മാലോം: ബളാൽ പഞ്ചായത്തിൽ കഴിഞ്ഞ ദിവസങ്ങളിലുണ്ടായ കാട്ടാന ആക്രമണത്തിൽ കൃഷിനാശം സംഭവിച്ച കർഷകർക്ക് മതിയായ നഷ്ടപരിഹാരം നല്കണമെന്നും ആനകളെ സ്ഥിരമായി കാടുകയറ്റുന്നതിനുള്ള നടപടികൾ വനംവകുപ്പ് സ്വീകരിക്കണമെന്നും വള്ളിക്കടവ് ന്യൂ സ്റ്റാർ സ്വാശ്രയസംഘം പൊതുയോഗം ആവശ്യപ്പെട്ടു.
ജോയ് മൈക്കിൾ പേണ്ടാനം അധ്യക്ഷത വഹിച്ചു. ഫ്രാൻസിസ് ചൂരനോലിൽ, സോണി മുണ്ടയ്ക്കൽ, മാത്യു പാലപറമ്പിൽ, നെറ്റോ, ജൻസൻ ഒരപ്പുഴയ്ക്കൽ, ചാക്കോ കുമ്പളന്താനം എന്നിവർ പ്രസംഗിച്ചു.