തു​റ​വൂ​ർ-കു​മ്പ​ള​ങ്ങി റോ​ഡ് ത​ക​ർ​ന്നു
Sunday, September 22, 2024 11:12 PM IST
തു​റ​വൂ​ർ: തി​ര​ക്കേ​റി​യ തു​റ​വൂ​ർ - കു​മ്പ​ള​ങ്ങി റോ​ഡ് ത​ക​ർ​ന്ന് ത​രി​പ്പ​ണ​മാ​യി. റോ​ഡി​ലെ വ​ൻ​കു​ഴി​ക​ൾ യാ​ത്ര​ക്കാ​രു​ടെ ന​ടു​വൊ​ടി​ക്കു​ന്നു. അ​രൂ​ർ തു​റ​വൂ​ർ ഉ​യ​ര​പ്പാ​ത​യു​ടെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് വാ​ഹ​ന​ങ്ങ​ൾ ഈ ​റോ​ഡി​ലൂ​ടെ​യാ​ണ് തി​രി​ച്ചു​വി​ടു​ന്ന​ത്. കൂ​ടാ​തെ നി​ര​വ​ധി കെ​എ​സ് ആ​ർ​ടി​സി, സ്വ​കാ​ര്യ ബ​സു​ക​ളും സ​ർ​വീ​സ് ന​ട​ത്തു​ന്ന റോ​ഡി​ന്‍റെ ശോ​ച്യാ​വ​സ്ഥ പ​രി​ഹ​രി​ക്കു​ന്ന​തി​ന് ടാ​റിം​ഗ് ന​ട​ത്താ​തെ കു​ഴി​യ​ട​ക്ക​ൽ നാ​ട​കം മാ​ത്ര​മാ​ണ് ന​ട​ക്കു​ന്ന​ത്.

എട്ടു വ​ർ​ഷം മു​മ്പാ​ണ് തു​റ​വൂ​ർ - കു​മ്പ​ള​ങ്ങി റോ​ഡി​ൽ അ​വ​സാ​ന​മാ​യി ടാ​റിം​ഗ് ന​ട​ത്തി​യ​ത്. കു​റ​ച്ചു​കാ​ല​ങ്ങ​ൾ​ക്കുശേ​ഷം ത​ക​ർ​ന്നുതു​ട​ങ്ങി​യ റോ​ഡി​ൽ ല​ക്ഷ​ങ്ങ​ൾ ചെ​ല​വ​ഴി​ച്ച് ഇ​ട​യ്ക്കി​ടെ അ​റ്റ​കു​റ്റ​പ്പ​ണി ന​ട​ത്തി​യെ​ങ്കി​ലും യാ​തൊ​രു പ്ര​യോ​ജ​ന​വു​മു​ണ്ടാ​യി​ല്ല. ത​ക​ർ​ച്ച​യി​ലാ​യ റോ​ഡി​ൽ മാ​സ​ങ്ങ​ൾ​ക്ക് മു​ൻ​പ് രൂ​പ​പ്പെ​ട്ട കു​ഴി​ക​ൾ കാ​ല​വ​ർ​ഷം ആ​രം​ഭി​ച്ച​തോ​ടെ ഇ​ര​ട്ടി​യി​ല​ധി​ക​മാ​യി. ചി​ല​യി​ട​ങ്ങ​ളി​ൽ റോ​ഡി​ന്‍റെ ഭാ​ഗം ഇ​ടി​ഞ്ഞു​താ​ഴു​ന്നു​ണ്ട്.

ക​ഴി​ഞ്ഞ​യി​ടെ ചി​ല കു​ഴി​ക​ൾ സി​മന്‍റ് മി​ശ്രി​തം ഇ​ട്ട് അ​ട​ച്ചെങ്കി​ലും മ​ഴ​യി​ൽ ഇ​വ​യെ​ല്ലാം ഒ​ലി​ച്ചു​പോ​കു​ക​യും നി​ല​വി​ൽ കാ​ൽ​ന​ട യാ​ത്ര​ക്കാ​ർ​ക്കു പോ​ലും സ​ഞ്ച​രി​ക്കു​വാ​ൻ സാ​ധി​ക്കാ​ത്ത അ​വ​സ്ഥ​യാ​ണ്.


കു​ഴി​ക​ളി​ൽ വീ​ഴാ​തി​രി​ക്കാ​ൻ വെ​ട്ടി​ച്ചു​മാ​റ്റു​മ്പോ​ൾ ഇ​രു​ച​ക്ര വാ​ഹ​ന യാ​ത്ര​ക്കാ​ർ അ​പ​ക​ട​ത്തി​ൽ​പ്പെ​ടു​ന്ന​ത് പ​തി​വാ​ണ്. ദി​വ​സ​വും നി​ര​വ​ധി അ​പ​ക​ട​ങ്ങ​ളാ​ണ് ഈ ​റോ​ഡി​ൽ സം​ഭ​വി​ക്കു​ന്ന​ത്. തു​റ​വൂ​ർ​ക​വ​ല​യ്ക്ക് പ​ടി​ഞ്ഞാ​റു ഭാ​ഗ​ത്താ​യി വ​ൻ ഗ​ർ​ത്ത​ങ്ങ​ളാ​ണ് രൂ​പ​പ്പെ​ട്ടി​രി​ക്കു​ന്ന​ത്. ടി ​ഡി ക​വ​ല​യി​ൽ വെ​ള്ള​ക്കെ​ട്ടു പ​രി​ഹ​രി​ക്കു​വാ​നാ​യി റോ​ഡി​ൽ ടൈ​ൽ ക​ട്ട​ക​ൾ പാ​കി​യ​തി​ൻ്റെ ഇ​രു​വ​ശ​വും റോ​ഡ് പൂ​ർ​ണ​മാ​യും ത​ക​ർ​ന്ന് വ​ൻ കു​ഴി​ക​ളാ​ണ് രൂ​പ​പ്പെ​ട്ടി​ട്ടു​ള്ള​ത്.

നാ​ലു​കു​ള​ങ്ങ​ര മു​ത​ൽ എ​ര​മ​ല്ലൂ​ർ വ​രെ​യും കു​മ്പ​ള​ങ്ങി വ​രെ​യും ആ​ളെ കൊ​ല്ലു​ന്ന നൂ​റു​ക​ണ​ക്കി​ന് കു​ഴി​ക​ളാ​ണ് ഉ​ള്ള​ത്. അ​ടി​യ​ന്തി​ര​മാ​യി തു​റ​വൂ​ർ-കു​മ്പ​ള​ങ്ങി -എ​ര​മ​ല്ലൂ​ർ റോ​ഡ് അ​റ്റ​കു​റ്റ​പ്പ​ണി ന​ട​ത്തി സ​ഞ്ചാ​ര​യോ​ഗ്യ​മാ​ക്ക​ണ​മെ​ന്ന ആ​വ​ശ്യം ശ​ക്ത​മാ​കു​ന്നു.