ചെറുതോണി: ഉദയഗിരി സെന്റ് മേരീസ് യുപി സ്കൂളിലെ ഫാർമേഴ്സ് ക്ലബ്ബിന് കാമാക്ഷി കൃഷി ഭവന്റെ അംഗീകാരം. സ്കൂളിലെ പച്ചക്കറി കൃഷിക്കാണ് കൃഷി ഓഫീസിന്റെ ആദരവ് ലഭിച്ചത്.
കർഷകദിനത്തിൽ കൃഷിഭവൻ വിവിധ മേഖലയിലുള്ള കർഷകരെ ആദരിക്കാൻ കൂടിയ യോഗത്തിൽ മന്ത്രി റോഷി അഗസ്റ്റിനിൽനിന്നും സ്കൂൾ ഹെഡ്മിസ്ട്രസ് സിസ്റ്റർ ജയ്സലറ്റ് എസ്ഡി മെമന്റോ ഏറ്റുവാങ്ങി. പഞ്ചായത്ത് പ്രസിഡന്റ് അനുമോൾ ജോസ് അധ്യക്ഷത വഹിച്ചു. പഞ്ചായത്ത് അംഗങ്ങൾ കൃഷി ഓഫീസർ സോജി തോമസ്, അധ്യാപകരയ ബിജി മോൾ സെബാസ്റ്റ്യൻ, അനി വർഗീസ്, അമലു മാത്യു, ക്ലബ്ബ് അംഗങ്ങൾ തുടങ്ങിയവർ പങ്കെടുത്തു.