പുതിയ കുളത്തിന്‍റെ നിര്‍മാണവുമായി ബന്ധപ്പെട്ടു ലഭിച്ച പരാതികളുടെ അടിസ്ഥാനത്തിലാണു ഹൈക്കോടതി ദേവസ്വം ബെഞ്ച് സ്വമേധയാ കേസെടുത്തത്.
നിലവിലെ ഭസ്മക്കുളം മണ്ണിട്ടു മൂടി നിർമാണ പ്രവര്‍ത്തനങ്ങള്‍ നടത്തി തത്‌സ്ഥാനത്ത് കുളം നിർമിക്കണമെന്ന് നേരത്തെ ദേവപ്രശ്‌നത്തില്‍ കണ്ടിരുന്നുവെന്നും പുതിയ കുളത്തിനെ ഭസ്മക്കുളമെന്നു വിളിക്കരുതെന്നും ചൂണ്ടിക്കാട്ടിയാണ് പരാതികള്‍ ഉയര്‍ന്നത്.
ഇപ്പോഴുള്ള ഫ്ലൈ ഓവറിനു താഴെയാണ് ആദ്യ ഭസ്മക്കുളത്തിന്‍റെ സ്ഥാനം. നിലവിലെ കുളം മലിനീകരിക്കപ്പെടുന്നുവെന്ന കാരണത്താലാണു പുതിയത് നിർമിക്കാന്‍ ദേവസ്വം ബോര്‍ഡ് തീരുമാനമെടുത്തത്.