ചെ​ങ്ങ​ന്നൂ​ർ കെ​എ​സ്ആ​ർ​ടി​സി ഡി​പ്പോ​യി​ൽ ഡീ​സ​ൽ പ​മ്പ് പ​ണി​മു​ട​ക്കി
Friday, October 18, 2024 4:30 AM IST
ചെ​ങ്ങ​ന്നൂ​ർ: ശ​ബ​രി​മ​ല സീ​സ​ൺ ആ​രം​ഭി​ക്കാ​റാ​യി​ട്ടും പ്ര​വ​ർ​ത്ത​നര​ഹി​ത​മാ​യി കി​ട​ക്കു​ന്ന കെ​എ​സ്ആ​ർ​ടി​സി ഡി​പ്പോ​യി​ലെ ഡീ​സ​ൽ പ​മ്പ് തു​റ​ന്നു പ്ര​വ​ർ​ത്തി​ക്കാ​ൻ ന​ട​പ​ടി​യാ​യി​ല്ല. മോ​ട്ടോ​ർ ത​ക​രാ​റാ​യ​തി​നെത്തുട​ർ​ന്ന് ഒ​രാ​ഴ്ചയോ​ള​മാ​യി പൂ​ട്ടിക്കി​ട​ക്കു​ക​യാ​ണ് പ​മ്പ്. സ​ർ​വീ​സ് ന​ട​ത്താ​ത്ത വാ​ഹ​ന​ങ്ങ​ളി​ൽനി​ന്നും ക​ട്ട​പ്പു​റ​ത്താ​യ വാ​ഹ​ന​ങ്ങ​ളി​ലെ ടാ​ങ്കി​ൽനി​ന്നും ഡീ​സ​ൽ ഊ​റ്റി​യു​മാ​ണ് ചി​ല ബ​സു​ക​ൾ സ​ർ​വീ​സ് നാ​ട​ത്തു​ന്ന​ത്.

കൊ​ല്ലം, ആ​ല​പ്പു​ഴ, തി​രു​വ​ല്ല, പ​ത്ത​നം​തി​ട്ട, തു​ട​ങ്ങി​യ സ്ഥ​ല​ങ്ങ​ളി​ലെ കെഎ​സ്ആ​ർടിസി ഡി​പ്പോ​ക​ളെ ആ​ശ്ര​യി​ച്ചാ​ണ് ഇ​പ്പോ​ൾ സ​ർ​വീ​സു​ക​ൾ ന​ട​ത്തു​ന്ന​ത്.

ഒ​രാ​ഴ്ച​യാ​യി ബ​സു​ക​ൾ​ക്ക് ഡീ​സ​ൽ അ​ടി​ക്കാ​ൻ ക​ഴി​യാ​തെ പ​മ്പ് അ​ട​ച്ചി​ട്ടി​ട്ടും യൂ​ണി​റ്റ് ഓ​ഫീ​സ​ർ ഉ​ൾ​പ്പെ​ടെ​യു​ള്ള​വ​ർ പ​രി​ഹ​രി​ക്കാ​ൻ വേ​ണ്ട ന​ട​പ​ടി​ക​ൾ സ്വീ​ക​രി​ച്ചി​ട്ടി​ല്ല. ഉ​ദ്യോ​ഗ​സ്ഥ​രു​ടെ കെ​ടു​കാ​ര്യ​സ്ഥ​ത​യാ​ണ് ഇ​തി​ന് കാ​ര​ണ​മെ​ന്ന് യാ​ത്ര​ക്കാ​ർ പ​റ​യു​ന്നു.

ശ​ബ​രി​മ​ല സ്പെ​ഷ​ൽ സ​ർ​വീ​സു​ക​ൾ ആ​രം​ഭി​ക്കു​ന്ന​തോ​ടെ ഗു​രു​ത​ര പ്ര​തി​സ​ന്ധി​യാ​ണ് ചെ​ങ്ങ​ന്നൂ​ർ കെ​എ​സ്ആ​ർ​ടി​സി ഡി​പ്പോ​യി​ൽ ഉ​ണ്ടാ​കാ​ൻ പോ​കു​ന്ന​തെ​ന്ന് ജീ​വ​ന​ക്കാ​ർ പ​റ​യു​ന്നു. ചെ​ങ്ങ​ന്നൂ​രി​ൽനി​ന്നു പ​മ്പ​യി​ലേ​ക്കു​ള്ള സ്പെ​ഷ​ൽ സ​ർ​വീ​സു​ക​ളെ ഇ​തു ഗു​രു​ത​ര​മാ​യി ബാ​ധി​ക്കു​മെ​ന്ന ആ​ശ​ങ്ക​യി​ലാ​ണ് ജീ​വ​ന​ക്കാ​ർ.


പ​മ്പ​യി​ലേ​ക്ക് ഏ​റ്റ​വും കൂ​ടു​ത​ൽ സ​ർ​വീ​സ് ന​ട​ത്തി​വ​ന്നി​രു​ന്ന സ്റ്റേ​ഷ​നാ​ണി​ത്. ഇതര സം​സ്ഥാ​ന​ത്തുനി​ന്നു കൂ​ടു​ത​ൽ തീ​ർ​ഥാ​ട​ക​ർ ട്രെ​യി​ൻ മാ​ർ​ഗം എ​ത്തു​ന്ന​ത് ചെ​ങ്ങ​ന്നൂ​ർ റെ​യി​ൽ​വേ സ്റ്റേ​ഷ​നി​ലാ​ണ്. റെ​യി​ൽ​വേ സ്റ്റേ​ഷ​നി​ൽനി​ന്നു​മാ​ണ് പ​മ്പ​യ് ക്ക് കെഎ​സ്ആ​ർടി​സി സ​ർ​വീ​സ് ന​ട​ത്തു​ന്ന​ത്.

ശ​ബ​രി​മ​ല​യോ​ട് ഏ​റ്റ​വും അ​ടു​ത്ത സ്റ്റേ​ഷ​നാ​ണ് ചെ​ങ്ങ​ന്നൂ​ർ റെ​യി​ൽ​വേ സ്റ്റേ​ഷ​ൻ. അ​തി​നാ​ൽ ചെ​ങ്ങ​ന്നൂ​രി​നെ ഗേ​റ്റ് വേ ​ഓ​ഫ് ശ​ബ​രി​മ​ല​യാ​യി കേ​ന്ദ്ര ഗ​വ​ൺമെന്‍റ് പ്ര​ഖ്യാ​പി​ച്ചി​ട്ടു​ള്ള​തു​മാ​ണ്.
മ​ണ്ഡ​ല​കാ​ല​ത്ത് ഏ​റ്റ​വും കൂ​ടു​ത​ൽ സ​ർ​വീ​സ് ന​ട​ത്തി ഉ​യ​ർ​ന്ന വ​രു​മാ​നം നേ​ടി​ത്ത​ന്നി​രു​ന്ന ചെ​ങ്ങ​ന്നൂ​ർ കെ​എ​സ്ആ​ർ​ടി​സി​യു​ടെ സ​ർ​വീ​സു​ക​ൾ അ​ട്ടി​മ​റി​ക്കാ​നു​ള്ള ചി​ല​രു​ടെ ശ്ര​മ​മാ​ണ് ഇ​തി​നു പി​ന്നി​ലുള്ള​തെന്നും ആ​ക്ഷേ​പ​മു​യ​രു​ന്നു​ണ്ട്.