ജില്ലാ കായികമേളയിൽ മൂന്നാംവർഷവും കെ.എസ്. അവന്തിക ജാവലിൻ ത്രോയിൽ സ്വർണം നേടി. ജൂണിയർ പെൺകുട്ടികളുടെ വിഭാഗത്തിൽ 32.82 മീറ്റർ ദൂരമാണ് അവന്തിക എറിഞ്ഞിട്ടത്. സ്റ്റേറ്റ് ഇന്റർ ക്ലബ് ജാവലിൻ ത്രോയിൽ സ്വർണ മെഡൽ ജേതാവാണ്.
കുമാരമംഗലം എംകെഎൻഎം ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർഥിയാണ് അവന്തിക. യുപി സ്കൂൾ പഠനകാലം തൊട്ട് ജാവലിൻ പരിശീലിക്കുന്നുണ്ട്. ബേബി ഫാൻസി ആണ് പരിശീലകൻ. സുനിൽകുമാർ - മിനിജ ദമ്പതികളുടെ മകളാണ് അവന്തിക. സഹോദരി അനാർക്കലി ജില്ലാ, സംസ്ഥാനതല ഹൈജംപ് മത്സരങ്ങളിൽ മെഡൽ ജേതാവാണ്.