ഭർത്താവിന് തൊട്ടുപിന്നാലെ ചീഫ് സെക്രട്ടറിയാകുന്ന വേണു- ശാരദ ദന്പതികൾ ഇനി സംസ്ഥാന ചരിത്രത്തിന്റെയും ഭാഗമാകും. ഭർത്താവിനു പിന്നാലെ ഭാര്യ സംസ്ഥാന ചീഫ് സെക്രട്ടറിയാകുമെന്നു ജൂലൈ ആദ്യംതന്നെ ദീപിക റിപ്പോർട്ട് ചെയ്തിരുന്നു.
1984-87 കാലയളവിൽ ചീഫ് സെക്രട്ടറിയായിരുന്ന വി. രാമചന്ദ്രനും 90- 91 കാലത്ത് ഭാര്യ പത്മാ രാമചന്ദ്രനും ചീഫ് സെക്രട്ടറി പദവി വഹിച്ചിട്ടുണ്ട്. പിന്നീട് ബാബു ജേക്കബും ലിസി ജേക്കബും ഇതേ പദവിയിലെത്തി. ഭർത്താവ് വിരമിച്ച ശേഷം മൂന്നോ നാലോ ചീഫ് സെക്രട്ടറിമാർക്കു ശേഷമാണ് ഭാര്യമാർ ഇതേ പദവിയിലെത്തിയത്.
1990 ബാച്ച് കേരള കേഡർ ഉദ്യോഗസ്ഥയായ ശാരദ തിരുവനന്തപുരം സ്വദേശിയാണ്. ഇതേ ബാച്ച് ഉദ്യോഗസ്ഥനാണ് ഭർത്താവ് ഡോ. വേണു. അധികാര വികേന്ദ്രീകരണ പദ്ധതിയും കുടുംബശ്രീയും വനിതാ ശക്തീകരണ പദ്ധതിയും ദാരിദ്ര്യനിർമാർജന പദ്ധതിയും സംസ്ഥാനത്തു വിജയിപ്പിക്കുന്നതിൽ നിർണായക പങ്കു വഹിച്ചു. മാലിന്യ മുക്ത കേരളം അടക്കമുള്ള വിവിധ പ്രോജക്ടുകളുടെ ഡയറക്ടർ സ്ഥാനവും വഹിച്ചിട്ടുണ്ട്.