ശൈ​ല​ജ​യ്ക്ക് ത​യ്യ​ൽ മെ​ഷീ​ൻ, മെ​ഹ​ന​യ്ക്ക് സൈ​ക്കി​ൾ; ഉ​രു​ൾ ദു​ര​ന്ത ബാ​ധി​ത​ർ​ക്ക് രാ​ഹു​ൽ​ഗാ​ന്ധി​യു​ടെ സ്നേ​ഹ​സ​മ്മാ​നം
Monday, September 9, 2024 8:23 AM IST
ക​ൽ​പ്പ​റ്റ: ശൈ​ല​ജ​യ്ക്ക് ത​യ്യ​ൽ മെ​ഷീ​ൻ, മെ​ഹ​ന​യ്ക്ക് സൈ​ക്കി​ൾ... ഉ​രു​ൾ ദു​ര​ന്ത​ത്തി​ൽ ഉ​ള്ളു​ല​ഞ്ഞ​വ​ർ​ക്ക് സാ​ന്ത്വ​ന​മാ​യി ലോ​ക്സ​ഭാ പ്ര​തി​പ​ക്ഷേ നേ​താ​വ് രാ​ഹു​ൽ​ഗാ​ന്ധി​യു​ടെ സ്നേ​ഹ സ​മ്മാ​നം. പു​ഞ്ചി​രി​മ​ട്ടം ഉ​രു​ൾ​പൊ​ട്ട​ലി​ൽ വീ​ടും സ്ഥ​ല​വും ജീ​വ​നോ​പാ​ധി​ക​ളും ന​ഷ്ട​മാ​യ വ​നി​ത​യാ​ണ് ശൈ​ല​ജ. ഭ​ർ​ത്താ​വി​നു കൂ​ലി​പ്പ​ണി​യാ​ണ്. കു​ടും​ബം ചെ​ല​വു​ക​ൾ ചു​രു​ക്കി മൂ​ത്ത മ​ക​ളു​ടെ ക​ല്യാ​ണ​ത്തി​ന് കൂ​ട്ടി​വ​ച്ച സ​ന്പാ​ദ്യം ഉ​രു​ൾ​വെ​ള്ളം കൊ​ണ്ടു​പോ​യി. ചൂ​ര​ൽ​മ​ല സ്കൂ​ൾ റോ​ഡി​ലാ​ണ് കു​ടും​ബം താ​മ​സി​ച്ചി​രു​ന്ന​ത്.

വീ​ട് ഉ​ണ്ടാ​യി​രു​ന്ന സ്ഥ​ലം ഇ​പ്പോ​ൾ തി​രി​ച്ച​റി​യാ​ൻ ക​ഴി​യാ​ത്ത അ​വ​സ്ഥ​യി​ലാ​ണ്. മ​ക്ക​ളു​ടെ വി​ദ്യാ​ഭ്യാ​സം കു​ടും​ബ​ത്തി​നു മു​ന്നി​ൽ ചോ​ദ്യ​ചി​ഹ്ന​മാ​ണ്. മ​ക​ൻ പ​ഠ​ന​ത്തി​ന് വാ​ങ്ങി​യ ലാ​പ്ടോ​പ് അ​ട​വ് തീ​ർ​ന്ന​തി​ന്‍റെ പി​റ്റേ​മാ​സ​മാ​ണ് ഉ​രു​പൊ​ട്ട​ലി​ൽ ന​ഷ്ട​മാ​യ​ത്. ജീ​വി​തം എ​ങ്ങ​നെ മു​ന്നോ​ട്ടു​കൊ​ണ്ടു​പോ​കു​മെ​ന്ന ചി​ന്ത​യി​ൽ നീ​റു​ന്ന​തി​നി​ടെ​യാ​ണ് രാ​ഹു​ൽ​ഗാ​ന്ധി മു​ഖേ​ന ശൈ​ല​ജ​യ്ക്ക് ത​യ്യ​ൽ മെ​ഷീ​ൻ ല​ഭി​ച്ച​ത്.

ചൂ​ര​ൽ​മ​ല​യി​ലെ ജം​ഷീ​റി​ന്‍റെ മ​ക​ളാ​ണ് മെ​ഹ​ന. ഉ​രു​ൾ ക​വ​ർ​ന്ന​തി​നു പ​ക​രം സൈ​ക്കി​ൾ ല​ഭി​ച്ച​പ്പോ​ൾ അ​വ​ളു​ടെ മു​ഖ​ത്ത് സ​ന്തോ​ഷ​പ്പൂ​ത്തി​രി ക​ത്തി. ഉ​രു​ൾ​പൊ​ട്ടി​യ​ത​റി​ഞ്ഞ് വീ​ട്ടു​കാ​ർ ക്വാ​ട്ടേ​ഴ്സു​ക​ളി​ൽ​നി​ന്നു ഇ​റ​ങ്ങി ഓ​ടു​ന്ന​തി​നി​ടെ മെ​ഹ​ന​യും കൂ​ട്ടു​കാ​രി കി​ങ്ങി​ണി​യും ഒ​ഴു​ക്കി​ൽ​പ്പെ​ട്ടു. മ​ണി​ക്കൂ​റു​ക​ൾ ക​ഴി​ഞ്ഞ് വെ​ള്ളാ​ർ​മ​ല സ്കൂ​ളി​ന്‍റെ പി​ൻ​ഭാ​ഗ​ത്തു​നി​ന്നാ​ണ് ശ​രീ​ര​മാ​സ​ക​ലം മു​റി​വേ​റ്റ നി​ല​യി​ൽ ജം​ഷീ​റി​ന് മ​ക​ളെ തി​രി​കെ ല​ഭി​ച്ച​ത്. അ​പ്പോ​ഴേ​ക്കും കി​ങ്ങി​ണി മെ​ഹ​ന​യു​ടെ കൈ​വി​ട്ടു​പോ​യി​രു​ന്നു.


വെ​ള്ള​ത്തി​ൽ​നി​ന്നു എ​ടു​ത്തു​കൊ​ണ്ടു​വ​രു​ന്പോ​ൾ കി​ങ്ങി​ണി​യെ​യും പി​താ​വ് സ​മ്മാ​നി​ച്ച സൈ​ക്കി​ളി​നെ​യും കു​റി​ച്ചാ​ണ് മെ​ഹ​ന ചോ​ദി​ച്ച​ത്. ന​ഷ്ട​പ്പെ​ട്ട​തി​നു പ​ക​രം മെ​ഹ​ന​യ്ക്ക് സൈ​ക്കി​ൾ സ​മ്മാ​നി​ക്കു​ന്ന​ത് വാ​ർ​ഡ് അം​ഗം സു​ക​ന്യ​യാ​ണ് കോ​ണ്‍​ഗ്ര​സ് നേ​താ​ക്ക​ളു​ടെ ശ്ര​ദ്ധ​യി​ൽ കൊ​ണ്ടു​വ​ന്ന​ത്. രാ​ഹു​ൽ​ഗാ​ന്ധി ല​ഭ്യ​മാ​ക്കി​യ സൈ​ക്കി​ൾ വ​ണ്ടൂ​ർ എം​എ​ൽ​എ എ.​പി. അ​നി​ൽ​കു​മാ​ർ മു​ഖേ​ന​യാ​ണ് ക​ഴി​ഞ്ഞ​ദി​വ​സം മെ​ഹ​ന​യു​ടെ വീ​ട്ടി​ലെ​ത്തി​ച്ച​ത്.