ജനറല്‍ ആശുപത്രി റോഡിന്‍റെ ശോച്യാവസ്ഥ; റോഡില്‍ കലമുടച്ച് കോണ്‍ഗ്രസ് പ്രതിഷേധം
1481784
Sunday, November 24, 2024 7:34 AM IST
ചങ്ങനാശേരി: കെഎസ്ആര്‍ടിസി ജംഗ്ഷന്‍ മുതല്‍ ജനറല്‍ ആശുപത്രി വരെയുള്ള റോഡിന്‍റെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട് കോണ്‍ഗ്രസ് ടൗണ്‍ വെസ്റ്റ് മണ്ഡലം കമ്മിറ്റിയുടെ നേതൃത്വത്തില്‍ റോഡില്‍ കലമുടച്ച് പ്രതിഷേധിച്ചു.
സാധാരണക്കാരായ രോഗികള്‍ അടക്കമുള്ള നൂറുകണക്കിന് ആളുകള്‍ ദിവസേന ആശ്രയിക്കുന്ന പ്രധാന റോഡാണ് വര്‍ഷങ്ങളായി തകര്‍ന്നുകിടക്കുന്നത്. സംസ്ഥാന സര്‍ക്കാര്‍ ബജറ്റില്‍ തുക അനുവദിച്ച് ടെന്‍ഡര്‍ നടപടികളും പൂര്‍ത്തിയാക്കി നിര്‍മാണ ഉദ്ഘാടനവും കഴിഞ്ഞ റോഡാണ് തകര്‍ന്നു കിടക്കുന്നത്. പത്ത് ദിവസത്തിനകം റോഡിന്‍റെ നിര്‍മാണ പ്രവര്‍ത്തനങ്ങള്‍ ആരംഭിച്ചിലെങ്കിൽ നഗരസഭയിലേയ്ക്കും എംഎല്‍എ ഓഫീസിലേക്കും പ്രതിഷേധ പ്രകടനം നടത്തുമെന്ന് കോണ്‍ഗ്രസ് മണ്ഡലം കമ്മിറ്റി അറിയിച്ചു.
കെഎസ്ആര്‍ടിസി ജംഗ്ഷനില്‍ നടത്തിയ പ്രതിഷേധയോഗം ഡിസിസി ജനറല്‍ സെക്രട്ടറി പി.എച്ച്. നാസര്‍ ഉദ്ഘാടനം ചെയ്തു. കോണ്‍ഗ്രസ് ടൗണ്‍ വെസ്റ്റ് മണ്ഡലം പ്രസിഡന്‍റ് തോമസ് അക്കര അധ്യക്ഷത വഹിച്ചു.
ബ്ലോക്ക് പ്രസിഡന്‍റ് ബാബു കോയിപ്പുറം, എം.എച്ച്. ഹനീഫ, എ.എ. ഫ്രാന്‍സിസ്, എം.എ. സജാദ, ശ്യാം സാംസണ്‍, റെജി കേളമ്മാട്ട്, എന്‍. ഹബീബ്, ജയിംസ്‌കുട്ട ഞാലിയില്‍, അന്‍സാരി ബാപ്പു, അംബിക വിജയന്‍, ശ്രീദേവി അജയന്‍, തോമസ് സ്രാമ്പിക്കല്‍, ആര്യ ശ്യാം, ഷെമി ബഷീര്‍, ജേക്കബ് കരിയാടിപറമ്പില്‍, ബിജോയ് മുളവന, ബിജു ജേക്കബ്, രാജേഷ് മനക്കച്ചിറ, ലൈജു തുരുത്തി എന്നിവര്‍ പ്രസംഗിച്ചു.