ചൊ​ക്ര​മു​ടി​യു​ടെ താ​ഴ്‌വാര​ത്തെ റ​വ​ന്യു ഭൂ​മി​യി​ൽ വ്യാ​പ​ക കൈ​യേ​റ്റം
Thursday, August 22, 2024 11:48 PM IST
അ​ടി​മാ​ലി; ദേ​വി​കു​ളം താ​ലൂ​ക്കി​ൽ ബൈ​സ​ൺ​വാ​ലി വി​ല്ലേ​ജി​ൽ ഉ​ൾ​പ്പെ​ടു​ന്ന ചൊ​ക്ര​മു​ടി​യു​ടെ താ​ഴ്‌വാ​ര​ത്തെ റ​വ​ന്യൂ ഭൂ​മി​യി​ൽ വ്യാ​പ​ക കൈ​യേ​റ്റം. ഇ​ത​ര ജി​ല്ല​ക്കാ​രാ​യ ചി​ല​രാ​ണ് ഇ​വി​ടെ റ​വ​ന്യൂ​ഭൂ​മി​യി​ൽ റോ​ഡ് നി​ർ​മി​ക്കു​ക​യും ഭൂ​മി പ്ലോ​ട്ടു​ക​ളാ​യി തി​രി​ക്കു​ക​യും ചെ​യ്തി​രി​ക്കു​ന്ന​ത്. അ​തീ​വ പ​രി​സ്ഥി​തി​ലോ​ല പ്ര​ദേ​ശ​ത്താ​ണ് റോ​ഡ് നി​ർ​മാ​ണം ഉ​ൾ​പ്പെ​ടെ ചെ​യ്തി​രി​ക്കു​ന്ന​ത്.

ഗ്യാ​പ് റോ​ഡി​നോ​ടു​ചേ​ർ​ന്ന് മ​ണ്ണി​ടി​ച്ച​ിലും ഉ​രു​ൾ​പൊ​ട്ട​ലും ഉ​ണ്ടാ​യ മേ​ഖ​ല​യി​ൽനി​ന്ന് ഇ​രു​നൂ​റു മീ​റ്റ​ർ നീ​ങ്ങി​യാ​ണ് മ​ല​നി​ര​ക​ൾ ഇ​ടി​ച്ചുനി​ര​ത്തി പാ​റ​ക​ൾ പൊ​ട്ടി​ച്ചു​ള്ള നി​ർ​മാ​ണ​ങ്ങ​ൾ പു​രോ​ഗ​മി​ക്കു​ന്ന​ത്. റെ​ഡ് സോ​ണി​ൽ വ്യാ​വ​സാ​യി​കാ​ടി​സ്ഥാ​ന​ത്തി​ലു​ള്ള നി​ർ​മാ​ണ പ്ര​വ​ർ​ത്ത​നങ്ങ​ൾ പാ​ടി​ല്ല എ​ന്നി​രി​ക്കെ​യാ​ണ് റ​വ​ന്യു അ​ധി​കൃ​ത​രു​ടെ മൗ​നാ​നു​വാ​ദ​ത്തോ​ടെ ഏ​ക്ക​ർ​ക​ണ​ക്കി​ന് മ​ല​നി​ര​ക​ൾ ഇ​ടി​ച്ചു നി​ര​ത്തി​യി​രി​ക്കു​ന്ന​ത്. ഈ ​ഭാ​ഗ​ത്ത് എ​വി​ടെ​യും പ​ട്ട​യം ഉ​ള്ള ഭൂ​മി​യി​ല്ല എ​ന്നു നാ​ട്ടു​കാ​ർ പ​റ​യു​ന്നു.


മ​റ്റൊ​രു സ്ഥ​ല​ത്തി​ന്‍റെ പ​ട്ട​യം കാ​ണി​ച്ച് തെ​റ്റി​ദ്ധ​രി​പ്പി​ച്ചാ​ണ് ചി​ല​ർ ഈ ​ഭൂ​മി വി​ൽ​പ്പ​ന ന​ട​ത്തി​യ​തെ​ന്നും പ​റ​യു​ന്നു​ണ്ട്. ക​ന​ത്ത മ​ഴ​യു​ള്ള ദി​വ​സ​ങ്ങ​ളി​ലും ഇ​വി​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്നു​വെ​ന്നു നാ​ട്ടു​കാ​ർ പ​റ​യു​ന്നു. ചെ​രി​വു​ള്ള പ്ര​ദേ​ശ​ത്തെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ താ​ഴെ​ഭാ​ഗ​ത്ത് താ​മ​സി​ക്കു​ന്ന​വ​രെ ആ​ശ​ങ്ക​പ്പെ​ടു​ത്തു​ക​യാ​ണ്. മ​ഴ​ക്കാ​ല​ത്ത് മ​ല​യി​ടി​ച്ചി​ൽ പ​തി​വാ​യ സ്ഥ​ല​ത്ത് മ​ണ്ണു​മാ​ന്തി യ​ന്ത്രം ഉ​പ​യോ​ഗി​ച്ചാ​ണ് മ​ണ്ണ് നീ​ക്കു​ന്ന​ത്.