ച​ള്ളാ​വ​യ​ലി​ൽ പു​ലി​യെ ക​ണ്ട​താ​യി അ​ഭ്യൂ​ഹം
Thursday, September 12, 2024 11:26 PM IST
തൊ​ടു​പു​ഴ: മു​ട്ടം പ​ഞ്ചാ​യ​ത്തി​ലെ ച​ള്ളാ​വ​യ​ലി​ൽ വീ​ണ്ടും പു​ലി​യെ ക​ണ്ട​താ​യി അ​ഭ്യൂ​ഹം. രാ​വി​ലെ ടാ​പ്പിം​ഗി​നു പോ​യ പ്ര​ദേ​ശ​വാ​സി​യാ​ണ് മു​ട്ടം-ഈ​രാ​റ്റു​പേ​ട്ട റൂ​ട്ടി​ലു​ള്ള റ​ബ​ർ തോ​ട്ട​ത്തി​ൽ ഇ​ന്ന​ലെ രാ​വി​ലെ അ​ഞ്ചോ​ടെ പു​ലി​യെ ക​ണ്ട​താ​യി പ​റ​ഞ്ഞ​ത്. തു​ട​ർ​ന്ന് സ്ഥ​ല​മു​ട​മ​യെ വി​വ​രം അ​റി​യി​ക്കു​ക​യും ഇ​ദ്ദേ​ഹം വ​നം​വ​കു​പ്പി​നെ അ​റി​യി​ക്കു​ക​യും ചെ​യ്തു. ആ​ർ​ആ​ർ​ടി സം​ഘം പ​രി​ശോ​ധ​ന​യ്ക്കെ​ത്തി​യെ​ങ്കി​ലും പു​ലി​യു​ടെ ല​ക്ഷ​ണ​ങ്ങ​ൾ ഒ​ന്നും ക​ണ്ടെ​ത്തി​യി​ല്ല.

രാ​വി​ലെ ആ​റോ​ടെ​യെ​ത്തി​യ സേ​നാം​ഗ​ങ്ങ​ൾ റ​ബ​ർ തോ​ട്ട​വും പ​രി​സ​ര​വും പൂ​ർ​ണ​മാ​ യും പ​രി​ശോ​ധി​ച്ചു. ചി​ല കാ​ൽ​പ്പാ​ടു​ക​ൾ ക​ണ്ടെ​ത്തി. എ​ന്നാ​ൽ ഇ​ത് പു​ലി​യു​ടേ​ത​ല്ലെ​ന്നും നാ​യു​ടെ ആ​ണെ​ന്നും പി​ന്നീ​ട് സ്ഥി​രീ​ക​രി​ച്ചു. ഇ​തി​നി​ടെ പ​രി​സ​ര​ത്ത് ഒ​രു മൃ​ഗ​വും ആ​ക്ര​മി​ക്ക​പ്പെ​ട്ട​താ​യി വി​വ​ര​ങ്ങ​ളി​ല്ല.


സാ​ധാ​ര​ണ പു​ലി​യു​ടെ സാ​ന്നി​ധ്യ​മു​ള്ള മേ​ഖ​ല​ക​ളി​ൽ മ​റ്റു മൃ​ഗ​ങ്ങ​ൾ ആ​ക്ര​മി​ക്ക​പ്പെ​ടാ​റു​ണ്ട്. നേ​ര​ത്തെ ക​രി​ങ്കു​ന്നം പ​ഞ്ചാ​യ​ത്തി​ലെ ഇ​ല്ലി​ചാ​രി, പാ​റ​ക്ക​ട​വ് മേ​ഖ​ല​ക​ളി​ൽ പു​ലി​യു​ടെ സാ​ന്നി​ധ്യം സ്ഥി​രീ​ക​രി​ച്ച ഇ​ട​ങ്ങ​ളി​ൽ വ​ള​ർ​ത്തുനാ​യ്ക്ക​ൾ ഉ​ൾ​പ്പെ​ടെ​യു​ള്ള മൃ​ഗ​ങ്ങ​ളെ പു​ലി ആ​ക്ര​മി​ച്ചി​രു​ന്നു. അ​ന്ന് പു​ലി​യെ കു​ടു​ക്കാ​ൻ പ​ല​യി​ട​ങ്ങ​ളി​ലും കൂ​ട് സ്ഥാ​പി​ച്ചെ​ങ്കി​ലും പു​ലി​യെ പി​ടി​കൂ​ടാ​നാ​യി​രു​ന്നി​ല്ല. പി​ന്നീ​ട് എ​റ​ണാ​കു​ളം ജി​ല്ല​യി​ലെ പ​ണ്ട​പ്പി​ള്ളി​യി​ലും പു​ലി​യു​ടേ​തെ​ന്ന് സം​ശ​യി​ക്കു​ന്ന ദൃ​ശ്യ​ങ്ങ​ൾ ല​ഭി​ച്ചി​രു​ന്നു.