കാ​ഞ്ഞി​ര​പ്പ​ള്ളി: പൂ​ത​ക്കു​ഴി​യി​ലെ പ​ട​പ്പാ​ടി തോ​ട്ടി​ൽ അ​റ​വു മാ​ലി​ന്യ​ങ്ങ​ൾ ത​ള്ളി​യ​തി​നെ​ത്തു​ട​ർ​ന്ന് പ്ര​ദേ​ശ​ത്താ​കെ ക​ടു​ത്ത ദു​ർ​ഗ​ന്ധം. ചി​റ്റാ​ർ​പു​ഴ​യു​ടെ കൈ​ത്തോ​ടാ​ണ് പ‌​ട​പ്പാ​ടി തോ​ട്.
ഇ​റ​ച്ചി​ക്ക​ട​ക​ളി​ൽ നി​ന്നു​ള്ള അ​വ​ശി​ഷ്ട​ങ്ങ​ളാ​ണ് തോ​ട്ടി​ൽ നി​ക്ഷേ​പി​ച്ച​ത്. ഒ​ഴു​ക്ക് ഇ​ട​മു​റി​ഞ്ഞ തോ​ട്ടി​ൽ ഇ​വ കെ​ട്ടി​ക്കി​ട​ക്കു​ന്ന സ്ഥി​തി​യാ​ണ്.

ഇ​തു​മൂ​ലം ക​ടു​ത്ത ദു​ർ​ഗ​ന്ധ​മാ​ണ് പ്ര​ദേ​ശ​ത്താ​കെ അ​നു​ഭ​വ​പ്പെ​ടു​ന്ന​ത്. നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കാ​യി റോ​ഡ് അ​ട​ച്ച​തോ​ടെ ഇ​തു​വ​ഴി ആ​ൾ​സ​ഞ്ചാ​രം കു​റ​വാ​യി​രു​ന്നു. ഇ​തു മു​ത​ലെ​ടു​ത്താ​ണ് ചെ​ക്ക്ഡാ​മി​നു സ​മീ​പം തോ​ട്ടി​ലേ​ക്കു മാ​ലി​ന്യ​ങ്ങ​ൾ ത​ള്ളി​യ​ത്.

ഇ​തി​നി​ടെ നി​ർ​മാ​ണ​ത്തി​നാ​യി താ​ത്കാ​ലി​ക​മാ​യി അ​ട​ച്ച പൂ​ത​ക്കു​ഴി-പ​ട്ടി​മ​റ്റം റോ​ഡ് തു​റ​ന്ന് വാ​ഹ​നം ക​യ​റ്റി​ക്കൊ​ണ്ടു പോ​കു​ന്ന സം​ഭ​വ​വു​മു​ണ്ടാ​യി​ട്ടു​ണ്ട്. ഇ​രു​ച​ക്ര​വാ​ഹ​ന​ത്തി​ലെ​ത്തി​യ സം​ഘ​മാ​ണ് വി​ല​ക്ക് മ​റി​ക​ട​ന്ന് കോ​ൺ​ക്രീ​റ്റി​ന് മു​ക​ളി​ലൂ​ടെ വാ​ഹ​നം ക​യ​റ്റി​യ​ത്. റോ​ഡി​ൽ കോ​ൺ​ക്രീ​റ്റ് ന​ട​ത്തി​യ അ​ന്നു രാ​ത്രി​യി​ൽ ത​ന്നെ​യാ​ണ് വാ​ഹ​നം ഇതു​വ​ഴി ക​യ​റ്റി​യി​റ​ക്കി​യ​ത്.

വാ​ഹ​ന​ത്തി​ന്‍റെ ട​യ​റി​ന്‍റെ പാ​ടു​ക​ൾ ഇ​വി​ടെ കോ​ൺ​ക്രീ​റ്റി​ൽ പ​തി​ഞ്ഞ നി​ല​യി​ലാ​ണ്. റോ​ഡി​ൽ വ​ച്ചി​രു​ന്ന ത​ട​സ​ങ്ങ​ൾ നീ​ക്കി വാ​ഹ​നം ക​യ​റ്റി​ക്കൊ​ണ്ടു പോ​കു​ന്ന​ത് സി​സി​ടി​വി​യി​ല​ട​ക്കം പ​തി​ഞ്ഞി​ട്ടുണ്ട്. സാ​മൂ​ഹ്യ​വി​രു​ദ്ധ​ർ​ക്കെ​തി​രേ ക​ർ​ശ​ന ന​ട​പ​ടി സ്വീ​ക​രി​ക്ക​ണമെ​ന്നു നാ​ട്ടു​കാ​ർ ആ​വ​ശ്യ​പ്പെട്ടു.