വണ്ടിത്താവളം: പാട്ടികുളം ബസ് കാത്തിരിപ്പ് കേന്ദ്രത്തിന്‍റെ മുകൾഭാഗത്തെ കോൺക്രീറ്റ് അടർന്നുവീണ് അപകടാവസ്ഥയിൽ. മേൽഭാഗം തകർന്നതിനാൽ തുരുമ്പിച്ച കമ്പികൾ പുറത്തു കാണുന്നുണ്ട്.
സമീപത്തെ കോവിലിലേക്കു നിരവധി പേർ ബസിറങ്ങുന്നതും ബസ് കാത്തിരിക്കുന്നതും ഈസ്റ്റോപ്പിലാണ്. പലതവണ യാത്രക്കാർ അപകടാവസ്ഥയിലുള്ള കാത്തിരിപ്പ് കേന്ദ്രം പൊളിച്ച് പണിയമെന്ന് അധികൃതർക്ക് നിവേദനം നൽകിയിരുന്നു. മാസങ്ങൾ കഴിഞ്ഞും നവീകരണ പരിപാടികൾ ഉണ്ടാകാത്തതിൽ സമീപവാസികളുടെ പ്രതിഷേധവും ശക്തമാണ്.