നെ​ന്മാ​റ: അ​യി​ലൂ​ർ, നെ​ന്മാ​റ പ​ഞ്ചാ​യ​ത്തു​ക​ളി​ലെ കൃ​ഷി​യി​ട​ങ്ങ​ളി​ൽ വ്യാ​പ​ക​മാ​യി ബാ​ക്ടീ​രി​യ​ൽ ഓ​ല​ക​രി​ച്ചി​ൽ വ്യാ​പി​ക്കു​ന്നു. അ​യി​ലൂ​ർ കൃ​ഷി​ഭ​വ​ൻ പ​രി​ധി​യി​ലെ കാ​ക്രാ​ങ്കോ​ട്, മ​രു​ത​ഞ്ചേ​രി പാ​ട​ശേ​ഖ​ര​ങ്ങ​ളി​ലാ​ണ് രോ​ഗ​ബാ​ധ കൂ​ടു​ത​ലാ​യി വ്യാ​പി​ച്ച​ത്.

വി​വി​ധ ഇ​ട​ങ്ങ​ളി​ലാ​യി 60 ഏ​ക്ക​റോ​ളം സ്ഥ​ല​ങ്ങ​ളി​ൽ രോ​ഗം വ്യാ​പി​ച്ചി​ട്ടു​ണ്ടെ​ന്നാ​ണ് ക​ർ​ഷ​ക​രാ​യ സി.പി. സു​ബ്ര​ഹ്മ​ണ്യ​ൻ, സ​ര​സ​മ്മ ഭാ​സ്ക്കര​ൻ, അ​ബ്ദു​ൾ അ​സീ​സ്, ജോ​സ്, മൊ​യ്തീ​ൻ​കു​ട്ടി, അ​ബ്ദു​ൾ റ​സാ​ക്ക്, രാ​ധ എ​ന്നി​വ​ർ പ​രാ​തി​പ്പെ​ടു​ന്ന​ത്. ക​തി​രു​വ​ന്നു തു​ട​ങ്ങി​യ നെ​ൽ​ച്ചെ​ടി​ക​ളു​ടെ വ​ള​ർ​ച്ച മു​ര​ടി​ക്കു​ക​യും വ​ലി​പ്പം കൂ​ടി​യ ഓ​ല​ക​ൾ ക​രി​ഞ്ഞ് വൈ​ക്കോ​ൽ രൂ​പ​ത്തി​ൽ ആ​വു​ക​യും ചെ​യ്യു​ന്നു. ചെ​ടി​ക​ളു​ടെ വ​ള​ർ​ച്ച മു​ര​ടി​ച്ച​തോ​ടെ ഉ​ത്പാ​ദ​നം നാ​മമാ​ത്ര​മാ​യി ചു​രു​ങ്ങു​ക​യാ​ണ് ചെ​യ്യു​ന്ന​ത്.

ഇ​തു​മൂ​ലം ക​ർ​ഷ​ക​ർ​ക്ക് ഉ​ഴ​വുകൂ​ലി മു​ത​ൽ നാ​ളി​തു​വ​രെ കീ​ട​നാ​ശി​നി ത​ളി​ക്കു​വാ​ൻ ചെ​ല​വാ​ക്കി​യ തു​ക പോ​ലും ല​ഭി​ക്കാ​ത്ത സ്ഥി​തി​യാ​ണ് ഉ​ണ്ടാകുന്ന​ത്. സംസ്ഥാന സർക്കാരിന്‍റെ വി​ള ഇ​ൻ​ഷ്വറ​ൻ​സ് പ്രീ​മി​യ​വും, കേ​ന്ദ്ര​സ​ർ​ക്കാ​രിന്‍റെ കാ​ലാ​വ​സ്ഥാ ഇ​ൻ​ഷ്വറ​ൻ​സ് സ്കീ​മി​ലും തു​ക അ​ട​ച്ചി​ട്ടു​ണ്ടെ​ങ്കി​ലും മു​ൻ​വ​ർ​ഷ​ങ്ങ​ളി​ൽ വി​ള​നാ​ശം ഉ​ണ്ടാ​യി​ട്ടും സ​ർ​ക്കാ​ർ ആ​നു​കൂ​ല്യ​ങ്ങ​ളോ ഇ​ൻ​ഷ്വറ​ൻ​സ് ആ​നു​കൂ​ല്യ​ങ്ങ​ളോ ല​ഭി​ച്ചി​ട്ടി​ല്ലെ​ന്ന് ക​ർ​ഷ​ക​ർ പ​രാ​തി​പ്പെ​ട്ടു.