അ​ങ്ക​ണ​വാ​ടി​ക​ളി​ൽ​നി​ന്നു വി​ര​മി​ച്ച 4,567 ജീ​വ​ന​ക്കാ​ർ​ക്ക് ക്ഷേ​മ​നി​ധി​യും പെ​ൻ​ഷ​നും ന​ൽ​കി​യി​ല്ല
Tuesday, August 20, 2024 11:36 PM IST
ഉ​പ്പു​ത​റ: സം​സ്ഥാ​ന​ത്തെ അ​ങ്ക​ണ​വാ​ടി​ക​ളി​ൽനി​ന്നു വി​ര​മി​ച്ച 4,567 ജീ​വ​ന​ക്കാ​ർ​ക്ക് ഒ​ന്ന​ര വ​ർ​ഷ​മാ​യി​ട്ടും ക്ഷേ​മനി​ധിയ​ട​ക്കം ഒ​രാ​നു​കൂ​ല്യ​വും ന​ൽ​കി​യി​ല്ല. 2013ൽ 1,987 ​പേ​രും 2024ൽ 2,600 ​പേ​രു​മാ​ണ് അ​ങ്ക​ണ​വാ​ടി​ക​ളി​ൽനി​ന്നും വി​ര​മി​ച്ച​ത്. ഇ​വ​രി​ൽനി​ന്നു പി​ടി​ച്ച തു​ക​യും സ​ർ​ക്കാ​ർ വി​ഹി​ത​വും ചേ​ർ​ത്ത ക്ഷേ​മനി​ധി​യും 15,000 രൂ​പ എ​ക്സ്ഗ്രേ​ഷ്യ​യും പി​റ്റേമാ​സം മു​ത​ൽ​ക്കു​ള്ള പെ​ൻ​ഷ​നു​മാ​ണ് ഇ​വ​ർ​ക്കു കി​ട്ടേ​ണ്ട​ത്.

വ​ർ​ക്ക​ർ​മാ​ർ​ക്ക് 2,500 രൂ​പ​യും ഹെ​ൽപ്പ​ർ​മാ​ർ​ക്ക് 1,500 രൂ​പ​യു​മാ​ണ് പെ​ൻ​ഷ​ൻ ന​ൽ​കേ​ണ്ട​ത്. സാ​ധാ​ര​ണനി​ല​യി​ൽ ഒ​രു മാ​സ​ത്തി​നു​ള്ളി​ൽ പെ​ൻ​ഷ​ൻ കി​ട്ടേ​ണ്ട​താ​ണ്. പി​എ​ഫ്, ഗ്രാ​റ്റു​വി​റ്റി തു​ട​ങ്ങി​യ ആ​നു​കൂ​ല്യ​ങ്ങ​ളൊ​ന്നും അ​ങ്ക​ണ​വാ​ടി ജീ​വ​ന​ക്കാ​ർ​ക്കി​ല്ല. ആ​കെ​യു​ള്ള​ത് ക്ഷേ​മ​നി​ധി​യും പെ​ൻ​ഷ​നു​മാ​ണ്. ഈ ​തു​ക​യാ​ണ് സ​ർ​വീ​സി​ൽനി​ന്നു പി​രി​ഞ്ഞ് മാ​സ​ങ്ങ​ൾ ക​ഴി​ഞ്ഞി​ട്ടും സ​ർ​ക്കാ​ർ ന​ൽ​കാ​ത്ത​ത്.

വ​കു​പ്പി​നു കീ​ഴി​ലു​ള്ള ചൈ​ൽ​ഡ് ഡെവ​ല​പ്മെ​ന്‍റ് പ്രോ​ജ​ക്ട് ഓ​ഫീ​സാ​ണ് (സി​ഡിപി​ഒ) ജീ​വ​ന​ക്കാ​രി​ൽ നി​ന്ന് ക്ഷേ​മ​നി​ധി പി​ടി​ക്കു​ന്ന​ത്. ഇ​തു കൃ​ത്യ​മാ​യി ക്ഷേ​മ​നി​ധി അ​ക്കൗ​ണ്ടി​ൽ അ​ട​ച്ചി​ട്ടു​മു​ണ്ട്. എ​ന്നാ​ൽ, ക്ഷേ​മനി​ധി അ​ട​ച്ച​തു​മാ​യി ബ​ന്ധ​പ്പെ​ട്ട് ന​ൽ​കി​യ ക​ത്തി​ന് സ​ർ​ക്കാ​രി​ന്‍റെ മ​റു​പ​ടി കി​ട്ടാ​ത്ത​താ​ണ് ആ​നു​കൂ​ല്യം ന​ൽ​കു​ന്ന​തി​ന് നി​ല​വി​ലെ ത​ട​സ​മെ​ന്നാ​ണ് വ​നി​ത - ശി​ശു വി​ക​സ​നവ​കു​പ്പ് ന​ൽ​കു​ന്ന മ​റു​പ​ടി. 62 വ​യ​സി​ലാ​ണ് അ​ങ്ക​ണ​വാ​ടി ജീ​വ​ന​ക്കാ​ർ സ​ർ​വീ​സി​ൽനി​ന്നു പി​രി​യു​ന്ന​ത്.


ഇ​തി​നോ​ട​കം 30 വ​ർ​ഷ​ത്തോ​ളം ഇ​വ​ർ സേ​വ​നം ചെ​യ്തി​ട്ടു​ണ്ടാ​കും. വ​നി​ത - ശി​ശുവി​ക​സ​ന വ​കു​പ്പി​നു പു​റ​മേ കേ​ന്ദ്ര - ​സം​സ്ഥാ​ന സ​ർ​ക്കാ​രു​ക​ളും ത്രി​ത​ല പ​ഞ്ചാ​യ​ത്തു​ക​ളും നി​ഷ്ക​ർ​ഷി​ക്കു​ന്ന ജോ​ലി​ക​ളും ഇ​വ​ർ ചെ​യ്യു​ന്നു​ണ്ട്. ഒ​രാ​യു​സി​ന്‍റെ പ്ര​ധാ​ന സ​മ​യം മു​ഴു​വ​ൻ സ​മൂ​ഹ​ത്തി​ൽ സേ​വ​നം ചെ​യ്ത ഇ​വ​ർ​ക്കാ​ണ് സാ​ങ്കേ​തി​ക​ത്വം പ​റ​ഞ്ഞ് ആ​നു​കൂ​ല്യം ന​ൽ​കാ​തി​രി​ക്കു​ന്ന​ത്.

സ​ർ​ക്കാ​ർ വി​ശ​ദീ​ക​ര​ണം കി​ട്ടി​യാ​ലേ ക്ഷേ​മനി​ധി​യും പെ​ൻ​ഷ​നും ന​ൽ​കു​ക​യു​ള്ളൂ എ​ന്ന വി​ശ​ദീ​ക​ര​ണ​ത്തി​ൽ ജീ​വ​ന​ക്കാ​ർ ആ​ശ​ങ്ക​യി​ലാ​ണ്. ഉ​ണ്ടാ​യി​രു​ന്ന വ​രു​മാ​നം നി​ല​ച്ച​പ്പോ​ൾത​ന്നെ പ​ല​രു​ടെയും ജീ​വി​തം വ​ഴി​മു​ട്ടി​യി​രു​ന്നു. ചെ​റു​താ​ണെ​ങ്കി​ലും കി​ട്ടാ​നു​ള്ള ആ​നു​കൂ​ല്യ​ത്തി​ൽ പ്ര​തീ​ക്ഷ അ​ർ​പ്പി​ച്ചി​രി​ക്കു​ക​യാ​യി​രു​ന്നു. ക​ട​ബാ​ധ്യ​ത​ക​ൾ കൂ​ടിവ​രി​ക​യും കി​ട്ടാ​നു​ള്ള ആ​നു​കൂ​ല്യം ഓ​രോ ദി​വ​സ​വും താ​മ​സി​ക്കു​ക​യും ചെ​യ്യു​മ്പോ​ൾ ഇ​നി എ​ന്തു ചെ​യ്യ​ണം എ​ന്ന​റി​യാ​തെ വി​ഷ​മി​ക്കു​ക​യാ​ണ് സ​ർ​വീ​സി​ൽനി​ന്നും പി​രി​ഞ്ഞ ജീ​വ​ന​ക്കാ​ർ.