പ്രതിയുടെ പരാതിയിൽ വീ​ട്ട​മ്മ​യു​ടെ ഭ​ർ​ത്താ​വി​നെ​തി​രേ കേസെടുത്തു
Friday, August 2, 2024 6:34 AM IST
തി​രു​വ​ന​ന്ത​പു​രം: പാ​ൽ​കു​ള​ങ്ങ​ര ചെ​ന്പ​ക​ശേ​രി ലെ​യി​നി​ൽ വീ​ട്ട​മ്മ​യെ വെ​ട വ​ച്ചു കൊ​ല്ലാ​ൻ ശ്ര​മി​ച്ചകേ​സി​ൽ കൊ​ല്ലം സ്വ​ദേ​ശി​യാ​യ പ്ര​തി​യു​ടെ പ​രാ​തി​യി​ൽ വീ​ട്ട​മ്മ​യു​ടെ ഭ​ർ​ത്താ​വാ​യ സു​ജി​ത് നാ​യ​ർ​ക്കെ​തി​രെ പോ​ലീ​സ് കേ​സെ​ടു​ത്തു.

വീ​ട്ട​മ്മ​യെ വെ​ടി​വ​യ് ക്കാ​ൻ ഉ​പ​യോ​ഗി​ച്ച എ​യ​ർ പി​സ്റ്റ​ൾ ക​ണ്ടെ​ത്തു​ന്ന​തി​നാ​യി പ്ര​തി​യെ ക​സ്റ്റ​ഡി​യി​ൽ ആ​വ​ശ്യ​പ്പെ​ട്ട് പ്രോ​സി​ക്യൂ​ഷ​ൻ ഇന്നു കോ​ട​തി​യി​ൽ അ​പേ​ക്ഷ ന​ൽ​കും. പ്ര​തി കൊ​ല​പാ​ത​ക​ശ്ര​മ​ത്തി​ന് ഉ​പ​യോ​ഗി​ച്ചി​രു​ന്ന കാ​ർ കൊ​ല്ലം ആ​യൂ​ർ വെള്ള​ച്ചാ​ൽ ഭാ​ഗ​ത്തുനി​ന്നു പോ​ലീ​സ് ക​ണ്ടെ​ടു​ത്തി​രു​ന്നു.​ജു​ഡീ​ഷ​ൽ ഫ​സ്റ്റ് ക്ലാ​സ് മ​ജി​സ് ട്രേ​റ്റ് കോ​ട​തി 11 ആ​ണ് കേ​സ് പ​രി​ഗ​ണി​ച്ച​ത്.

കൊ​ല്ല​ത്തെ സ്വ​കാ​ര്യ ആ​ശു​പ​ത്രി സ്റ്റാ​ഫ് ക്വാ​ർ​ട്ടേ​ഴ്സി​ൽ വ​ച്ച് 2021 ഓ​ഗ​സ്റ്റ് മാ​സം സു​ജി​ത് നാ​യ​ർ ബ​ല​പ്ര​യോ​ഗ​ത്തി​ലൂ​ടെ പ്ര​തി​യു​മാ​യി ശാ​രീ​രി​ക ബ​ന്ധ​ത്തി​ൽ ഏ​ർ​പ്പെ​ട്ടെ​ന്നും ഇ​തി​നു ശേ​ഷം പെ​ട്ടെ​ന്നു സൗ​ഹൃ​ദം അ​വ​സാ​നി​പ്പി​ച്ചുവെന്നും ഇതിലു ള്ള ദേ​ഷ്യ​ത്തി​ലാ​ണ് വീ​ട്ട​മ്മ​യെ കൊ​ല​പ്പെ​ടു​ത്തി പ്ര​തി​കാ​രം ചെ​യ്യാ​ൻ തീ​രു​മാ​നി​ച്ച​തെ​ന്നാ​ണ് പ്ര​തി പോ​ലീ​സി​നോ​ടു പ​റ​ഞ്ഞി​ട്ടു​ള്ളത്. സു​ജി​ത് നാ​യ​ർ​ക്കെ​തി​രെ ശാ​രീ​രി​ക​ബ​ന്ധ​ത്തി​നു താ​ത്പ​ര്യ​മി​ല്ലാ​തി​രു​ന്ന ആ​ളെ ലൈം​ഗി​ക​മാ​യി പീ​ഡി​പ്പി​ക്ക​ൽ, സ്ത്രീ​ത്വ​ത്തെ അ​പ​മാ​നി​ക്ക​ൽ, ബ​ലാ​ൽ​സം​ഗം ചെ​യ്യ​ൽ എ​ന്നീ കു​റ്റ​ങ്ങ​ൾ ചു​മ​ത്തി​യാ​ണ് പോ​ലീ​സ് കേ​സ് എ​ടു​ത്തി​ട്ടു​ള്ള​ത്.


കൊ​റി​യ​ർ വി​ത​ര​ണ​ത്തി​നെ​ന്ന വ്യാ​ജേ​ന​യാ​ണ് പ്ര​തി വീ​ട്ട​മ്മ​യു​ടെ വീ​ട്ടി​ലെ​ത്തി​യ​ത്. കൊ​റി​യ​ർ ഒ​പ്പി​ട്ടു വാ​ങ്ങു​ന്ന​തി​നി​ടെ​യാ​ണ് പ്ര​തി ത​ന്‍റെ പാ​ന്‍റ്സി​ന്‍റെ പോ​ക്ക​റ്റി​ൽ നി​ന്ന് എ​യ​ർ പി​സ്റ്റ​ലെ​ടു​ത്തു വീ​ട്ട​മ്മ​യെ വെ​ടി​വ​ച്ച​ത്. കൈ ​കൊ​ണ്ടു മു​ഖം മ​റ​യ്ക്കു​ന്ന​തി​നി​ടെ​യാ​ണ് വീ​ട്ട​മ്മ​യു​ടെ ഇ​ട​തു കൈ​യി​ൽ പെ​ല്ല​റ്റ് തു​ള​ച്ചു ക​യ​റി​യ​ത്.

സ്വ​കാ​ര്യ ആ​ശു​പ​ത്രി​യി​ൽ ന​ട​ത്തി​യ ശ​സ്ത്ര​ക്രി​യ​യി​ലൂ​ടെ പു​റ​ത്തെ​ടു​ത്ത പെ​ല്ല​റ്റ് പോ​ലീ​സ് തെ​ളി​വി​നാ​യി ക​സ്റ്റ​ഡി​യി​ൽ എ​ടു​ത്തി​ട്ടു​ണ്ട്.