി കോ​ള​നി തു​ട​ങ്ങി​യ പ്ര​ദേ​ങ്ങ​ൾ ഒ​റ്റ​പ്പെ​ട്ടു. ക​രി​മ്പാ​റ​യി​ൽ ക​നാ​ലി​ലൂ​ടെ അ​മി​ത​ജ​ലം ഒ​ഴു​കി​വ​ന്ന് റോ​ഡി​ലേ​ക്കും സ​മീ​പ വീ​ടു​ക​ളി​ലേ​ക്ക് വെ​ള്ളം ക​യ​റി.

ക​രി​മ്പാ​റ ക​ൽ​ച്ചാ​ടി റോ​ഡി​ൽ ക​ൽ​ച്ചാ​ടി ഭാ​ഗ​ത്തു​ള്ള റോ​ഡ് മ​ല​വെ​ള്ള​പ്പാ​ച്ചി​ലി​ൽ 15 അ​ടി​യി​ലേ​റെ വ​ലി​പ്പ​ത്തി​ൽ ഒ​ലി​ച്ചു​പോ​യി ഗ​ർ​ത്തം രൂ​പ​പ്പെ​ട്ടു. നെ​ല്ലി​യാ​മ്പ​തി റോ​ഡി​ൽ ര​ണ്ടി​ട​ത്ത് മ​ണ്ണി​ടി​ഞ്ഞു.

റോ​ഡി​ൽ വീ​ണ പാ​റ​ക്ക​ല്ലു​ക​ളും മ​ര​ങ്ങ​ളും നീ​ക്കാ​ൻ കൂ​ടു​ത​ൽ സ​മ​യം വേ​ണ്ടി വ​രു​മെ​ന്ന് അ​ധി​കൃ​ത​ർ അ​റി​യി​ച്ചു. നെ​ല്ലി​യാ​മ്പ​തി നൂ​റ​ടി ഭാ​ഗ​ത്ത് വീ​ടു​ക​ളി​ലേ​ക്കും ക​ട​ക​ളി​ലേ​ക്കും വെ​ള്ളം ക​യ​റി. കൂ​ന​മ്പാ​ലം പാ​ടി​ക​ൾ​ക്ക് സ​മീ​പ​വും വെ​ള്ളം ഉ​യ​ർ​ന്നു. പോ​ത്തു​ണ്ടി അ​ണ​ക്കെ​ട്ടി​ൽ ഒ​റ്റ ദി​വ​സം കൊ​ണ്ട് പ​ത്ത​ടി വെ​ള്ളം ഉ​യ​ർ​ന്നു.

ക​ഴി​ഞ്ഞ 24 മ​ണി​ക്കൂ​റി​ൽ പോ​ത്തു​ണ്ടി​യി​ൽ 26 സെ​ന്‍റീ​മീ​റ്റ​ർ മ​ഴ രേ​ഖ​പ്പെ​ടു​ത്തി. ജ​ല​നി​ര​പ്പ് 50 അ​ടി​യാ​യി ഉ​യ​ർ​ന്ന​തി​നെ തു​ട​ർ​ന്ന് ക​ള​ക്ട​ർ ബ്ലൂ ​അ​ല​ർ​ട്ട് പ്ര​ഖ്യാ​പി​ച്ചു.