പോ​സ്റ്റ്മോ​ർ​ട്ടം: സ​മീ​പ ആ​ശു​പ​ത്രി​ക​ളെ പ​രി​ഗ​ണി​ക്ക​ണ​മെ​ന്ന്
Thursday, September 12, 2024 11:26 PM IST
ഇ​ടു​ക്കി: പീ​രു​മേ​ട് താ​ലൂ​ക്കി​ൽ അ​ത്യാ​ഹി​ത​ങ്ങ​ളോ ആ​ത്മ​ഹ​ത്യ​യോ മൂ​ലം മ​രി​ക്കു​ന്ന​വ​രു​ടെ മൃ​ത​ശ​രീ​ര​ങ്ങ​ൾ കാ​ഞ്ഞി​ര​പ്പ​ള്ളി താ​ലൂ​ക്ക് ആ​ശു​പ​ത്രി​യി​ലോ കോ​ട്ട​യം മെ​ഡി​ക്ക​ൽ കോ​ള​ജി​ലോ പോ​സ്റ്റ്മോ​ർ​ട്ടം ചെ​യ്യാ​ൻ ക​ഴി​യു​മോ എ​ന്ന് പ​രി​ശോ​ധി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മ്മീ​ഷ​ൻ ചെ​യ​ർ​പേ​ഴ്സ​ണ്‍ ജ​സ്റ്റീസ് അ​ല​ക്സാ​ണ്ട​ർ തോ​മ​സ്.

സം​സ്ഥാ​ന പോ​ലീ​സ് മേ​ധാ​വി​യും ആ​രോ​ഗ്യ​വ​കു​പ്പ് ഡ​യ​റ​ക്ട​റും ഇ​ക്കാ​ര്യം പ​രി​ശോ​ധി​ച്ച് മൂ​ന്നാ​ഴ്ച​യ്ക്ക​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മ്മീ​ഷ​ൻ ആ​വ​ശ്യ​പ്പെ​ട്ടു.

പെ​രു​വ​ന്താ​നം, കൊ​ക്ക​യാ​ർ പ​ഞ്ചാ​യ​ത്തു​ക​ളി​ൽ ആ​ത്മ​ഹ​ത്യ​യോ അ​ത്യാ​ഹി​ത​മോ കാ​ര​ണം മ​രി​ക്കു​ന്ന​വ​രു​ടെ മൃ​ത​ശ​രീ​ര​ങ്ങ​ൾ ജി​ല്ല​യി​ലെ ആ​ശു​പ​ത്രി​ക​ളി​ൽത്ത​ന്നെ പോ​സ്റ്റ്മോ​ർ​ട്ടം ചെ​യ്യ​ണ​മെ​ന്ന ആ​രോ​ഗ്യ​വ​കു​പ്പി​ന്‍റെ നി​ർ​ദേ​ശ​ത്തി​നെ​തി​രേ സ​മ​ർ​പ്പി​ച്ച പ​രാ​തി​യി​ലാ​ണ് ഉ​ത്ത​ര​വ്.


പീ​രു​മേ​ട്ടി​ലെ പ​ഞ്ചാ​യ​ത്തു​ക​ളി​ൽനി​ന്ന് ഇ​ടു​ക്കി മെ​ഡി​ക്ക​ൽ കോ​ള​ജി​ലേ​ക്ക് 100 കി​ലോ​മീ​റ്റ​ർ ദൂ​ര​മു​ണ്ടെ​ന്നും കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് 55 കി​ലോ​മീ​റ്റ​ർ മാ​ത്ര​മാ​ണു​ള്ള​തെ​ന്നും പ​രാ​തി​ക്കാ​ര​നാ​യ പെ​രു​വ​ന്താ​നം സ്വ​ദേ​ശി മു​ഹ​മ്മ​ദ് നി​സാ​ർ പ​രാ​തി​യി​ൽ പ​റ​ഞ്ഞു.

അ​ത​ത് ജി​ല്ല​ക​ളി​ൽ ത​ന്നെ പോ​സ്റ്റ്മോ​ർ​ട്ടം ന​ട​ത്ത​ണ​മെ​ന്ന് ഡോ​ക്ട​ർ​മാ​രും പോ​ലീ​സും നി​ർ​ബ​ന്ധം പി​ടി​ക്കു​ക​യാ​ണെ​ന്നും പ​രാ​തി​യി​ൽ പ​റ​യു​ന്നു.

ഈ ​സാ​ഹ​ച​ര്യ​ത്തി​ലാ​ണ് പീ​രു​മേ​ട് താ​ലൂ​ക്കി​ലെ​ങ്കി​ലും ഇ​ള​വ് ന​ൽ​കാ​ൻ ക​ഴി​യു​മോ എ​ന്ന് ക​മ്മീ​ഷ​ൻ ആ​രാ​ഞ്ഞ​ത്.