ധോണി: ജില്ലയിൽ പ്രവർത്തിക്കുന്ന ക്രിസ്റ്റഫർ ഐടിഐ യിലെ കുട്ടികളുടെ കോഴ്സ് സർട്ടിഫിക്കറ്റ് വിതരണവും വിവിധ കമ്പനികളിൽ ജോലി ലഭിച്ചവർക്കുള്ള ജോബ് ഓഫർലെറ്റർ വിതരണവും വി.കെ. ശ്രീകണ്ഠൻ എംപി നിർവഹിച്ചു. ഡയറക്ടർ ഫാ. ജിതിൻ വേലിക്കകത്ത് അധ്യക്ഷത വഹിച്ചു. ഐടിഐ കളിൽ കേന്ദ്രസർക്കാർ നടപ്പിലാക്കിയ ഗുണനിലവാര പരിശോധനയിൽ പാലക്കാട് ജില്ലയിലെ പ്രൈവറ്റ് ഐടിഐ കളിൽ രണ്ടാം സ്ഥാനം കരസ്ഥമാക്കിയ ക്രിസ്റ്റഫർ ഐടിഐയെ എംപി അഭിനന്ദിച്ചു. പ്രിൻസിപ്പൽ ഈപ്പൻ വർഗീസ് സ്വാഗതവും അഡ്മിനിസ്ട്രേറ്റർ ജോളി ജോസഫ് നന്ദിയും പറഞ്ഞു.