കൊ​ല്ലം-​തേ​നി ദേ​ശീ​യ​പാ​ത വി​ക​സ​നം: സം​യു​ക്ത പ​രി​ശോ​ധ​ന പൂ​ർ​ത്തി​യാ​യി
Sunday, September 22, 2024 3:33 AM IST
ചാ​രും​മൂ​ട്: കൊ​ല്ലം-തേ​നി ദേ​ശീ​യ​പാ​ത 183ന്‍റെ വി​ക​സ​ന​വു​മാ​യി ബ​ന്ധ​പ്പെ​ട്ട് ഭൂ​മി ഏ​റ്റെ​ടു​ക്ക​ലി​നു മു​മ്പു​ള്ള സം​യു​ക്ത പ​രി​ശോ​ധ​ന​യു​ടെ ഒ​ന്നാം ഘ​ട്ടം പൂ​ർ​ത്തി​യാ​യി.

കൊ​ല്ലം ജി​ല്ല​യു​ടെ​യും ആ​ല​പ്പു​ഴ ജി​ല്ല​യു​ടെ​യും അ​തി​ർ​ത്തി​യാ​യ ആ​ന​യ​ടിയി​ൽ നി​ന്നു ചെ​ങ്ങ​ന്നൂ​ർവ​രെ​യു​ള്ള പ​രി​ശോ​ധ​ന​യാ​ണ് പൂ​ർ​ത്തി​യാ​യ​ത്. ഇ​നി കൊ​ല്ലം ജി​ല്ല​യു​ടെ ഭാ​ഗ​മാ​യ ക​ട​വൂ​ർ ഒ​റ്റ​ക്ക​ൽ ജം​ഗ്ഷ​ൻ മു​ത​ൽ വ​യ്യാ​ങ്ക​രവ​രെ ര​ണ്ടാം ഘ​ട്ട സം​യു​ക്ത പ​രി​ശോ​ധ​ന ആ​രം​ഭി​ക്കും. പ്രാ​ഥ​മി​ക സ​ർ​വേ​യു​ടെ പൂ​ർ​ത്തീ​ക​ര​ണ​ത്തി​നുശേ​ഷം വി​ശ​ദ​മാ​യ ഡിപിആ​റും സ്ഥ​ലം ഏ​റ്റെ​ടു​പ്പി​നു​ള്ള ത്രീ ​എ നോ​ട്ടി​ഫി​ക്കേ​ഷ​ൻ അ​ട​ക്ക​മു​ള്ള ന​ട​പ​ടി​ക​ളി​ലേ​ക്ക് ക​ട​ക്കും.

കൊ​ല്ലം -തേ​നി ദേ​ശീ​യ​പാ​ത ക​ട​ന്നു​പോ​കു​ന്ന പ്ര​ദേ​ശ​ങ്ങ​ളി​ലെ ഭൂ​മി​യു​ടെ വി​വ​ര​ങ്ങ​ൾ പ​രി​ശോ​ധി​ക്കാ​ൻ ഉ​ദ്യോ​ഗ​സ്ഥ​ർ വി​ല്ലേ​ജ് ഓ​ഫീ​സു​ക​ളി​ൽനി​ന്നു ബ​ന്ധ​പ്പെ​ട്ട രേ​ഖ​ക​ൾ ശേ​ഖ​രി​ച്ചി​ട്ടു​ണ്ട്.

നാ​ലു​വ​രി​പ്പാ​ത​യാ​യി

കൊ​ല്ലം ജി​ല്ല​യി​ലെ സം​യു​ക്ത പ​രി​ശോ​ധ​ന പൂ​ർ​ത്തി​യാ​യാ​ൽ ഉ​ട​ൻ ഏ​റ്റെ​ടു​ക്കേ​ണ്ട ഭൂ​മി അ​ള​ന്ന് ക​ല്ലി​ടും. ദേ​ശീ​യപാ​ത വി​ഭാ​ഗം കൊ​ല്ലം എ​ക്സി​ക്യൂ​ട്ടീ​വ് എ​ൻ​ജി​നിയ​ർ ജോ​ൺ കെ​ന്ന​ത്ത്‌, കൊ​ല്ലം -തേ​നി ദേ​ശീ​യ​പാ​ത സ്ഥ​ലം ഏ​റ്റെ​ടു​പ്പ് ജി​ല്ലാ സ്പെ​ഷ​ൽ ത​ഹ​സി​ൽ​ദാ​ർ സി​ന്ധു, പ്രോ​ജ​ക്ട് ക​ൺ​സ​ൽ​ട്ട​ന്‍റ് ഹേ​മ​ന്ത് തു​ട​ങ്ങി​യവരു​ടെ നേ​തൃ​ത്വ​ത്തി​ലാ​ണ് ചെ​ങ്ങ​ന്നൂ​ർ മു​ത​ൽ ആ​ന​യ​ടി വ​രെ ക​ഴി​ഞ്ഞ മാ​സം 29ന് ​പ​രി​ശോ​ധ​ന ആ​രം​ഭി​ച്ച​ത്.

ദേ​ശീ​യ​പാ​ത ക​ട​ന്നു​പോ​കു​ന്ന പ്ര​ധാ​ന ജം​ഗ്‌​ഷ​നു​ക​ൾ കൂ​ടു​ത​ൽ വി​പു​ലീ​ക​രി​ക്കും. നാ​ലു​വ​രി​പ്പാ​ത​യാ​യാ​ണ് കൊ​ല്ലം -തേ​നി ദേ​ശീ​യ​പാ​ത പു​ന​ർ​നി​ർ​മി​ക്കു​ന്ന​ത്. കൊ​ല്ലം മു​ത​ൽ ചെ​ങ്ങ​ന്നൂ​ർ വ​രെ​യു​ള്ള ഭാ​ഗ​ത്ത് 22 ഹെ​ക്ട​റോ​ളം സ്ഥ​ലം ഏ​റ്റെ​ടു​ക്കാ​നാ​ണ് പ​ദ്ധ​തി.


മും​ബൈ ആ​സ്ഥാ​ന​മാ​യ ശ്രീ​ക​ണ്ഠ ക​ൺ​സ​ൾ​ട്ട​ൻ​സി ആ​ണ് കൊ​ല്ലം- തേ​നി ദേ​ശീ​യ​പാ​ത​യു​ടെ ഡി ​പി ആ​ർ ക​ൺ​സ​ൾ​ട്ട​ൻ​സ്. ഏ​റ്റെ​ടു​ക്കേ​ണ്ട ഭൂ​മി​യു​ടെ സ​ർ​വേ​ന​മ്പ​ർ, വി​സ്‌​തീ​ർ​ണം, വി​ല്ലേ​ജ് എ​ന്നി​വ ഉ​റ​പ്പു​വ​രു​ത്താ​നാ​ണ് സം​യു​ക്ത പ​രി​ശോ​ധ​ന ന​ട​ത്തി​യ​ത്. 16 മീ​റ്റ​ർ വീ​തി യി​ലാ​ണ് റോ​ഡു​നി​ർ​മാ​ണം. 16 മീ​റ്റ​റി​ൽ 12 മീ​റ്റ​ർ വീ​തി​യി​ലാ​ണ് ടാ​റിം​ഗ്.

ഭൂ​മി ഏ​റ്റെ​ടു​ക്ക​ൽ

നി​ല​വി​ൽ പൊ​തു​മ​രാ​മ​ത്ത് ദേ​ശീ​യ​പാ​ത വി​ഭാ​ഗ​ത്തി​ന്‍റെ സൈ​റ്റി​ൽ ഏ​റ്റെ​ടു​ക്കേ​ണ്ട ഭൂ​മി​യു​ടെ വി​വ​ര​ങ്ങ​ളു​ണ്ട്. 3എ ​വി​ജ്ഞാ​പ​ന​ത്തി​ന് പു​റ​മേ പോ​ർ​ട്ടി​ൽ അ​പ്ലോ​ഡ് ചെ​യ്യു​ന്ന ഭൂ​മി സം​ബ​ന്ധി​ച്ച് ഹി​യ​റിം​ഗും പ്ര​ധാ​ന​മാ​ണ്. തു​ട​ർ​ന്നാ​ണ് അ​തി​ർ​ത്തി നി​ർ​ണ​യി​ച്ച് ക​ല്ലി​ടീ​ൽ. അ​തു​ക​ഴി​ഞ്ഞാ​ൽ ഭൂ​മി ഏ​റ്റെ​ടു​ത്തു​കൊ​ണ്ടു​ള്ള ത്രീ​ഡി വി​ജ്ഞാ​പ​നം പ്ര​സി​ദ്ധീ​ക​രി​ക്കും. ഇ​തോ​ടൊ​പ്പം ന​ഷ്ട​പ​രി​ഹാ​രം നി​ർ​ണ​യി​ച്ച് വി​ല നി​ശ്ച​യി​ച്ച് ഭൂ​മി​ഏ​റ്റെടു​ത്ത ന​ട​പ​ടി പൂ​ർ​ത്തീക​രി​ക്കും.

അ​ലൈ​ൻ​മെ​ന്‍റി​ന് അം​ഗീ​കാ​രം ല​ഭി​ച്ചി​ട്ട് ഒ​ന്ന​ര​വ​ർ​ഷ​മാ​യി. കൊ​ല്ലം തേ​നി ദേ​ശീ​യ​പാ​ത നി​ർ​മാ​ണം കൊ​ല്ലം ബൈ​പാ​സി​ൽ ക​ട​വൂ​ർ ഒ​റ്റ​ക്ക​ൽ മു​ത​ൽ ചെ​ങ്ങ​ന്നൂ​ർ ആ​ഞ്ഞി​ലി​മൂ​ട് ക​വ​ല വ​രെ 58 കി​ലോ​മീ​റ്റ​റാ​ണ്. ക​ട​വൂ​ർ, പെ​രി​നാ​ട് ആ​ർ​ഒ​ബി, അ​ഞ്ചാ​ലും​മൂ​ട്, കു​ണ്ട​റ ഇ​ളം​മ്പ​ള്ളൂ​ർ, ചി​റ്റു​മ​ല, ഭ​ര​ണി​ക്കാ​വ്, ച​ക്കു​വ​ള്ളി, താ​മ​ര​ക്കു​ളം, ചാ​രും​മൂ​ട്, കൊ​ല്ല​ക​ട​വ് വ​ഴി ചെ​ങ്ങ​ന്നൂ​ർ ആ​ഞ്ഞി​ലി​മൂ​ട്ടി​ൽ എ​ത്തും. തു​ട​ർ​ന്ന് കോ​ട്ട​യം, മു​ണ്ട​ക്ക​യം, കു​ട്ടി​ക്കാ​നം, കു​മ​ളി, ക​മ്പംവ​ഴി തേ​നി​യി​ൽ പാ​ത അ​വ​സാ​നി​ക്കും.