മുണ്ടൂർ: വിദ്യാർഥികളിൽ ആത്മവിശ്വാസമുണ്ടാക്കുന്ന രീതിയിൽ പഠനപ്രവർത്തനങ്ങൾ മാറണമെന്നു ജില്ലാ കളക്ടർ ഡോ.എസ്. ചിത്ര. മുണ്ടൂർ ഐആർടിസിയിൽ ടീച്ച് സയൻസ് ഫോർ കേരളയുടെ രണ്ടാംഘട്ട പ്രവർത്തനങ്ങളുടെ മദർ ആനിമേറ്റർമാർക്കുള്ള സംസ്ഥാനതല ത്രിദിന ശില്പശാല- മഴവില്ല് ഉദ്ഘാടനം ചെയ്യുകയായിരുന്നു കളക്ടർ. ഐആർടിസി ഡയറക്ടർ പ്രഫ. ഡോ. ജെ. സുന്ദരേശൻപിള്ള അധ്യക്ഷത വഹിച്ചു. കെ-ഡിസ്ക് മെംബർ സെക്രട്ടറി ഡോ.പി.വി. ഉണ്ണികൃഷ്ണൻ ക്ലാസെടുത്തു. പ്രഫ. പി.കെ. രവീന്ദ്രൻ, ഐആർടിസി ചെയർപേഴ്സൺ ടി.കെ. മീരാഭായ് എന്നിവർ പ്രസംഗിച്ചു.