വാഴവറ്റ: പദ്മശ്രീ ചെറുവയൽ രാമന് പാക്കം വീനസ് ഗ്രന്ഥശാലയുടെ നേതൃത്വത്തിൽ സ്വീകരണം നൽകി. ചടങ്ങിൽ ഗ്രന്ഥശാലാപരിധിയിൽ കഴിഞ്ഞ അധ്യയനവർഷം എസ്എസ്എൽസി, പ്ലസ് ടു പരീക്ഷകളിൽ ഉന്നത വിജയം നേടിയവരെയും ജില്ലാ സബ് ജൂണിയർ ഫുട്ബോൾ താരം ജോയൽ കെ. ഷാജിയെയും ആദരിച്ചു. മുട്ടിൽ പഞ്ചായത്ത് 10-ാം വാർഡ് അംഗം പി.ജി. സജീവ് ഉദ്ഘാടനം ചെയ്തു. ഗ്രന്ഥശാലാ പ്രസിഡന്റ് വി. ജോണ് അധ്യക്ഷത വഹിച്ചു. വൈത്തിരി താലൂക്ക് ലൈബ്രറി കൗണ്സിൽ പ്രസിഡന്റ് സി.കെ. രവീന്ദ്രൻ, റോയി ചാക്കോ, ജോസഫ് മാണിശേരി, വി.പി. വർക്കി, സി.ടി. ജോയി, ജീവൻ ജോണ്സ് എന്നിവർ പ്രസംഗിച്ചു.