വാഴക്കുളം: വിശ്വജ്യോതി എൻജിനിയറിംഗ് കോളജിൽ സ്വസ്ത വെൽനസ് ക്ലബ് പ്രവർത്തനം ആരംഭിച്ചു. സ്വസ്ത എന്ന പേരിൽ ആരംഭിച്ച വെൽനെസ് ക്ലബ് ക്രേവ്ലാബ്സ് ഐറ്റി സോലൂഷൻസ് കന്പനി സ്ഥാപകനും ഡയറക്ടറുമായ സാജൻ പാപ്പച്ചൻ ഉദ്ഘാടനം ചെയ്തു.
കോളജ് മാനേജർ മോണ്. പയസ് മലേക്കണ്ടത്തിൽ, പ്രിൻസിപ്പൽ ഡോ. കെ.കെ.രാജൻ, സിവിൽ എൻജിനിയറിംഗ് വകുപ്പ് മേധാവി ഡോ. ഷൈൻ ജോർജ്, അസോസിയേറ്റ് പ്രഫ. ഫാ.മാത്യു മുളങ്ങാശേരിൽ, സ്റ്റുഡന്റ് കൗണ്സിൽ ചെയർമാൻ ജിഷ്ണു ബൈജു എന്നിവർ പ്രസംഗിച്ചു. വിദ്യാർഥികളുടെ മാനസികാരോഗ്യം സംരക്ഷിക്കുന്നതിനും പഠനത്തിന്റെ മാനസിക സംഘർഷത്തിൽ നിന്നു വീണ്ടെടുക്കാനും സൗഹൃദ കാന്പസ് പുനഃസൃഷ്ടിക്കാനുമാണ് സ്വസ്തയിലൂടെ ലക്ഷ്യം വയ്ക്കുന്നതെന്നു കോളജ് അധികൃതർ പറഞ്ഞു.