ദേ​ശാ​ട​ന​പ​ക്ഷി​ക​ൾ സു​ര​ക്ഷി​ത​ര​ല്ല; സം​ര​ക്ഷി​ക്കാ​ൻ പ​ദ്ധ​തി​യുമില്ല
Sunday, September 22, 2024 11:12 PM IST
എ​ട​ത്വ: ദേ​ശാ​ട​ന​പ്പ​ക്ഷി​ക​ളു​ടെ ആ​വാ​സ​കേ​ന്ദ്ര​മാ​യി​രു​ന്ന അ​പ്പ​ര്‍ കു​ട്ട​നാ​ട്ടി​ലെ കൊ​റ്റില്ല സം​ര​ക്ഷ​ണ പ​ദ്ധ​തി പ്ര​ഖ്യാ​പ​ന​ത്തി​ല്‍ ഒ​തു​ങ്ങി. അ​പ്പ​ര്‍ കു​ട്ട​നാ​ട്ടി​ല്‍ ചെ​റു​ത​ന പ​ഞ്ചാ​യ​ത്തി​ലെ കാ​ഞ്ഞി​രം​തു​രു​ത്ത്-​പാ​ണ്ടി പ്ര​ദേ​ശ​ങ്ങ​ള്‍ കേ​ന്ദ്രീ​ക​രി​ച്ചാ​ണ് കൊ​റ്റി​ല്ല സം​ര​ക്ഷ​ണ പ​ദ്ധ​തി പ്ര​ഖ്യാ​പി​ച്ച​ത്.

പ​ദ്ധ​തി​യു​ടെ പ്ര​ഖ്യാ​പ​നം ക​ഴി​ഞ്ഞ് ഒ​ന്ന​രപ​തി​റ്റാ​ണ്ട് പി​ന്നി​ട്ടി​ട്ടും പ്ര​വ​ര്‍​ത്ത​നം ചു​വ​പ്പു നാ​ട​യി​ല്‍ കു​ടു​ങ്ങി​ക്കി​ട​ക്കു​ക​യാ​ണ്. വി.​എ​സ്. അ​ച്ചു​താ​ന​ന്ദ​ന്‍ മു​ഖ്യ​മ​ന്ത്രി​യാ​യി​രി​ക്കെ അ​പ്പ​ര്‍ കു​ട്ട​നാ​ട്ടി​ലെ പ​ച്ച, ചെ​ക്കി​ടി​ക്കാ​ട്, പാ​ണ്ടി, പാ​യി​പ്പാ​ട് എ​ന്നീ പ്ര​ദേ​ശ​ങ്ങ​ളെ കൊ​റ്റി​ല്ല സം​ര​ക്ഷ​ണ കേ​ന്ദ്ര​മാ​യി പ്ര​ഖ്യാ​പി​ച്ച​ത്. പ​ഠ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ ഒ​രു വ​ര്‍​ഷ​ത്തി​ല്‍ 12 മാ​സ​വും പ്ര​ദേ​ശ​ങ്ങ​ള്‍ കേ​ന്ദ്രീ​ക​രി​ച്ച് ദേ​ശാ​ട​നപ്പക്ഷി​ക​ളു​ടെ സാ​ന്നി​ധ്യം സ്ഥി​രീ​ക​രി​ച്ചി​രു​ന്നു.

ബോ​ര്‍​ഡു​ക​ള്‍
പോ​ലും

പ്ര​ഖ്യാ​പ​ന​ത്തി​നുശേ​ഷം വീ​യ​പു​രം പ​ഞ്ചാ​യ​ത്തി​ലെ പാ​യി​പ്പാ​ട് സ​ര്‍​ക്കാ​ര്‍ വി​ത്തു​ത്പാ​ദ​ന കേ​ന്ദ്ര​ത്തി​നു സ​മീ​പ​വും ചെ​റു​ത​ന പ​ഞ്ചാ​യ​ത്തി​ലെ പാ​ണ്ടി പു​ത്ത​നാ​ര്‍ പാ​ല​ത്തി​നു തെ​ക്കേ ക​ര​യി​ലും അ​മ്പ​ല​പ്പു​ഴ-തി​രു​വ​ല്ല സം​സ്ഥാ​നപാ​ത​യി​ല്‍ ത​ക​ഴി പ​ഞ്ചാ​യ​ത്തി​ലെ പ​ച്ച പാ​ല​ത്തി​നു പ​ടി​ഞ്ഞാ​റെ ക​ര​യി​ലും ഉ​ള്‍​പ്പെ​ടെ കൊ​റ്റി​ല്ല സം​ര​ക്ഷ​ണ ബോ​ര്‍​ഡു​ക​ള്‍ സ്ഥാ​പി​ച്ചി​രു​ന്നു.

എ​ന്നാ​ല്‍, ഈ ​ബോ​ര്‍​ഡു​ക​ള്‍ പോ​ലും സം​ര​ക്ഷി​ക്കാ​ന്‍ ക​ഴി​യാ​ത്ത സാ​ഹ​ച​ര്യ​മാ​ണു​ണ്ടാ​യ​ത്. വ​ന​മേ​ഖ​ല​യ്ക്ക് സ​മാ​ന​മാ​യി കാ​ടു​പി​ടി​ച്ചും ജ​ന​വാ​സം കു​റ​ഞ്ഞും കി​ട​ന്നി​രു​ന്ന പ്ര​ദേ​ശ​ത്ത് കൊ​ക്ക് എ​ന്ന പേ​രി​ല​റി​യ​പ്പെ​ടു​ന്ന വി​ദേ​ശ​യി​നം ചെ​റു​തും വ​ലു​തു​മാ​യ കൊ​റ്റി​ക​ള്‍ കൂ​ട്ട​മാ​യാ​ണ് എ​ത്തി​യി​രു​ന്ന​ത്. കാ​ഴ്ച​യ്ക്ക് കൗ​തു​ക​മു​ണ​ര്‍​ത്തു​ന്ന വ​ലി​യ കൊ​ക്കു​ക​ളെ കാ​ണാ​നാ​യി നി​ര​വ​ധി ആ​ളു​ക​ളും പ്ര​ദേ​ശ​ത്ത് എ​ത്തി​യി​രു​ന്നു.


കൊ​ക്ക് വേ​ട്ട

ഇ​വ​യു​ടെ സാ​ന്നി​ദ്ധ്യം മ​ന​സി​ലാ​ക്കി​യ സാ​മൂ​ഹ്യ വി​രു​ദ്ധ​ര്‍ കൊ​ക്ക് വേ​ട്ട ന​ട​ത്താ​റു​ണ്ടാ​യി​രു​ന്നു. ചെ​റു​വ​ള്ള​ങ്ങ​ളി​ല്‍ പ്ര​ദേ​ശ​ത്ത് എ​ത്തു​ന്ന സം​ഘം വേ​ട്ട​യാ​ടി പി​ടി​ക്കു​ന്ന കൊ​ക്കു​ക​ളെ കു​ട്ട​നാ​ട്-​അ​പ്പ​ര്‍ കു​ട്ട​നാ​ട​ന്‍ മേ​ഖ​ല​ക​ളി​ലെ ക​ള്ളു​ഷാ​പ്പു​ക​ളി​ല്‍ വി​ല്‍​ക്കു​ക​യാ​ണ് പ​തി​വ്. കൊ​റ്റി​യി​റ​ച്ചി സ​ര്‍​ക്കാ​ര്‍ നി​രോ​ധി​ച്ച​തോ​ടെ വേ​ട്ട സം​ഘ​ങ്ങ​ള്‍ കു​റ​ഞ്ഞെ​ങ്കി​ലും അ​വ​യു​ടെ സം​ര​ക്ഷ​ണം ഉ​റ​പ്പാ​ക്കി​യി​ല്ല.

കു​ട്ട​നാ​ട്ടി​ല്‍ കൃ​ഷി സീ​സ​ണ്‍ ആ​രം​ഭി​ക്കു​മ്പോ​ള്‍ ആ​യി​ര​ക്ക​ണ​ക്കി​ന് ദേ​ശാ​ട​ന പ​ക്ഷി​ക​ള്‍ പാ​ട​ശേ​ഖ​ര​ങ്ങ​ളി​ല്‍ എ​ത്താ​റു​ണ്ട്. പ്ര​ഖ്യാ​പ​നം ന​ട​ത്തി​യ​ത​ല്ലാ​തെ സം​ര​ക്ഷ​ണം ഏ​റ്റെ​ടു​ക്കാ​ന്‍ പി​ന്നി​ടു​വ​ന്ന സ​ര്‍​ക്കാ​രു​ക​ള്‍ യാ​തൊ​രു ന​ട​പ​ടി​യും സ്വീ​ക​രി​ച്ചി​ല്ല. വ​നം, റ​വ​ന്യൂ, പോ​ലീ​സ്, ത​ദ്ദേ​ശ സ്വ​യം​ഭ​ര​ണം എ​ന്നീ വ​കു​പ്പു​ക​ളു​ട കീ​ക​ര​ണം ഉ​ണ്ടെ​ങ്കി​ല്‍ മാ​ത്ര​മേ പ​ദ്ധ​തി പ്രാ​വ​ര്‍​ത്തി​ക​മാ​ക്കാ​ന്‍ ക​ഴി​യൂ. ഇ​തി​നു​ള്ള ന​ട​പ​ടി സ​ര്‍​ക്കാ​ര്‍ ത​ല​ത്തി​ല്‍ ഏ​കോ​പി​പ്പി​ക്ക​ണ​മെ​ന്ന് പൊ​തു​ജ​ന​ങ്ങ​ള്‍ ആ​വ​ശ്യ​പ്പെ​ടു​ന്ന​ത്‌.