കൃ​ഷി​സ​മൃ​ദ്ധി പ​ദ്ധ​തി ജി​ല്ല​യി​ൽ അ​ഞ്ചു ത​ദ്ദേ​ശ​സ്ഥാ​പ​ന​ങ്ങ​ളി​ൽ
Friday, October 4, 2024 6:52 AM IST
കാ​സ​ർ​ഗോ​ഡ്: ഞ​ങ്ങ​ളും കൃ​ഷി​യി​ലേ​ക്ക് പ​ദ്ധ​തി​യു​ടെ തു​ട​ർ​ച്ച​യാ​യി കൃ​ഷി​വ​കു​പ്പ് ന​ട​പ്പാ​ക്കു​ന്ന കൃ​ഷി​സ​മൃ​ദ്ധി പ​ദ്ധ​തി ആ​ദ്യ​ഘ​ട്ട​ത്തി​ൽ ജി​ല്ല​യി​ൽ അ​ഞ്ചു ത​ദ്ദേ​ശ​സ്ഥാ​പ​ന​ങ്ങ​ളി​ൽ ന​ട​പ്പാ​ക്കും. കാ​ഞ്ഞ​ങ്ങാ​ട് ന​ഗ​ര​സ​ഭ​യി​ലും പി​ലി​ക്കോ​ട്, ബേ​ഡ​ഡു​ക്ക, കാ​റ​ഡു​ക്ക, എ​ൻ​മ​ക​ജെ പ​ഞ്ചാ​യ​ത്തു​ക​ളി​ലു​മാ​ണ് പ​ദ്ധ​തി ന​ട​പ്പാ​ക്കു​ക. അ​തേ​സ​മ​യം പ​ര​പ്പ ബ്ലോ​ക്കി​ൽ നി​ന്നു​മാ​ത്രം ഒ​രു പ​ഞ്ചാ​യ​ത്തി​നെ​യും പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ൽ ഉ​ൾ​പ്പെ​ടു​ത്തി​യി​ട്ടി​ല്ല.

ത​ദ്ദേ​ശ​സ്ഥാ​പ​ന​ങ്ങ​ളെ​യും ബ​ന്ധ​പ്പെ​ട്ട കൃ​ഷി​ഭ​വ​നു​ക​ളെ​യും വി​വി​ധ വ​കു​പ്പു​ക​ളെ​യും കൂ​ട്ടി​യി​ണ​ക്കി​യാ​ണ് പ​ദ്ധ​തി ന​ട​പ്പാ​ക്കു​ക. വാ​ർ​ഡ് ത​ല​ത്തി​ൽ അ​ത​ത് പ്ര​ദേ​ശ​ത്തി​ന്‍റെ​യും വി​ള​ക​ളു​ടെ​യും പ്ര​ത്യേ​ക​ത​ക​ൾ അ​ടി​സ്ഥാ​ന​മാ​ക്കി ഉ​ത്പാ​ദ​ന വി​ള​നി​ർ​ണ​യ​രേ​ഖ​യും കാ​ർ​ഷി​ക വി​ക​സ​ന ആ​സൂ​ത്ര​ണ​രേ​ഖ​യും ത​യാ​റാ​ക്കും. വാ​ർ​ഡ് അം​ഗം ചെ​യ​ർ​പേ​ഴ്സ​ണാ​യ നി​ർ​വ​ഹ​ണ​സ​മി​തി​യും അ​ത​ത് വാ​ർ​ഡി​ലെ ക​ർ​ഷ​ക​രെ ഉ​ൾ​പ്പെ​ടു​ത്തി​യ കൃ​ഷി​ക്കൂ​ട്ട​വും ചേ​ർ​ന്നാ​ണ് ഇ​വ ത​യാ​റാ​ക്കു​ക.

തു​ട​ർ​ന്ന് പ​ര​മ്പ​രാ​ഗ​ത വ​ഴി​ക​ൾ മാ​ത്രം ഉ​പ​യോ​ഗി​ക്കാ​തെ അ​ത​ത് ഇ​ട​ങ്ങ​ൾ​ക്ക് അ​നു​യോ​ജ്യ​മാ​യ ന​വീ​ന കൃ​ഷി​രീ​തി​ക​ളും ഡി​ജി​റ്റ​ൽ സാ​ങ്കേ​തി​ക​വി​ദ്യ​യും പ്ര​യോ​ജ​ന​പ്പെ​ടു​ത്തു​ന്ന​തി​നു​ള്ള സാ​ധ്യ​ത​ക​ൾ പ​രി​ശോ​ധി​ക്കും.

മൂ​ല്യ​വ​ർ​ധി​ത ഉ​ത്പ​ന്ന​ങ്ങ​ളു​ടെ നി​ർ​മാ​ണം, വി​പ​ണി​സാ​ധ്യ​ത​ക​ൾ എ​ന്നി​വ​യും പ​രി​ശോ​ധി​ക്കും. കാ​ർ​ഷി​കോ​ത്പ​ന്ന​ങ്ങ​ൾ കൃ​ത്യ​മാ​യി വി​പ​ണി​യി​ലെ​ത്തി​ക്കു​ന്ന​തി​നു​ള്ള സൗ​ക​ര്യ​ങ്ങ​ൾ ല​ഭ്യ​മാ​ക്കും.

വാ​ർ​ഡ് അം​ഗം ചെ​യ​ർ​പേ​ഴ്സ​ണും കൃ​ഷി​വ​കു​പ്പി​ൽ നി​ന്നു​ള്ള പ്ര​തി​നി​ധി ക​ൺ​വീ​ന​റു​മാ​യ നി​ർ​വാ​ഹ​ക​സ​മി​തി​യി​ൽ ക​ർ​ഷ​ക​രു​ടെ​യും പൊ​തു​പ്ര​വ​ർ​ത്ത​ക​രു​ടെ​യും പ്ര​തി​നി​ധി​ക​ളും അ​ത​ത് വാ​ർ​ഡി​ൽ നി​ന്നു​ള്ള ഒ​രു ക​ർ​ഷ​ക​മി​ത്ര വോ​ള​ണ്ടി​യ​റും അം​ഗ​മാ​യി​രി​ക്കും. വാ​ർ​ഡി​ലെ ത​രി​ശി​ട്ടി​രി​ക്കു​ന്ന മു​ഴു​വ​ൻ സ്ഥ​ല​ത്തി​ന്‍റെ​യും വി​വ​ര​ങ്ങ​ൾ ശേ​ഖ​രി​ച്ച് അ​തെ​ല്ലാം കൃ​ഷി​ക്കൂ​ട്ട​ത്തി​ന്‍റെ നേ​തൃ​ത്വ​ത്തി​ൽ അ​നു​യോ​ജ്യ​മാ​യ കൃ​ഷി​ക​ൾ​ക്ക് ഉ​പ​യു​ക്ത​മാ​ക്കും.


പ​ഴ​യ പാ​ട്ട​ക്ക​രാ​റി​നു പ​ക​രം കേ​ന്ദ്ര​സ​ർ​ക്കാ​രി​ന്‍റെ ന​വോ​ത്ഥാ​ൻ പ​ദ്ധ​തി​യി​ലെ വ്യ​വ​സ്ഥ​ക​ള​നു​സ​രി​ച്ചു​ള്ള ധാ​ര​ണ പ്ര​കാ​ര​മാ​കും ഭൂ​വു​ട​മ​ക​ളി​ൽ നി​ന്ന് ഭൂ​മി ല​ഭ്യ​മാ​ക്കു​ക. ഇ​തു​പ്ര​കാ​രം ഭൂ​വു​ട​മ​ക​ൾ​ക്കും മ​തി​യാ​യ പ്ര​തി​ഫ​ലം ഉ​റ​പ്പാ​ക്കും. വാ​ർ​ഡി​ൽ നി​ന്ന് അ​ഞ്ച് യു​വ​ജ​ന​ങ്ങ​ളെ​യെ​ങ്കി​ലും പു​തു​താ​യി കൃ​ഷി​യി​ലേ​ക്ക് കൊ​ണ്ടു​വ​രും. കൃ​ഷി, ത​ദ്ദേ​ശ​സ്വ​യം​ഭ​ര​ണം, മ​ണ്ണ് സം​ര​ക്ഷ​ണം, മൃ​ഗ​സം​ര​ക്ഷ​ണം, ക്ഷീ​ര​വി​ക​സ​നം, വ്യ​വ​സാ​യം, ഫി​ഷ​റീ​സ് തു​ട​ങ്ങി​യ വ​കു​പ്പു​ക​ളു​ടെ നി​ല​വി​ലു​ള്ള വി​വി​ധ പ​ദ്ധ​തി​ക​ളെ​ല്ലാം കൃ​ഷി​സ​മൃ​ദ്ധി പ​ദ്ധ​തി​യു​മാ​യി കൂ​ട്ടി​യി​ണ​ക്കി പ്ര​യോ​ജ​ന​പ്പെ​ടു​ത്തും.

കേ​ന്ദ്ര, സം​സ്ഥാ​ന സ​ർ​ക്കാ​രു​ക​ൾ, ന​ബാ​ർ​ഡ്, വി​വി​ധ ക​മ്പ​നി​ക​ളു​ടെ സാ​മൂ​ഹ്യ​പ്ര​തി​ബ​ദ്ധ​താ ഫ​ണ്ട് തു​ട​ങ്ങി​യ​വ​യി​ൽ നി​ന്നു​ള്ള ധ​ന​സ​ഹാ​യ​വും പ്ര​യോ​ജ​ന​പ്പെ​ടു​ത്തും.

പ​ദ്ധ​തി​യു​ടെ വി​ജ​യ​ക​ര​മാ​യ ന​ട​ത്തി​പ്പി​നാ​യി വാ​ർ​ഡ് ത​ല​ത്തി​നു മു​ക​ളി​ൽ ത​ദ്ദേ​ശ​സ്ഥാ​പ​ന ത​ല​ത്തി​ലും ജി​ല്ലാ​ത​ല​ത്തി​ലും നി​ർ​വ​ഹ​ണ സ​മി​തി​ക​ൾ പ്ര​വ​ർ​ത്തി​ക്കും.പ്രി​ൻ​സി​പ്പ​ൽ കൃ​ഷി ഓ​ഫീ​സ​ർ ചെ​യ​ർ​പേ​ഴ്സ​ണും ആ​ത്മ പ്രോ​ജ​ക്ട് ഡ​യ​റ​ക്ട​ർ ക​ൺ​വീ​ന​റു​മാ​യി​ട്ടാ​കും ജി​ല്ലാ​ത​ല സ​മി​തി പ്ര​വ​ർ​ത്തി​ക്കു​ക. മാ​സ​ങ്ങ​ൾ​ക്ക​കം ത​ന്നെ കൂ​ടു​ത​ൽ ത​ദ്ദേ​ശ​സ്ഥാ​പ​ന​ങ്ങ​ളി​ലേ​ക്ക് പ​ദ്ധ​തി വ്യാ​പി​പ്പി​ക്കാ​ൻ ക​ഴി​യു​മെ​ന്നാ​ണ് ധാ​ര​ണ.