ല​ക്കി​ടി​യി​ൽ റെയി​ൽ​വേ മേ​ൽ​പ്പാലമെന്ന ആ​വ​ശ്യം നടപ്പായില്ല
Wednesday, August 21, 2024 12:52 AM IST
ഒറ്റ​പ്പാ​ലം:​ ല​ക്കി​ടി​യി​ൽ റെയി​ൽ​വേ മേ​ൽ​പ്പാലമെന്ന ആ​വ​ശ്യം മ​രീ​ചി​ക​യാ​യി തു​ട​രു​ന്നു. പാ​ല​ക്കാ​ട് ജി​ല്ല​യി​ലെ ല​ക്കി​ടി​യേ​യും -തൃ​ശൂ​ർ ജി​ല്ല​യി​ലെ തി​രു​വി​ല്വാ​മ​ല​യേ​യും ബ​ന്ധി​പ്പി​ക്കു​ന്ന ഭാ​ര​ത​പ്പു​ഴ​ക്ക് കു​റു​കെ​യു​ള്ള പാ​ല​ത്തി​ന് തൊ​ട്ടാ​ണ് ല​ക്കി​ടി റെയി​ൽ​വേ ഗേ​റ്റു​ള്ള​ത്.​ ഇ​വി​ടെ​യാ​ണ് മേ​ൽ​പ്പാലം വേ​ണ​മെ​ന്ന ആ​വ​ശ്യ​മു​യ​ർ​ന്നി​രി​ക്കു​ന്ന​ത്.

മേ​ൽ​പ്പാലം പ​ദ്ധ​തി​യു​ടെ കാ​ര്യ​ത്തി​ൽ നി​ല​നി​ൽ​ക്കു​ന്ന അ​നി​ശ്ചി​താ​വ​സ്ഥ ഐ​വ​ർ​മഠത്തി​ലേ​ക്ക് കൊ​ണ്ടുപോ​കു​ന്ന മൃ​ത​ദേ​ഹ​ങ്ങ​ളു​ടെ സം​സ്കാ​ര​ചട​ങ്ങു​ക​ളെ പോ​ലും പ്ര​തി​കൂ​ല​മാ​യി ബാ​ധി​ക്കു​ന്നു​ണ്ട്. ഭാ​ര​ത​പ്പു​ഴ​യു​ടെ പു​ണ്യ​തീ​ര​ങ്ങ​ളി​ലൊ​ന്നാ​യി വി​ശ്വ​സി​ക്ക​പ്പെ​ടു​ന്ന പാ​മ്പാ​ടി ഐ​വ​ർ​മ​ഠം തീ​ര​ത്തെ ശ്മ​ശാ​ന​ത്തി​ലേ​ക്കു കൊ​ണ്ടു​പോ​കു​ന്ന മൃ​ത​ശ​രീ​ര​ങ്ങ​ളും ല​ക്കി​ടി റെ​യി​ൽ​വേ ഗേ​റ്റി​നു മു​ന്നി​ൽ വ​ഴി​യ​ട​ഞ്ഞു കി​ട​ക്കേ​ണ്ടി​വ​രു​ന്ന സ്ഥി​തി​യു​ണ്ട്.

നി​ള​യു​ടെ മ​റു​ക​ര​യി​ലു​ള്ള പാ​മ്പാ​ടി​യി​ലെ ശ്മ​ശാ​ന​ത്തി​ലേ​ക്കു ല​ക്കി​ടി വ​ഴി പ്ര​തി​ദി​നം പ​ത്തോ​ളം മൃ​ത​ദേ​ഹ​ങ്ങ​ളാ​ണു കൊ​ണ്ടു​വ​രു​ന്ന​ത്. പു​ണ്യ​തീ​ര​മെ​ന്ന നി​ല​യി​ൽ മ​ല​പ്പു​റം ജി​ല്ല​യി​ൽ ‍നി​ന്നു​വ​രെ മൃ​ത​ദേ​ഹ​ങ്ങ​ൾ തൃ​ശൂ​ർ ജി​ല്ല​യി​ലെ പാ​മ്പാ​ടി​യി​ലെ​ത്തു​ന്നു​ണ്ട്. ല​ക്കി​ടി​യി​ൽ ഗേ​റ്റ് അ​ട​ഞ്ഞു​കി​ട​ക്കു​മ്പോ​ൾ മൃ​ത​ദേ​ഹം വ​ഹി​ച്ചു​വ​രു​ന്ന ആം​ബു​ല​ൻ​സു​ക​ളും കു​രു​ക്കി​ല​ക​പ്പെ‌​ടു​ന്നു. മൃ​ത​ദേ​ഹ​ങ്ങ​ളും അ​ന്ത്യ​ക​ർ​മം നി​ർ​വ​ഹി​ക്കാ​ൻ വ​രു​ന്ന ബ​ന്ധു​ക്ക​ളും മ​ണി​ക്കൂ​റു​ക​ളോ​ളം വ​ഴി​യി​ൽ കു​രു​ങ്ങു​ന്നു.


2020 ലെ ബ​ജ​റ്റി​ൽ 20 കോ​ടി​രൂ​പ വ​ക​യി​രു​ത്തി​യ മേ​ൽ​പ്പാലം പ​ദ്ധ​തി​യാ​ണ് അ​നി​ശ്ചി​താ​വ​സ്ഥ​യി​ൽ തു​ട​രു​ന്ന​ത്. അ​തേ​സ​മ​യം, മ​ങ്ക​ര-​കാ​ളി​കാ​വ് റോ‍‍‍​ഡി​ലെ ലെവ​ൽ​ക്രോ​സി​ൽ അ​നു​വ​ദി​ച്ച മേ​ൽ​പ്പാ​ലം നി​ർ​മാ​ണം നി​ർ​വ​ഹ​ണ ഘ​ട്ട​ത്തി​ലേ​ക്കു നീ​ങ്ങു​ക​യാ​ണ്. മ​ങ്ക​ര-​കാ​ളി​കാ​വ് റോ​ഡ‍ി​ലേ​തി​നെ​ക്കാ​ൾ കൂ​ടു​ത​ൽ വാ​ഹ​ന​ങ്ങ​ൾ ക‌​ട​ന്നു​പോ​കു​ന്ന ല​ക്കി​ടി-​തി​രു​വി​ല്വാ​മ​ല റോ‍​ഡി​ലെ പ​ദ്ധ​തി ഇ​രു​ട്ടി​ലും. ല​ക്കി​ടി മേ​ൽ​പ്പാ​ലം പ​ദ്ധ​തി​യു​ടെ കാ​ര്യ​ത്തി​ൽ പി​ഡ​ബ്ല്യു​ഡി ബ്രി​ഡ്ജ​സ് വി​ഭാ​ഗ​ത്തി​ന്‍റെ പ്രാ​ഥ​മി​ക പ​രി​ശോ​ധ​ന​പൂ​ർ​ത്തി​യാ​ക്കി​യി​ട്ടു​ണ്ടെന്നും പ​ദ്ധ​തി​യു​ടെ ഡി​സൈ​നും എ​സ്റ്റി​മേ​റ്റും ത​യാ​റാ​യി​ട്ടി​ല്ല​ന്നും കെ.​പ്രേം​കു​മാ​ർ എം​എ​ൽഎ ​പ​റ​ഞ്ഞു. കേ​ര​ള റെ​യി​ൽ ഡ​വ​ല​പ്മെ​ന്‍റ് കോ​ർ​പറേ​ഷ​നും ഇ​തു​സം​ബ​ന്ധി​ച്ച് എ​സ്റ്റി​മേ​റ്റ് ത​യാ​റാ​ക്കു​ന്ന ന‌​ട​പ​ടി​ക​ൾ സ്വീ​ക​രി​ക്കു​ന്നു​ണ്ട്. പ​ദ്ധ​തി വേ​ഗ​ത്തി​ലാ​ക്കാ​ൻ സ​ജീ​വ​മാ​യി ഇ​ട​പെ​ടു​മെ​ന്ന് എം​എ​ൽ​എ വ്യ​ക്ത​മാ​ക്കി.