ഇടുക്കി: ചൂഷണം നേരിടുന്ന തൊഴിലിടങ്ങളിൽ സ്ത്രീകൾ നിശബ്ദരാകരുതെന്ന് സംസ്ഥാന വനിതാ കമ്മിഷൻ അധ്യക്ഷ പി. സതീദേവി. തോട്ടം മേഖലയിലെ സ്ത്രീ തൊഴിലാളികൾക്കായി വണ്ടിപ്പെരിയാറിൽ സംഘടിപ്പിച്ച ബോധവത്കരണ ശില്പശാല ഉദ്ഘാടനം ചെയ്യുകയായിരുന്നു അവർ.
തോട്ടം മേഖലയിൽ സ്ത്രീകൾ നേരിടുന്ന പ്രശ്നങ്ങൾക്ക് പരിഹാരം കാണാൻ സർക്കാരിന് ശിപാർശ നൽകുമെന്നും സതീദേവി പറഞ്ഞു. കമ്മിഷനംഗങ്ങളായ ഇന്ദിരാ രവീന്ദ്രൻ, എലിസബത്ത് മാമൻ മത്തായി, ബി.ആർ. മഹിളാമണി, ഡയറക്ടർ ഷാജി സുഗണൻ എന്നിവർ പ്രസംഗിച്ചു. തുടർന്ന് പീരുമേട് തോട്ടം മേഖലയിൽ കമ്മീഷനംഗങ്ങൾ സന്ദർശനം നടത്തി.