പാലക്കാട്: കാര്ഷിക ഉത്പാദകര്ക്കായി പരിശീലനം നടത്തി. കേന്ദ്ര സര്ക്കാരിന്റെ എഫ്പിഒ സാച്യുറേഷന് പരിപാടിയുടെ ഭാഗമായി ആത്മ പാലക്കാടും നബാര്ഡും സംയുക്തമായി കര്ഷക ഉത്പാദക സംഘങ്ങളുടെ നടത്തിപ്പിനാവശ്യമായ ലൈസന്സുകള് ലഭ്യമാക്കുന്നതിനുള്ള ട്രെയിനിംഗും സംസ്ഥാന അവാര്ഡ് ജേതാക്കള്ക്കുള്ള അനുമോദനവും ആത്മ ട്രെയിനിംഗ് ഹാളില് സംഘടിപ്പിച്ചു. എ. പ്രഭാകരന് എംഎല്എ പരിപാടി ഉദ്ഘാടനം ചെയ്തു.
ആത്മ പ്രോജക്ട് ഡയറക്ടര് പി.എ. ഷീന അധ്യക്ഷയായി. സംസ്ഥാന അവാര്ഡ് ജേതാക്കളായ ജെ. ജ്ഞാനശരവണന്, ജി. ഹരിവരദരാജ് എന്നിവര് പുരസ്കാരങ്ങള് ഏറ്റുവാങ്ങി. നബാര്ഡ് ഡിഡിഎം കവിത റാം മുഖ്യാതിഥിയായി. ജിഎസ്ടി ലൈസന്സ് ഇന്സ്പെക്ടര് എ. ഗോപിഷ്, നോഡല് ഫുഡ് സേഫ്റ്റി ഓഫീസര് ശ്രീനന്ദ കിഷോര്, എഐഎഫ് സോണല് കോ-ഓർഡിനേറ്റര് രാഹുല്, സ്റ്റെഫിന്, ക്വാളിറ്റി കണ്ട്രോള് എഡിഎ ഡോ.എ.ജെ. വിനന്സി, ആത്മ ഡെപ്യൂട്ടി പ്രോജക്ട് ഡയറക്ടര് ഡോ.എം.എ. നാസര്, സീനിയര് സൂപ്രണ്ട് ഷജ്നാ അസീസ് എന്നിവര് പരിശീലനം നല്കി.