ജി​ല്ലാ ക​മ്മി​റ്റി അം​ഗ​ത്തി​നെ​തി​രേ സാ​മ്പ​ത്തി​ക തി​രി​മ​റി ആ​രോപ​ണം
Wednesday, October 23, 2024 5:10 AM IST
വി​ഷ​യം ച​ർ​ച്ച ചെ​യ്യാ​ൻ സം​സ്ഥാ​ന സെ​ക്ര​ട്ട​റി കൊ​ല്ല​ത്തെ​ത്തി
കൊ​ല്ലം: കൊ​ല്ല​ത്ത് ജി​ല്ലാ ക​മ്മി​റ്റി അം​ഗ​ത്തി​നെ​തി​രാ​യ സാ​മ്പ​ത്തി​ക തി​രി​മ​റി ആ​രോ​പ​ണം സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ന്‍റെ സാ​ന്നി​ധ്യ​ത്തി​ൽ ജി​ല്ലാ സെ​ക്ര​ട്ടേ​റി​യേ​റ്റ് ച​ർ​ച്ച ചെ​യ്തു. സി​പി​എം ജി​ല്ലാ​ക​മ്മ​റ്റി അം​ഗം പി.​ആ​ർ .വ​സ​ന്ത​ൻ 42 ല​ക്ഷ​ത്തോ​ളം രൂ​പ തി​രി​മ​റി ന​ട​ത്തി​യെ​ന്നാ​ണ് പ​രാ​തി. ഒ​രു രൂ​പ​യു​ടെ പോ​ലും തി​രി​മ​റി ന​ട​ത്തി​യി​ട്ടി​ല്ലെ​ന്നും ക​ണ​ക്കു​ക​ൾ ജി​ല്ലാ​ക​മ്മി​റ്റി അം​ഗ​ങ്ങ​ൾ അ​ട​ങ്ങു​ന്ന സ​ബ് ക​മ്മി​റ്റി പ​രി​ശോ​ധി​ച്ച​താ​ണെ​ന്നും പി.​ആ​ർ. വ​സ​ന്ത​ൻ വി​ശ​ദീ​ക​ര​ണം ന​ൽ​കി.

ക​രു​നാ​ഗ​പ്പ​ള്ളി​യി​ൽ സി​പി​എം നി​യ​ന്ത്ര​ണ​ത്തി​ലു​ള്ള സ്കൂ​ളി​ലെ നി​ർ​മാ​ണ​വു​മാ​യി ബ​ന്ധ​പ്പെ​ട്ടാ​ണ് അ​ഴി​മ​തി​യാ​രോ​പ​ണം ഉ​യ​ർ​ന്ന​ത്. പാ​ർ​ട്ടി​യു​ടെ ത​ന്നെ നി​യ​ന്ത്ര​ണ​ത്തി​ലു​ള്ള ലേ​ബ​ർ കോ​ൺ​ട്രാ​ക്റ്റ് സൊ​സൈ​റ്റി​യ്ക്കാ​യി​രു​ന്നു നി​ർ​മാ​ണ​ക​രാ​ർ. നി​ർ​മാ​ണ​ത്തി​ന് ചി​ല​വാ​യ തു​ക ലേ​ബ​ർ കോ​ൺ​ട്രാ​ക്റ്റ് സൊ​സൈ​റ്റി​യു​ടെ അ​ക്കൗ​ണ്ടി​ലേ​ക്ക് മാ​റ​ണ​മെ​ന്നാ​യി​രു​ന്നു നി​ബ​ന്ധ​ന.

എ​ന്നാ​ൽ 42 ല​ക്ഷ​ത്തോ​ളം രൂ​പ മാ​റി​യ​ത് പി.​ആ​ർ. വ​സ​ന്ത​ന്‍റെ​യും അ​തേ​സ്കൂ​ളി​ലെ അ​ധ്യാ​പി​ക​യാ​യ അ​ദ്ദേ​ഹ​ത്തി​ന്‍റെ ഭാ​ര്യ​യു​ടേ​യും അ​ക്കൗ​ണ്ടു​ക​ളി​ലേ​ക്കാ​യി​രു​ന്നു. ഈ ​രേ​ഖ​ക​ൾ സ​ഹി​ത​മാ​ണ് ഡി​വൈ​എ​ഫ്ഐ ക​ല്ലേ​ലി​ഭാ​ഗം മേ​ഖ​ല സെ​ക്ര​ട്ട​റി എ​ച്ച്. തൗ​ഫീ​ക്ക് സി​പി​എം സം​സ്ഥാ​ന നേ​തൃ​ത്വ​ത്തി​ന് പ​രാ​തി ന​ൽ​കി​യ​ത്.

ആ​രോ​പ​ണ​ങ്ങ​ൾ ച​ർ​ച്ച​യാ​യ​തോ​ടെ ര​ണ്ട് ലോ​ക്ക​ൽ സ​മ്മേ​ള​ന​ങ്ങ​ൾ പൂ​ർ​ത്തി​യാ​ക്കാ​ൻ സാ​ധി​ച്ചി​രു​ന്നി​ല്ല. ഇ​തോ​ടെ​യാ​ണ് പ്ര​ശ്നം ച​ർ​ച്ച ചെ​യ്യാ​ൻ സി​പി​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ നേ​രി​ട്ടെ​ത്തി​യ​ത്. ലേ​ബ​ർ കോ​ൺ​ട്രാ​ക്റ്റ് സൊ​സൈ‍​റ്റി​യു​ടെ അ​ക്കൗ​ണ്ടി​ലേ​ക്ക് മാ​റി​യാ​ൽ ഉ​ണ്ടാ​കാ​വു​ന്ന ഭീ​മ​മാ​യ നി​കു​തി ഒ​ഴി​വാ​ക്കാ​നാ​ണ് ത​ന്‍റെ​യും ഭാ​ര്യ​യു​ടേ​യും അ​ക്കൗ​ണ്ടു​ക​ളി​ലേ​ക്ക് പ​ണ​മ​യ​ച്ച​തെ​ന്ന് പി.​ആ​ർ .വ​സ​ന്ത​ൻ വി​ശ​ദീ​ക​രി​ച്ചു.


ഈ ​പ​ണം സ്കൂ​ളി​ൽ ചി​ല​വ​ഴി​ച്ചു. അ​തി​ന്‍റെ ക​ണ​ക്കു​ക​ൾ പാ​ർ​ട്ടി ജി​ല്ലാ​ക​മ്മ​റ്റി അം​ഗ​ങ്ങ​ൾ അ​ട​ങ്ങി​യ സ​ബ് ക​മ്മ​റ്റി പ​രി​ശോ​ധി​ച്ച​താ​ണെ​ന്നും അ​ദ്ദേ​ഹം വ്യ​ക്ത​മാ​ക്കി. പാ​ർ​ട്ടി​ക്ക് മു​ന്നി​ൽ വ​രു​ന്ന എ​ല്ലാ പ​രാ​തി​ക​ളും പ​രി​ശോ​ധി​ക്കു​മെ​ന്ന് യോ​ഗ​ശേ​ഷം എം.​വി. ഗോ​വി​ന്ദ​ൻ പ​റ​ഞ്ഞു.

വി​ഷ​യം സം​സ്ഥാ​ന സ​മ്മേ​ള​ന​ത്തി​ന് ശേ​ഷം പ​രി​ശോ​ധി​ക്കാ​മെ​ന്ന് യോ​ഗ​ത്തി​ൽ തീ​രു​മാ​ന​മാ​യി. ക​രു​നാ​ഗ​പ്പ​ള്ളി ഏ​രി​യ ക​മ്മ​റ്റി പ​രി​ധി​യി​ൽ ചേ​രി​പ്പോ​രി​നെ തു​ട​ർ​ന്ന് നി​ർ​ത്തി​വ​ച്ച ര​ണ്ട് ലോ​ക്ക​ൽ സ​മ്മേ​ള​ന​ങ്ങ​ൾ സം​സ്ഥാ​ന ക​മ്മ​റ്റി അം​ഗ​ങ്ങ​ളു​ടെ സാ​ന്നി​ധ്യ​ത്തി​ൽ ന​ട​ത്തും. വി​ഷ​യ​ങ്ങ​ൾ ച​ർ​ച്ച ചെ​യ്യാ​ൻ എം.​വി .ഗോ​വി​ന്ദ​ന്‍റെ സാ​ന്നി​ധ്യ​ത്തി​ൽ ക​രു​നാ​ഗ​പ്പ​ള്ളി ഏ​രി​യ ക​മ്മ​റ്റി യോ​ഗ​വും ചേ​ർ​ന്നു.

ഇ​തോ​ടെ ക​രു​നാ​ഗ​പ്പ​ള്ളി ഏ​രി​യ​യ്ക്ക് കീ​ഴി​ൽ ന​ട​ന്ന ലോ​ക്ക​ൽ സ​മ്മേ​ള​ന​ങ്ങ​ളു​മാ​യി ബ​ന്ധ​പ്പെ​ട്ട അ​ഭി​പ്രാ​യ ഭി​ന്ന​ത​ക​ൾ​ക്കും ചേ​രി​പ്പോ​രി​നും താ​ത്ക്കാ​ലി​ക വി​രാ​മ​മാ​യി.