എ​രു​മേ​ലി: പ​മ്പാ​വാ​ലി വ​ഴി​യ​ല്ലാ​തെ എ​രു​മേ​ലി​യി​ൽനി​ന്ന് പ​മ്പ​യ്ക്ക് പോ​കാ​ൻ എ​രു​മേ​ലി ടൗ​ണി​ൽ ഗൂ​ഗി​ൾ മാ​പ്പ് നി​ർ​ദേ​ശ പ്ര​കാ​രം സ​ഞ്ച​രി​ച്ച അ​യ്യ​പ്പഭ​ക്ത​ർ ടൗ​ണി​ലെ ബൈ​പാ​സ് റോ​ഡു​ക​ൾ ചു​റ്റി​ക്ക​റ​ങ്ങി വ​ല​ഞ്ഞു. ഏ​ത് ബൈ​പാ​സ് റോ​ഡി​ൽ ക​യ​റി​യാ​ലും വീ​ണ്ടും ടൗ​ണി​ൽ എ​ത്തു​ന്ന വി​ധ​മാ​യി​രു​ന്നു ഗൂ​ഗി​ൾ നി​ർ​ദേ​ശം.

ഇ​താ​ണ് അ​യ്യ​പ്പ ഭ​ക്ത​ർ​ക്ക് വി​ന​യാ​യ​തെ​ന്ന് പ​റ​യു​ന്നു. ഇ​ന്ന​ലെ ഉ​ച്ച​യ്ക്ക് ശേ​ഷം എ​രു​മേ​ലി​യി​ൽ നി​ന്ന് യാ​ത്ര പു​റ​പ്പെ​ട്ട പോ​ണ്ടി​ച്ചേ​രി സ്വ​ദേ​ശി​ക​ളാ​യ തീ​ർ​ഥാ​ട​ക സം​ഘം സ​ഞ്ച​രി​ച്ച മി​നി ബ​സ് ആ​ണ് എ​രു​മേ​ലി - പൊ​രി​യ​ന്മ​ല റൂ​ട്ടി​ലും എ​രു​മേ​ലി - ഒ​ഴ​ക്ക​നാ​ട് റൂ​ട്ടി​ലു​മാ​യി പ​മ്പ​യ്ക്കു​ള്ള വ​ഴി തെ​റ്റി ചു​റ്റി​ക്ക​റ​ങ്ങി വ​ല​ഞ്ഞ​ത്. ക​ണ​മ​ല ഇ​റ​ക്ക​ത്തി​ലെ അ​പ​ക​ടസാ​ധ്യ​ത മു​ൻ​നി​ർ​ത്തി വ​ലി​യ വാ​ഹ​ന​ങ്ങ​ളെ ക​ണ​മ​ല റോ​ഡി​ൽ സ​ഞ്ച​രി​ക്കാ​ൻ അ​നു​വ​ദി​ക്കു​ന്ന​ത് പോ​ലീ​സ് നി​യ​ന്ത്ര​ണ വി​ധേ​യ​മാ​ക്കി​യി​രി​ക്കു​ക​യാ​ണ്.

ഇ​ത് പ്ര​കാ​രം വാ​ഹ​ന​ങ്ങ​ൾ പോ​ലീ​സ് ത​ട​ഞ്ഞു വ​ഴി തി​രി​ച്ചു വി​ടു​ന്ന​ത് എ​രു​മേ​ലി​യി​ൽ ക​ണ​മ​ല റോ​ഡി​ന്‍റെ പ്ര​വേ​ശ​ന ഭാ​ഗ​മാ​യ ക​രി​ങ്ക​ല്ലു​ംമൂ​ഴി​യി​ലാ​ണ്. ഇ​വി​ടെ നി​ന്നു നേ​രെ റാ​ന്നി റോ​ഡ് വ​ഴി വ​ട​ശേ​രി​ക്ക​ര ചു​റ്റി പ​മ്പ​യ്ക്ക് പോ​കാം. എ​ന്നാ​ൽ ക​രി​ങ്ക​ല്ലു​ംമൂ​ഴി പി​ന്നി​ട്ട ശേ​ഷം ഇ​ട​യ്ക്കു​ള്ള ബൈ​പാ​സ് റോ​ഡു​ക​ളും പ​മ്പ​യി​ലേ​ക്കു​ള്ള ദി​ശ​യാ​യി ഗൂ​ഗി​ൾ മാ​പ്പി​ൽ കാ​ണു​ന്നു​ണ്ട്. ഇ​ത​നു​സ​രി​ച്ച് സ​ഞ്ച​രി​ക്കു​ന്ന സം​ഘ​ങ്ങ​ൾ ഈ ​റോ​ഡു​ക​ളി​ൽ വ​ഴി തെ​റ്റി വീ​ണ്ടും ടൗ​ണി​ൽ എ​ത്തു​ക​യാ​ണ്.

ഇ​ന്ന​ലെ പ​ല ത​വ​ണ ബൈ​പാ​സ് റോ​ഡു​ക​ളി​ൽ ചു​റ്റി വ​ല​ഞ്ഞ പോ​ണ്ടി​ച്ചേ​രി സം​ഘ​ത്തി​ന് നാ​ട്ടു​കാ​ർ ഇ​ട​പെ​ട്ട് ശ​രി​യാ​യ വ​ഴി നി​ർ​ദേ​ശി​ച്ചു ന​ൽ​കി​യ​തോ​ടെ​യാ​ണ് പ​മ്പ​യ്ക്ക് പോ​കാ​ൻ റാ​ന്നി റോ​ഡ് വ​ഴി​യി​ലേ​ക്ക് സം​ഘം എ​ത്തി​യ​ത്.