ചു​ഴ​ലി​ക്കാ​റ്റി​ല്‍ ക​ല്‍​ക്കു​ണ്ട് പ്ര​ദേ​ശ​ത്ത് കോ​ടി​ക​ളു​ടെ ന​ഷ്ടം
Saturday, July 27, 2024 5:28 AM IST
ക​രു​വാ​ര​കു​ണ്ട്: ഇ​ന്ന​ലെ പ​ക​ല്‍ ഒ​ന്നോ​ടെ വീ​ശി​യ​ടി​ച്ച ചു​ഴ​ലി​ക്കാ​റ്റി​ല്‍ ക​രു​വാ​ര​കു​ണ്ട് മേ​ഖ​ല​യി​ല്‍ വ​ന്‍ നാ​ശം. കോ​ടി​ക​ളു​ടെ ന​ഷ്ടം സം​ഭ​വി​ച്ചു. ക​ല്‍​കു​ണ്ട് സെ​ന്‍റ് മേ​രീ​സ് പ​ള്ളി ജം​ഗ്ഷ​ന്‍ മു​ത​ല്‍ അ​ട്ടി വ​രെ​യു​ള്ള ഭാ​ഗ​ങ്ങ​ളി​ല്‍ കാ​ര്‍​ഷി​ക വി​ള​ക​ള്‍ ഒ​ന്ന​ട​ങ്കം ന​ശി​ച്ചു.

ഉ​പ്പു​മാ​ക്ക​ല്‍ ബെ​ന്നി​യു​ടെ ഇ​രു​പ​തി​ല​ധി​കം ജാ​തി​യും നൂ​റു​ക്ക​ണ​ക്കി​ന് ക​മു​കും കാ​റ്റി​ല്‍ നി​ലം​പൊ​ത്തു​ക​യും നി​ര​വ​ധി തെ​ങ്ങു​ക​ള്‍ ഒ​ടി​ഞ്ഞ് തൂ​ങ്ങി നി​ലം​പ​തി​ക്കു​ക​യും ചെ​യ്തു. ക​ല്‍​കു​ണ്ടി​ലെ ജോ​സ് നെ​ടും​മ്പ​ള്ളി​യു​ടെ നൂ​റി​ല​ധി​കം വ​രു​ന്ന റ​ബ​ര്‍, ക​മു​ക്, ജാ​തി എ​ന്നി​വ​ക്കു പു​റ​മേ തൊ​ഴി​ലാ​ളി​ക​ള്‍ താ​മ​സി​ക്കു​ന്ന കെ​ട്ടി​ട​ത്തി​ന്‍റെ മേ​ല്‍​ക്കൂ​ര​യി​ലെ ഓ​ടു​ക​ള്‍ ചു​ഴ​ലി​ക്കാ​റ്റി​ല്‍ പ​റ​ന്നു​പോ​യി.

ക​ല്‍​ക്കു​ണ്ടി​ലെ സു​നി​ല്‍ ക​ട​മ​പ്പു​ഴ​യു​ടെ ആ​റ് വ​ര്‍​ഷം പ്രാ​യ​മാ​യ അ​ഞ്ഞൂ​റി​ല്‍ പ​രം റ​ബ​ര്‍ മ​ര​ങ്ങ​ളും കാ​റ്റി​ല്‍ നി​ലം​പ​തി​ച്ചു. ക​ല്‍​ക്കു​ണ്ടി​ലെ കെ.​വി. ജോ​ണ്‍ കു​രീ​ക്കാ​ട്ടി​ല്‍, ഓ​ന​ച്ച​ന്‍ കു​രീ​ക്കാ​ട്ടി​ല്‍, ടോ​ണി മാ​ണി​ക്ക​നാം​പ​റ​മ്പി​ല്‍, അ​ഗ​സ്റ്റ്യ​ന്‍ പൊ​ട്ടം​പ​റ​മ്പി​ല്‍, സ​ജി ആ​ന​പ്പാ​റ തു​ട​ങ്ങി​യ ക​ര്‍​ഷ​ക​ര്‍​ക്കും ല​ക്ഷ​ക്ക​ണ​ക്കി​ന് രൂ​പ​യു​ടെ വി​ള​ന​ഷ്ടം ഉ​ണ്ടാ​യി​ട്ടു​ണ്ട്. കേ​ര​ള​യി​ലെ നീ​രോ​ലി​ക്ക​ല്‍ ജോ​ഷി മാ​സ്റ്റ​റു​ടെ അ​ട​ക്കം അ​മ്പ​തി​ല​ധി​കം വീ​ടു​ക​ളു​ടെ മു​ക​ളി​ലേ​ക്ക് മ​രം വീ​ണ് കോ​ടു​പാ​ടു​ക​ള്‍ സം​ഭ​വി​ച്ചു.


കേ​ര​ള മി​ല്ലും​പ​ടി​യി​ലെ കാ​ട്ടി​ക്കു​ന്ന​ന്‍ മൂ​സ​യു​ടെ വീ​ടി​നു മു​ക​ളി​ല്‍ മ​രം വീ​ണ് വീ​ടു ത​ക​ര്‍​ന്നു. കേ​ര​ള എ​സ്റ്റേ​റ്റി​ല്‍ നൂ​റു​ക്ക​ണ​ക്കി​ന് റ​ബ​ര്‍ മ​ര​ങ്ങ​ള്‍ പൊ​ട്ടി​വീ​ണു. ക​രു​വാ​ര​കു​ണ്ട് മേ​ഖ​ല​യി​ല്‍ ത​ന്നെ അ​മ്പ​തി​ല​ധി​കം വൈ​ദ്യു​തി കാ​ലു​ക​ളും ത​ക​ര്‍​ന്നു വീ​ണു. ഗ​താ​ഗ​ത ത​ട​സ​വും ഉ​ണ്ടാ​യി. കു​ട്ട​ത്തി​യി​ലും ക്യാ​മ്പി​ന്‍​കു​ന്നി​ലും കാ​റ്റി​ല്‍ ക​ന​ത്ത ന​ഷ്ടം ഉ​ണ്ടാ​യി​ട്ടു​ണ്ട്.