പ്രശാന്തിനെതിരേ കേസെടുക്കണമെന്ന് എന്സിപി
Saturday, October 26, 2024 1:10 AM IST
കൊച്ചി: എഡിഎം നവീന് ബാബുവിന് കൈക്കൂലി കൊടുത്തെന്നു മൊഴിനല്കിയ സാഹചര്യത്തില് അഴിമതി നിരോധനനിയമപ്രകാരം പ്രശാന്തിനെതിരേ കേസെടുക്കണമെന്ന് എന്സിപി സംസ്ഥാന പ്രസിഡന്റ് എന്.എ. മുഹമ്മദ് കുട്ടി.
കൈക്കൂലി നല്കിയെന്നു പ്രശാന്ത് മൊഴി നല്കിയ സാഹചര്യത്തില് കേസെടുക്കാനുള്ള ബാധ്യത പോലീസിനുണ്ട്. ഇക്കാര്യത്തില് അലംഭാവം കാണിക്കരുത്.
പ്രശാന്തിന്റെ വരുമാനസ്രോതസ് സംബന്ധിച്ച് വിജിലന്സ് അന്വേഷണം നടത്തണം. പ്രശാന്തിനു പിന്നില് മറ്റു ശക്തികളുണ്ടെങ്കില് അവരെ പുറത്തു കൊണ്ടുവരണം.
ദിവ്യയെ സംരക്ഷിക്കുന്ന നിലപാടില്നിന്ന് സിപിഎം പിന്മാറണമെന്നും അദ്ദേഹം ആവശ്യപ്പെട്ടു.