ട​ണ​ൽ അ​ട​ച്ചു: പ്ര​ദേ​ശ​മാ​കെ വെ​ള്ള​ക്കെ​ട്ട് ഭീ​ഷ​ണി
Monday, September 23, 2024 11:36 PM IST
അമ്പ​ല​പ്പു​ഴ: അഞ്ചു പ​തി​റ്റാ​ണ്ടാ​യി ഉ​ണ്ടാ​യി​രു​ന്ന ട​ണ​ൽ ദേ​ശീ​യ​പാ​താ നി​ർ​മാ​ണ​ത്തി​ന്‍റെ ഭാ​ഗ​മാ​യി അ​ട​ച്ചു. പ്ര​ദേ​ശ​മാ​കെ വെ​ള്ള​ക്കെ​ട്ട് ഭീ​ഷ​ണി. പ്ര​തി​ഷേ​ധ​വു​മാ​യി നാ​ട്ടു​കാ​ർ. ദേ​ശീ​യ​പാ​ത​യി​ൽ പു​റ​ക്കാ​ട് ക​രൂ​ർ അ​യ്യ​ൻകോ​യി​ക്ക​ൽ ക്ഷേ​ത്ര​ത്തി​നു സ​മീ​പ​മാ​ണ് ട​ണ​ൽ അ​ട​ച്ച​തുമൂ​ലം പ്ര​ദേ​ശ​വാ​സി​ക​ൾ ദു​രി​ത​ത്തി​ലാ​യ​ത്.

50 വ​ർ​ഷ​ത്തോ​ള​മാ​യി ഇ​വി​ടെ ദേ​ശീ​യ പാ​ത​യ്ക്കു കു​റു​കെ ഇ​തു​ണ്ടാ​യി​രു​ന്നു​വെ​ന്ന് പ്ര​ദേ​ശ​വാ​സി​ക​ൾ പ​റ​യു​ന്നു. ഇ​താ​ണ് ദേ​ശീ​യപാ​ത ന​വീ​ക​ര​ണ​വു​മാ​യി ബ​ന്ധ​പ്പെ​ട്ട് ന​ട​ന്ന നി​ർ​മാ​ണ​ങ്ങ​ൾ​ക്കി​ടെ മാ​സ​ങ്ങ​ൾ​ക്ക് മു​ൻ​പ് അ​ട​ച്ച​ത്. പ​ടി​ഞ്ഞാ​റ് ഭാ​ഗ​ത്തുനി​ന്ന് കി​ഴ​ക്കോ​ട്ട് വെ​ള്ള​മൊ​ഴു​കി​പ്പോ​കാ​ൻ ഉ​പ​യോ​ഗി​ച്ചി​രു​ന്ന ട​ണ​ൽ പു​നഃസ്ഥാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് പ്ര​ദേ​ശവാ​സി​ക​ൾ ജി​ല്ലാ ക​ള​ക്ട​ർ​ക്ക് വ​രെ പ​രാ​തി ന​ൽ​കി​യി​രു​ന്നു.

എ​ന്നി​ട്ടും ഇ​തി​നു പ​രി​ഹാ​ര​മാ​യി​ല്ല. ഇ​തോ​ടെ ചെ​റി​യ മ​ഴ​യി​ൽ പോ​ലും പ്ര​ദേ​ശ​മാ​കെ വെ​ള്ള​ത്തി​ലാ​കു​ക​യാ​ണ്. വെള്ള​ക്കെ​ട്ടി​നെ​ത്തു​ട​ർ​ന്ന് സ​മീ​പ​വാ​സി​ക​ൾ​ക്ക് മാ​സ​ങ്ങ​ളോ​ളം വീ​ട് വി​ട്ട് മ​റ്റ് ബ​ന്ധു​വീ​ടു​ക​ളി​ലേ​ക്കും പോ​കേ​ണ്ടി വ​ന്നു.

നാ​ട്ടു​കാ​രു​ടെ നി​ര​ന്ത​ര പ​രാ​തി​യെ​ത്തുട​ർ​ന്ന് ദേ​ശീ​യ​പാ​ത അ​ധി​കൃ​ത​ർ സ്ഥ​ലം സ​ന്ദ​ർ​ശി​ച്ച് അ​ട​ച്ച ട​ണ​ൽ തു​റ​ക്കാ​നു​ള്ള ന​ട​പ​ടി സ്വീ​ക​രി​ക്കു​മെ​ന്ന് ഉ​റ​പ്പു​ന​ൽ​കി​യെ​ങ്കി​ലും മാ​സ​ങ്ങ​ളാ​യി​ട്ടും ഇ​തു​വ​രെ ന​ട​പ​ടി​യാ​യി​ല്ല. മ​ഴ പെ​യ്താ​ൽ വീ​ടി​നു പു​റ​ത്തി​റ​ങ്ങാ​ൻ ക​ഴി​യാ​ത്ത സ്ഥി​തി​യാ​ണ് നാ​ട്ടു​കാ​ർ​ക്ക്. ത​ങ്ങ​ളു​ടെ ദു​രി​ത​ത്തി​ന് അ​ടി​യ​ന്ത​ര പ​രി​ഹാ​രം കാ​ണു​മെ​ന്ന് പ​ഞ്ചാ​യ​ത്തും ദേ​ശീ​യ പാ​താ വി​ഭാ​ഗം ഉ​ദ്യോ​ഗ​സ്ഥ​രു​മൊ​ക്കെ പ​ല ത​വ​ണ ന​ൽ​കി​യ ഉ​റ​പ്പ് ഇ​തു​വ​രെ പാ​ലി​ക്ക​പ്പെ​ട്ടി​ല്ലെ​ന്നും ഇ​വ​ർ പ​റ​യു​ന്നു.