മങ്കൊമ്പ്: ഡങ്കിപ്പനി ബാധയെത്തുടർന്ന് ബംഗളൂരുവിൽ മരിച്ച രാമങ്കരി സ്വദേശിയും അധ്യാപികയുമായ യുവതിയുടെ സംസ്കാരം ഇന്നു നടക്കും. രാമങ്കരി കവലയ്ക്കൽ പി.കെ. വർഗീസിന്റെയും ഷൂബിമോളുടെയും മകൾ ആൽഫിമോളാ(24)ണു മരിച്ചത്. 11 ദിവസമായി ബംഗളൂരുവിലെ സെന്റ് ഫിലോമിനാസ് ആശുപത്രിയിലെ തീവ്ര പരിചരണ വിഭാഗത്തിൽ ചികിത്സയിലായിരുന്ന ആൽഫിമോൾ ഇന്നലെ ഉച്ചകഴിഞ്ഞാണ് മരിച്ചത്. ബംഗളൂരുവിൽ എംഎസ്സി പഠനം പൂർത്തിയാക്കി കാന്പസ് തെരഞ്ഞെടുപ്പിലൂടെ ബംഗളൂരുവിലെതന്ന ദയ കോളജിൽ ട്യൂട്ടറായി സേവനം അനുഷ്ഠിക്കുകയായിരുന്നു. സംസ്കാരം ഇന്നു രാവിലെ പത്തിന് രാമങ്കരി സെന്റ് ജോസഫ്സ് പള്ളിയിൽ. അലക്സ് വർഗീസ് ഏകസഹോദരനാണ്.