മണ്ണാർക്കാട്: മണ്ണാർക്കാട്- അട്ടപ്പാടി റോഡിലെ ചുരംവളവിൽ മരംവീണു ഒന്നര മണിക്കൂർ ഗതാഗതം തടസപ്പെട്ടു.
ഇന്നലെ രാവിലെ എട്ടിനായിരുന്നു സംഭവം. അഞ്ചാം വളവിൽ നിന്നിരുന്ന മരം കടപുഴകി റോഡിലേക്കുവീഴുകയായിരുന്നു. ഇരുചക്ര വാഹനങ്ങൾക്കുപോലും ഇതുവഴി കടന്നുപോകാൻ കഴിഞ്ഞില്ല. തുടർന്ന് വട്ടമ്പലത്തുനിന്നും ഫയർഫോഴ്സെത്തി മരംമുറിച്ചുമാറ്റിയാണു പത്തുമണിയോടെ ഗതാഗതം പുനഃസ്ഥാപിച്ചത്. തിങ്കളാഴ്ച ശക്തമായ മഴയാണ് മേഖലയിലുണ്ടായത്. ശക്തമായ മഴയെ തുടർന്നാണ് മരം മറിഞ്ഞുവീണത്. മഴപെയ്താൽ ചുരം റോഡിൽ മരംവീണു ഗതാഗതതടസമുണ്ടാവുന്നതു നിത്യസംഭവമായി മാറിയിട്ടുണ്ട്.