മൊഴി നല്കിയവരെക്കുറിച്ചുള്ള വിവരങ്ങള് രഹസ്യമായി സൂക്ഷിച്ചും തുടര്നടപടികള് സാധ്യമാകുമല്ലോയെന്നു ചൂണ്ടിക്കാട്ടിയ കോടതി, റിപ്പോര്ട്ട് കണ്ടിട്ട് ഇക്കാര്യത്തില് തീരുമാനമെടുക്കാമെന്നും വ്യക്തമാക്കി. ഹര്ജി ഫയലില് സ്വീകരിച്ച കോടതി വനിതാ കമ്മീഷനെയും സ്വമേധയാ കക്ഷി ചേര്ത്തു.
ഹേമ കമ്മീഷന് സമര്പ്പിച്ച സമ്പൂര്ണ റിപ്പോര്ട്ടും സാക്ഷിമൊഴികളും വീഡിയോ, ഓഡിയോ, ഡിജിറ്റല് തെളിവുകളുമടക്കം രേഖകള് വിളിച്ചുവരുത്തി പരിശോധിക്കണമെന്നും എഡിറ്റ് ചെയ്യാത്ത റിപ്പോര്ട്ടില് ഉണ്ടെന്നുപറയുന്ന ലൈംഗികപീഡന സംഭവങ്ങളില് കേസെടുത്ത് അന്വേഷണം നടത്താന് സംസ്ഥാന പോലീസ് മേധാവിക്കു നിര്ദേശം നല്കണമെന്നുമാവശ്യപ്പെട്ടാണ് ഹര്ജിക്കാരന് കോടതിയെ സമീപിച്ചത്. ഹര്ജി അടുത്ത മാസം പത്തിന് വീണ്ടും പരിഗണിക്കും