പ​ട്ടാ​മ്പി ട്രാ​ഫി​ക് റെഗു​ലേ​റ്റ​റി യോ​ഗം: തീ​രു​മാ​ന​ങ്ങ​ൾ അ​ശാ​സ്ത്രീ​യ​മെ​ന്ന് പ​രാ​തി
Wednesday, August 21, 2024 12:52 AM IST
ഷൊർ​ണൂ​ർ:​ പ​ട്ടാ​മ്പി​യി​ലെ ട്രാ​ഫി​ക്ക് റെഗു​ലേ​റ്റ​റി യോ​ഗതീ​രു​മാ​ന​ങ്ങ​ൾ അ​ശാ​സ്ത്രീ​യ​മെ​ന്ന് ആ​ക്ഷേ​പം. അ​ടി​യ​ന്തര ന​ഗ​ര​സ​ഭാ കൗ​ൺ​സി​ൽ യോ​ഗം വി​ളി​ച്ച് വി​ഷ​യം ച​ർ​ച്ച ചെ​യ്യ​ണ​മെ​ന്ന് യുഡിഎ​ഫ് ആ​വ​ശ്യ​പ്പെട്ടു.

ത​ല​തി​രി​ഞ്ഞ ട്രാ​ഫി​ക്ക് പ​രി​ഷ്കാ​ര​ങ്ങ​ൾ മൂ​ലം പ​ട്ടാ​മ്പി ടൗ​ണി​ലൂ​ടെ​യു​ള്ളവാ​ഹ​നയാ​ത്ര​യും പാ​ർ​ക്കി​ംഗും ദു​രി​തം വി​ത​ച്ച സാ​ഹ​ച​ര്യ​ത്തി​ലാ​ണ് അ​ടി​യ​ന്തര കൗ​ൺ​സി​ൽ യോ​ഗം വി​ളി​ച്ചുചേ​ർ​ക്ക​ണ​മെ​ന്ന് കാ​ണി​ച്ച് ന​ഗ​ര​സ​ഭാ സെ​ക്ര​ട്ട​റി​ക്കും ട്രാ​ഫി​ക് ക​മ്മി​റ്റി ചെ​യ​ർ​മാ​നും ക​ത്ത് ന​ൽ​കി​യ​തെ​ന്ന് യുഡിഎ​ഫ് കൗ​ൺ​സി​ല​ർ​മാ​ർ അ​റി​യി​ച്ചു. ടൗ​ണി​ലൂടെ ക​ട​ന്നുപോ​കു​ന്ന വാ​ഹ​ന യാ​ത്ര​ക്കാ​ർ​ക്കും, കാ​ൽന​ട യാ​ത്ര​ക്കാ​ർ​ക്കും, വി​ദ്യാ​ർ​ഥി​ക​ൾ​ക്കും ക​ച്ച​വ​ട​ക്കാ​ർ​ക്കും വ​ലി​യ പ്ര​യാ​സ​മാ​ണ് തീ​രു​മാ​നം കൊ​ണ്ട് ഉ​ണ്ടാ​യി​ട്ടു​ള്ള​ത്.

പ​ട്ടാ​മ്പി സി​വി​ൽസ്റ്റേ​ഷ​ൻ സ്ഥി​തി ചെ​യ്യു​ന്ന മേ​ഖ​ല​യു​ൾ​പ്പെ​ടു​ന്ന പ്ര​ദേ​ശ​ത്ത് പ​ട്ടാ​മ്പി പ​ള്ളി ജ​ംഗ്ഷ​ൻ മു​ത​ൽ ഗ​വ. ഹോ​സ്പി​റ്റ​ൽ വ​രെ​യു​ള്ള മേ​ഖ​ല​യി​ൽ ബൈ​ക്ക്പോ​ലും പാ​ർ​ക്ക് ചെ​യ്യാ​ൻ പാ​ടി​ല്ല എ​ന്ന തീ​രു​മാ​നം വ​ലി​യ ദു​രി​ത​മാ​ണ് ജ​ന​ങ്ങ​ൾ​ക്ക് ഉ​ണ്ടാ​ക്കി​യി​ട്ടു​ള്ള​ത്.

ഈ ​പ്ര​ദേ​ശ​ത്താ​ണ് എ​ല്ലാ ഗ​വ. ഓ​ഫീ​സു​ക​ളും നി​ൽ​ക്കു​ന്ന​തെ​ന്ന​റി​യാ​ത്ത​വ​ര​ല്ല ഈ ​തീ​രു​മാ​ന​ത്തി​ന് നേ​തൃ​ത്വം ന​ൽ​കി​യി​ട്ടു​ള്ള​ത്. ട്രാ​ഫി​ക്ക് റെ​ഗു​ലേ​റ്റ​റി ക​മ്മി​റ്റി തീ​രു​മാ​നി​ച്ച നോ ​പാ​ർ​ക്കി​ംഗ് ഏ​രി​യ​യി​ൽ ഏ​തെ​ങ്കി​ലും വാ​ഹ​നം പാ​ർ​ക്ക് ചെ​യ്താ​ൽ വ​ലി​യ ഫൈ​ൻ അ​ട​ക്കേ​ണ്ടി വ​രു​ന്ന​ത് നി​ത്യ​സം​ഭ​വ​മാ​യി മാ​റി​യി​ട്ടു​ണ്ട്.


വ​ലി​യ വാ​ട​ക കൊ​ടു​ത്ത് ടൗ​ണി​ൽ ക​ച്ച​വ​ടം ചെ​യ്യു​ന്ന ചെ​റു​കി​ട ക​ച്ച​വ​ട​ക്കാ​ർ ഉ​ൾ​പ്പെ​ടെ​യു​ള്ള​വ​രു​ടെ സ്ഥാ​പ​ന​ങ്ങ​ളി​ലേ​ക്ക് വ​രു​ന്ന പൊ​തു​ജ​ന​ങ്ങ​ൾ​ക്ക് പാ​ർ​ക്കി​ംഗും നോ ​പാ​ർ​ക്കി​ംഗും അ​റി​യാ​ത്ത​തി​നാ​ൽ വാ​ഹ​ന ഉ​ട​മ​ക​ൾ​ക്കും, ഓ​ട്ടോ- ടാ​ക്സി തൊ​ഴി​ലാ​ളി​ക​ൾ​ക്കും വ​ലി​യ തു​ക ഫൈ​നാ​യി അ​ട​ക്കേ​ണ്ടി വ​രി​ക​യാ​ണ്. ഈ ​തീ​രു​മാ​ന​ങ്ങ​ളെ​ല്ലാം ന​ഗ​ര​സ​ഭാ കൗ​ൺ​സി​ലി​ൽ ച​ർ​ച്ച ചെ​യ്യാ​തെ​യും, പ​ട്ടാ​മ്പി ന​ഗ​ര​സ​ഭാ കൗ​ൺ​സി​ല​ർ​മാ​രേ​യും പ​ട്ടാ​മ്പി​യി​ലെ രാ​ഷ്ട്രീ​യ പാ​ർ​ട്ടി​ക​ളേ​യും വി​ശ്വാ​സ​ത്തി​ലെ​ടു​ക്കാ​തെ​യു​മാ​ണ് ന​ട​പ്പാ​ക്കി​യ​ത്.

ഏ​ക​പ​ക്ഷീ​യ​മാ​യി എ​ടു​ത്ത ഈ ​തീ​രു​മാ​ന​ങ്ങ​ൾ അ​ടി​യ​ന്തര​മാ​യി പു​ന:​പ​രി​ശോ​ധി​ക്ക​ണ​മെ​ന്ന് യുഡിഎ​ഫ് കൗ​ൺ​സി​ല​ർ​മാ​രാ​യ കെ.​ആ​ർ. നാ​രാ​യ​ണ സ്വാ​മി, സി.​എ, സാ​ജി​ത്, സി.​എ. റാ​സി, സി.​ സം​ഗീ​ത, കെ.​ ബ​ഷീ​ർ, മു​നീ​റ ഉ​നൈ​സ്, സൈ​തല​വി വ​ട​ക്കേ​തി​ൽ, പി.​ മു​സ്ത​ഫ, പ്ര​മീ​ള ല​ബീ​ബ എ​ന്നി​വ​ർ ആ​വ​ശ്യ​പ്പെ​ട്ടു.