ഒറ്റപ്പാലം: നഗരസഭ ബസ്‌സ്റ്റാൻഡിൽ വയനാടിനൊരു ‘വരത്താങ്ങ്’ എന്നപേരിൽ കേരള ചിത്രകല പരിഷത്ത് ജില്ലാകമ്മിറ്റി തത്സമയ ചിത്രരചനയും വിൽപ്പനയും സംഘടിപ്പിച്ചു. ഇതുവഴി സ്വരൂപിച്ച തുക ദുരന്തബാധിതരെ സഹായിക്കുന്നതിനായി കൈമാറും. പന്ത്രണ്ടിലേറെ കലാകാരന്മാർ പങ്കെടുത്തു. പോർട്രെയ്‌റ്റ് ചിത്രം വരയ്‌ക്കലും ഉണ്ടായിരുന്നു. ജില്ലാ പ്രസിഡന്‍റ് പി.എസ്. അജയൻ കൂറ്റനാട്, സെക്രട്ടറി ജയ് പി. ഈശ്വർ, ബാബു കളഭം, പ്രിയ തിരുവില്വാമല നേതൃത്വം നൽകി. നഗരസഭാ ചെയർപേഴ്സൺ കെ. ജാനകിദേവി ഉദ്ഘാടനം ചെയ്തു. ഉണ്ണി മണ്ണേങ്ങോട്, സജീവ് തോപ്പിൽ പ്രസംഗിച്ചു.