കെഎസ്ഇബി ആവശ്യപ്പെടുന്ന തരത്തിലുള്ള വർധനയുണ്ടായില്ലെങ്കിലും ഈ വർഷം തന്നെ നിരക്ക് വർധനയുണ്ടാകും. ജനുവരി മുതൽ മേയ് വരെയുള്ള മാസങ്ങളിൽ സമ്മർചാർജ് ഏർപ്പെടുത്തണമെന്നാണ് കെഎസ്ഇബിയുടെ പ്രധാന ആവശ്യങ്ങളിലൊന്ന്.
ഗാർഹിക ഉപയോക്താക്കൾക്ക് വിവിധ സ്ലാബുകളിലായി 30 പൈസ വരെ വർധന വരുത്തണം.വൈദ്യുതി ഉപയോഗം കൂടുതലുള്ള പീക്ക് സമയത്ത് 250 യൂണിറ്റിന് മുകളിൽ വൈദ്യുതി ഉപയോഗിക്കുന്നവർക്ക് നിരക്ക് കൂട്ടണമെന്നും കെഎസ്ഇബി കമ്മീഷന് നൽകിയ അപേക്ഷയിൽ ആവശ്യപ്പെട്ടിട്ടുണ്ട്. അടുത്ത മൂന്നു വർഷത്തേക്കുള്ള നിരക്ക് വർധനയാണ് കെഎസ്ഇബി ആവശ്യപ്പെട്ടിട്ടുള്ളത്.