വ്യക്തമായ ധാരണയുടെ അടിസ്ഥാനത്തിലല്ലാതെ കുട്ടികളെ ഏതെങ്കിലും വിധത്തില്‍ മോശമായി ബാധിക്കുന്ന വിധത്തില്‍ വിവരങ്ങള്‍ മാധ്യമങ്ങളിലൂടെ പുറത്തുവിടുന്നതിനെതിരേയുള്ള നിയമമാണിത്. ‘മാധ്യമങ്ങള്‍ക്കുള്ള ചട്ടം’ എന്നാണു തലക്കെട്ടെങ്കിലും എല്ലാവര്‍ക്കും ബാധകമാണെന്നും കോടതി പറഞ്ഞു.
പോക്‌സോയിലെ ഈ വകുപ്പനുസരിച്ച് കേസെടുക്കേണ്ടത് ഇതു റിക്കോര്‍ഡ് ചെയ്ത ലേഖകനും സംപ്രേഷണം ചെയ്ത ചാനലിനും ബന്ധപ്പെട്ടവര്‍ക്കുമെതിരേയാണ്. എന്നാല്‍, ഇവരെ പ്രതികളായി ഉള്‍പ്പെടുത്തിയിട്ടില്ല. പെണ്‍കുട്ടികളുടെ അമ്മയ്ക്ക് ആവശ്യമെങ്കില്‍ ലേഖകനും ചാനലിനുമെതിരേ നിയമവഴി തേടാമെന്നും കേസ് തീര്‍പ്പാക്കിയത് ഇതിനു തടസമല്ലെന്നും കോടതി വ്യക്തമാക്കി.
ഈ പശ്ചാത്തലത്തില്‍ ലേഖകനും ചാനലിലെ മറ്റുള്ളവര്‍ക്കുമെതിരേ അന്വേഷണം നടത്തുന്നത് പരിഗണിക്കുന്നതിന് ഉത്തരവിന്‍റെ പകര്‍പ്പ് ഡിജിപിക്ക് അയച്ചുകൊടുക്കാനും കോടതി നിര്‍ദേശിച്ചു.