ഊട്ടി: നീലഗിരി ജില്ലയിൽ പ്ലാസ്റ്റിക് ബോട്ടിലുകൾക്ക് പകരം പുതിയ അഞ്ച് രൂപ കുപ്പിവെള്ള ബോട്ടിലുകൾ പുറത്തിറക്കുന്നു. വിനോദ സഞ്ചാരികൾക്ക് വേണ്ടിയാണ് ഈ കുപ്പിവെള്ളം ഇറക്കുന്നത്.
ജില്ലാ ഭരണകൂടം പ്ലാസ്റ്റിക് ബോട്ടിലുകൾ നിരോധിച്ചിരുന്നു. തുടർന്ന് 70 ഇടങ്ങളിലായി വാട്ടർ എടിഎമ്മുകൾ സ്ഥാപിക്കുകയും ചെയ്തിരുന്നു. എന്നാൽ വാട്ടർ എടിഎമ്മുകൾ പൂർണ പരാജയമായിരുന്നു. സഞ്ചാരികൾക്ക് വാട്ടർ എടിഎമ്മുകളിൽ നിന്ന് കുടിവെള്ളം ലഭ്യമായിരുന്നില്ല. എൻജിൻ തകരാർ കാരണം മിക്ക എടിഎമ്മുകളും പ്രവർത്തനരഹിതമായിരുന്നു.