നി​വേ​ദ​ന​ങ്ങ​ൾ​ക്കു കു​റ​വി​ല്ല, അ​ന​ക്ക​മി​ല്ലാ​തെ ശ​ബ​രി​പാ​ത
Tuesday, August 20, 2024 11:36 PM IST
തൊ​ടു​പു​ഴ: പ്ര​ഖ്യാ​പ​നം ന​ട​ത്തി കാ​ൽ​നൂ​റ്റാ​ണ്ട് പി​ന്നി​ടു​ന്പോ​ഴും അ​ങ്ക​മാ​ലി -​ ശ​ബ​രി​പാ​ത സം​ബ​ന്ധി​ച്ച് അ​നി​ശ്ചി​ത​ത്വം തു​ട​രു​ന്നു. പു​തു​ക്കി​യ എ​സ്റ്റി​മേ​റ്റ് കേ​ര​ളം അം​ഗീ​ക​രി​ക്കാ​ത്ത​താ​ണ് പാ​ത​യു​ടെ നി​ർ​മാ​ണ​ത്തി​നു ത​ട​സ​മെ​ന്ന് കേ​ന്ദ്രം പ​റ​യു​ന്പോ​ൾ കേ​ര​ള​ത്തോ​ടു​ള്ള കേ​ന്ദ്ര​സ​ർ​ക്കാ​രി​ന്‍റെ അ​വ​ഗ​ണ​ന​യാ​ണ് പാ​ത​യു​ടെ നി​ർ​മാ​ണ​ത്തി​ലെ അ​നി​ശ്ചി​ത​ത്വ​ത്തി​നു കാ​ര​ണ​മെ​ന്ന് കേ​ര​ള​വും പ​ര​സ്പ​ര ആ​രോ​പ​ണ​വു​മാ​യി രം​ഗം കൊ​ഴു​പ്പി​ക്കു​ന്പോ​ൾ ദു​രി​ത​ത്തി​ലാ​കു​ന്ന​ത് സാ​ധാ​ര​ണ​ക്കാ​ർ. പാ​ത​യ്ക്കാ​യി ഭൂ​മി ഏ​റ്റെ​ടു​ത്ത​തോ​ടെ നി​ർ​ദി​ഷ്ട സ്ഥ​ല​ത്ത് ദീ​ർ​ഘ​കാ​ല വി​ള​ക​ൾ കൃ​ഷി​ചെ​യ്യാ​നോ ബാ​ങ്കി​ൽനി​ന്നു വാ​യ്പ​യെ​ടു​ക്കാ​നോ ഭൂ​മി ക്ര​യ​വി​ക്ര​യം ന​ട​ത്താ​നോ ക​ഴി​യാ​തെ ക​ഴി​ഞ്ഞ 26 വ​ർ​ഷ​മാ​യി ദു​രി​തം​പേ​റി ക​ഴി​യു​ക​യാ​ണ് നൂ​റു​ക​ണ​ക്കി​നു​ കു​ടും​ബ​ങ്ങ​ൾ.

പാ​ത​യു​ടെ പു​തു​ക്കി​യ എ​സ്റ്റി​മേ​റ്റി​ന് അം​ഗീ​കാ​രം ന​ൽ​ക​ണ​മെ​ന്നാ​വ​ശ്യ​പ്പെ​ട്ട് പാ​ത ​ക​ട​ന്നു​പോ​കു​ന്ന ചാ​ല​ക്കു​ടി, ഇ​ടു​ക്കി, കോ​ട്ട​യം, പ​ത്ത​നം​തി​ട്ട ലോ​ക്സ​ഭ മ​ണ്ഡ​ല​ങ്ങ​ളി​ലെ എം​പി​മാ​രാ​യ ബെ​ന്നി ബ​ഹ​നാ​ൻ, ഡീ​ൻ കു​ര്യാ​ക്കോ​സ്, ഫ്രാ​ൻ​സി​സ് ജോ​ർ​ജ്, ആ​ന്‍റോ ആ​ന്‍റ​ണി എ​ന്നി​വ​ർ ചേ​ർ​ന്ന് കേ​ന്ദ്ര​ റെ​യി​ൽ മ​ന്ത്രി അ​ശ്വി​നി വൈ​ഷ്ണ​വി​ന് നി​വേ​ദ​നം ന​ൽ​കി​യി​രു​ന്നു.

നി​ർ​മാ​ണം പൂ​ർ​ത്തി​യാ​യ അ​ങ്ക​മാ​ലി മു​ത​ൽ കാ​ല​ടിവ​രെ​യു​ള്ള മൂ​ന്നു​ വി​ല്ലേ​ജു​ക​ളി​ലെ ഭൂ​വു​ട​മ​ക​ൾ​ക്കു​ള്ള ന​ഷ്ട​പ​രി​ഹാ​രം മാ​ത്ര​മാ​ണ് ഇ​തു​വ​രെ വി​ത​ര​ണം ചെ​യ്ത​ത്. ആ​കെ​യു​ള്ള 111 കി​ലോ​മീ​റ്റ​റി​ൽ 70 കി​ലോ​മീ​റ്റ​ർ പ്ര​ദ​ശ​ത്തെ ഭൂ​വുട​മ​ക​ൾ​ക്ക് ഇ​നി​യും ന​ഷ്ട​പ​രി​ഹാ​രം ല​ഭ്യ​മാ​യി​ട്ടി​ല്ല.

ശ​ബ​രി​പാ​ത​യ്ക്ക് 1997-ലാ​ണ് കേ​ന്ദ്ര​സ​ർ​ക്കാ​ർ പ​ച്ച​ക്കൊ​ടി കാ​ണി​ച്ച​ത്. 1998-ൽ ​അ​ലൈ​ൻ​മെ​ന്‍റ് ത​യാ​റാ​ക്കു​ക​യും 2012-ൽ ​അ​ലൈ​ൻ​മെ​ന്‍റ് പ​രി​ഷ്ക​രി​ക്കു​ക​യും ചെ​യ്തു. എ​ന്നാ​ൽ, സം​സ്ഥാ​ന സ​ർ​ക്കാ​ർ ചെ​ല​വി​ന്‍റെ പ​കു​തി വ​ഹി​ക്ക​ണ​മെ​ന്ന കേ​ന്ദ്ര​നി​ർ​ദേ​ശം അം​ഗീ​ക​രി​ക്കാ​തെ വ​ന്ന​തോ​ടെ പ​ദ്ധ​തി അ​നി​ശ്ചി​ത​ത്വ​ത്തി​ലാ​യി. 2019-ൽ ​കേ​ന്ദ്ര​സ​ർ​ക്കാ​ർ പ​ദ്ധ​തി മ​ര​വി​പ്പി​ച്ച​തോ​ടെ ജ​ന​ങ്ങ​ളു​ടെ പ്ര​തീ​ക്ഷ​യ്ക്ക് മ​ങ്ങ​ലേ​റ്റു. എ​ന്നാ​ൽ 2021-ൽ​പ​ദ്ധ​തി​യു​ടെ പ​കു​തി തു​ക വ​ഹി​ക്കാ​ൻ ത​യാ​റാ​ണെ​ന്നു സം​സ്ഥാ​നം അ​റി​യി​ച്ച​തോ​ടെ പ്ര​ധാ​ന​മ​ന്ത്രി​യു​ടെ നേ​രി​ട്ടു​ള്ള നി​രീ​ക്ഷ​ണ​ത്തി​ന്‍റെ കീ​ഴി​ൽ വ​രു​ന്ന പ​ദ്ധ​തി​യി​ൽ ഇ​ടം​പി​ടി​ച്ചു. ​ഇ​തു പ്ര​തീ​ക്ഷ ന​ൽ​കി​യി​രു​ന്നെ​ങ്കി​ലും നി​ല​വി​ലെ മെ​ല്ലെപ്പോ​ക്ക് തി​രി​ച്ച​ടി​യാ​യി മാ​റു​ക​യാ​ണ്. ഇ​തി​നി​ടെ ഒ​ന്പ​തു​ പ്രാ​വ​ശ്യം എ​സ്റ്റി​മേ​റ്റ് പു​തു​ക്കി.


ര​ണ്ട​ര പ​തി​റ്റാ​ണ്ടി​നി​ടെ പാ​ത പൂ​ർ​ത്തീ​ക​രി​ക്കാ​ൻ ആ​വ​ശ്യ​മാ​യ ന​ട​പ​ടി സ്വീ​ക​രി​ക്ക​ണ​മെ​ന്നാ​വ​ശ്യ​പ്പെ​ട്ട് കേ​ര​ള - ​കേ​ന്ദ്ര​സ​ർ​ക്കാ​രു​ക​ൾ​ക്ക് ആ​ക്‌ഷൻ ​കൗ​ണ്‍​സി​ൽ ഉ​ൾ​പ്പെ​ടെ ന​ൽ​കി​യ നി​വേ​ദ​ന​ങ്ങ​ൾ​ക്കു ക​ണ​ക്കി​ല്ല. ഒ​ന്നു​കി​ൽ പാ​ത പൂ​ർ​ണ​മാ​യും ഉ​പേ​ക്ഷി​ച്ച് ഭൂവു​ട​മ​ക​ളെ ദ്രോ​ഹി​ക്കാ​തി​രി​ക്കു​ക അ​ല്ലെ​ങ്കി​ൽ എ​ത്ര​യുംവേ​ഗം പാ​ത​യു​ടെ നി​ർ​മാ​ണം പൂ​ർ​ത്തീ​ക​രി​ക്കാ​നാ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക എ​ന്ന ആ​വ​ശ്യ​മാ​ണ് ഇ​പ്പോ​ൾ ഭൂവുട​മ​ക​ൾ ഉ​യ​ർ​ത്തു​ന്ന​ത്. ഇ​തു​വ​രെ പാ​ത​യ്ക്കാ​യി 264 കോ​ടി പൂ​ർ​ത്തീ​ക​രി​ച്ചു ക​ഴി​ഞ്ഞു.

അ​ങ്ക​മാ​ലി മു​ത​ൽ കാ​ല​ടിവ​രെ ഏ​ഴു കി​ലോ​മീ​റ്റ​ർ പാ​ള​വും കാ​ല​ടി​യി​ൽ റെ​യി​ൽ​വേ സ്റ്റേ​ഷ​നും പെ​രി​യാ​റി​നു കു​റു​കെ ഒ​രു കി​ലോ​മീ​റ്റ​ർ നീ​ള​ത്തി​ൽ പാ​ല​വും നി​ർ​മി​ച്ചു. 3,810 കോ​ടി ചെ​ല​വ് പ്ര​തീ​ക്ഷി​ക്കു​ന്ന എ​സ്റ്റി​മേ​റ്റാ​ണ് അ​വ​സാ​ന​മാ​യി ത​യാ​റാ​ക്കി​യി​രു​ന്ന​ത്. അ​ങ്ക​മാ​ലി മു​ത​ൽ എ​രു​മേ​ലിവ​രെ 111 കി​ലോ​മീ​റ്റ​ർ പാ​ത​യ്ക്കാ​യി 416 ഹെ​ക്ട​ർ ഭൂ​മി​വേ​ണ​മെ​ന്നാ​യി​രു​ന്നു ആ​ദ്യ​സ​ർ​വേ​യി​ൽ ക​ണ്ടെ​ത്തി​യ​ത്. പു​തു​ക്കി​യ എ​സ്റ്റി​മേ​റ്റ് പ്ര​കാ​രം 274 ഹെ​ക്ട​റാ​യി കു​റ​ഞ്ഞു. മേ​ൽ​പ്പാ​ലം, തു​ര​ങ്കം എ​ന്നി​വ​യു​ടെ എ​ണ്ണം കൂ​ടി​യ​താ​ണ് ഭൂ​മി​യു​ടെ അ​ള​വ് കു​റ​യാ​ൻ കാ​ര​ണ​മാ​യ​ത്. 9.2 കി​ലോ​മീ​റ്റ​റാ​ണ് തു​ര​ങ്ക​പാ​ത.

അ​തേസ​മ​യം പാ​ത​യു​ടെ പു​തു​ക്കി​യ എ​സ്റ്റി​മേ​റ്റി​ന് അ​നു​മ​തി ന​ൽ​കു​ന്ന​തും പ​ദ്ധ​തി നി​ർ​മാ​ണം പു​ന​രാ​രം​ഭി​ക്കു​ന്ന​തും ച​ർ​ച്ച ചെ​യ്യാ​ൻ കേ​ന്ദ്ര​മ​ന്ത്രി അ​ശ്വി​നി വൈ​ഷ്ണ​വി​നെ​യും എം​പി​മാ​രെ​യും എം​എ​ൽ​എ​മാ​രെ​യും പ​ങ്കെ​ടു​പ്പി​ച്ച് മീ​റ്റിം​ഗ് വി​ളി​ക്കാ​ൻ സം​സ്ഥാ​ന സ​ർ​ക്കാ​ർ മു​ൻ​കൈ​യെ​ടു​ക്ക​ണ​മെ​ന്ന് ശ​ബ​രി​ റെ​യി​ൽ​വേ ആ​ക്‌ഷ​ൻ​ കൗ​ണ്‍​സി​ലു​ക​ളു​ടെ സം​സ്ഥാ​ന ഫെ​ഡ​റേ​ഷ​ൻ ആ​വ​ശ്യ​പ്പെ​ട്ടു. പാ​ത​യു​ടെ പ​കു​തി ചെ​ല​വ് വ​ഹി​ക്കാ​മെ​ന്നു സ​ർ​ക്കാ​ർ ഉ​ത്ത​ര​വുവ​ഴി​യും ക​ത്തുമു​ഖേ​ന​യും റെ​യി​ൽ​വേ മ​ന്ത്രി​യെ അ​റി​യി​ച്ചി​ട്ടും അ​നി​ശ്ചി​ത​ത്വം തു​ട​രു​ന്ന​ത് പ്ര​തി​ഷേ​ധാ​ർ​ഹ​മാ​ണെ​ന്നും അ​ടി​യ​ന്ത​ര​മാ​യി ഇ​ക്കാ​ര്യ​ത്തി​ൽ ന​ട​പ​ടി ഉ​ണ്ടാ​ക​ണ​മെ​ന്നും ഇ​വ​ർ ആ​വ​ശ്യ​പ്പെ​ട്ടു.