തൃശൂർ: കെപിഎസ്ടിഎ തൃശൂർ വിദ്യാഭ്യാസ ജില്ലാ നേതൃത്വ പരിശീലന ക്യാന്പ് കെപിഎസ്ടിഎ സ്ക്വയറിൽ നടന്നു. മുൻ എംഎൽഎ ടി.വി. ചന്ദ്രമോഹൻ ഉദ്ഘാടനം ചെയ്തു.
തൃശൂർ വിദ്യാഭ്യാസ ജില്ലാ പ്രസിഡന്‍റ് എ.കെ. ജിജേഷ് അധ്യക്ഷത വഹിച്ചു. സ്റ്റേറ്റ് എക്സിക്യൂട്ടീവ് അംഗം എ.എം. ജെയ്സൺ, ജെസ്‌ലിൻ ജോർജ്, ജില്ലാ പ്രസിഡന്‍റ് പി.കെ. ജയപ്രകാശ്, സെക്രട്ടറി കെ.എസ്. സുഹൈർ, കെ. സുനിത, പി.ജെ. ബിജു, എ.ജെ. ജോഷി, സ്റ്റാർലിൻ ഷിന്‍റോ, ഡെന്നി മാത്യു, കെ.ജെ. സെബി എന്നിവർ പ്രസംഗിച്ചു.
ക്യാന്പിനു തുടക്കം കുറിച്ച് എ.കെ. ജിജേഷ് പതാക ഉയർത്തി. സംസ്ഥാന സീനിയർ വൈസ് പ്രസിഡന്‍റ് ഷാഹിദ റഹ്‌മാൻ സംഘടന ഇന്നലെ ഇന്ന് നാളെ' എന്ന വിഷയം അവതരിപ്പിച്ചു. ഷിജോ ഡേവിഡ് അധ്യക്ഷത വഹിച്ചു.
കെ. രമാദേവി, ജോബി ബെൻസ്, സത്യനാരായണൻ എന്നിവർ പ്രസംഗിച്ചു. "സംഘടനാ നേതൃത്വം എങ്ങനെ' എന്ന വിഷയം കോർപറേഷൻ കൗണ്‍സിലർ അഡ്വ. വില്ലി ജിജോയും ’സർവീസ് പ്രശ്നങ്ങളും പരിഹാരങ്ങളും എന്ന വിഷയം സർവീസ് കണ്‍സൾട്ടന്‍റ് സൈനുദീൻ പട്ടാന്പിയും അവതരിപ്പിച്ചു. പി.വി. ജയകല, പി.ആർ. ദിലീപ്കുമാർ എന്നിവർ സംസാരിച്ചു.
സ്റ്റേറ്റ് എക്സിക്യൂട്ടീവ് എ.എം. ജെയ്സണ്‍ സമാപനസമ്മേളനം ഉദ്ഘാടനം ചെയ്തു. വിദ്യാഭ്യാസ ജില്ലാ പ്രസിഡന്‍റ് എ.കെ. ജിജേഷ് അധ്യക്ഷത വഹിച്ചു. കെ.ജെ. ടെസി, ഐ.വി. ഷീല, എം.ജെ. ഷീന, എന്നിവർ സംസാരിച്ചു.