എടത്വ: വിശപ്പുരഹിത എടത്വ പദ്ധതിയുമായി ലയണ്സ് ക്ലബ് ഓഫ് എടത്വ ടൗണ് പദ്ധതിയുടെ ഉദ്ഘാടനവും അനുമോദനവും മാര്ച്ച് മൂന്നിന് രാവിലെ 11 ന് എടത്വ സെന്റ് ജോര്ജ് മിനി ഹാളില് നടക്കും. പ്രസിഡന്റ് ബില്ബി മാത്യു കണ്ടത്തില് അധ്യക്ഷത വഹിക്കും.
അഡ്മിനിസ്ട്രേറ്റര് ബിനോയി ജോസഫ് കളത്തൂര് ഉദ്ഘാടനം നിര്വഹിക്കും. മെംബര്ഷിപ്പ് കാമ്പയിൻ ചെയര്മാന് പി.ഡി. രമേശ് കുമാര് മുഖ്യസന്ദേശം നല്കും. രക്ഷാപ്രവര്ത്തനം നടത്തിയ ബിന്ദു ജയകുമാറിനെ അനുമോദിക്കുമെന്ന് സെക്രട്ടറി ഡോ. ജോണ്സണ് വി. ഇടിക്കുള, ട്രഷറര് ജോര്ജുകുട്ടി പീടീകപ്പറമ്പില്, ചാരിറ്റി പ്രോഗ്രാം ചെയര്മാന് വില്സന് ജോസഫ് എന്നിവര് അറിയിച്ചു.