വീട്ടിൽകയറി വെടിയുതിർത്ത സംഭവം : സു​ജി​ത്തി​ന്‍റെ അ​വ​ഗ​ണ​ന ത​ള​ർ​ത്തി​യെ​ന്ന് പ്രതി
Friday, August 2, 2024 6:34 AM IST
തി​രു​വ​ന​ന്ത​പു​രം: സു​ജി​ത്തി​ന്‍റെ അ​വ​ഗ​ണ​ന ത​ന്നെ മാ​ന​സി​ക​മാ​യി ത​ള​ർ​ത്തി​യെ​ന്ന് വ​ഞ്ചി​യൂ​ർ വെ​ടി​വ​യ്പ് കേ​സി​ലെ പ്ര​തിയുടെ മൊഴി. സു​ജി​ത്തി​നോ​ടു​ള്ള പ​ക​യാ​ണ് ഷി​നി​യെ ആ​ക്ര​മി​ക്കാ​ൻ​ത​ന്നെ പ്രേ​രി​പ്പി​ച്ച​തെ​ന്നും യുവതി പോ​ലീ​സി​ന്‍റെ ചോ​ദ്യം ചെ​യ്യ​ലി​ലും തെ​ളി​വെ​ടു​പ്പി​ലും വെ​ളി​പ്പെ​ടു​ത്തി. താ​ൻ അ​നു​ഭ​വി​ച്ച മാ​ന​സി​ക വേ​ദ​ന സു​ജി​ത്തും അ​റി​യ​ണ​മെ​ന്ന ഉ​റ​ച്ച തീ​രു​മാ​ന​മാ​ണ് ഷി​നി​യെ ആ​ക്ര​മി​ക്കാ​ൻ പ​ദ്ധ​തി ത​യാ​റാ​ക്കി​യ​ത്.

ആറു മാ​സ​ക്കാ​ല​മാ​യി ആ​ക്ര​മ​ണ​ത്തി​നു മാ​ന​സി​ക​മാ​യി ത​യാ​റെ​ടു​പ്പു ന​ട​ത്തി​വ​രി​ക​യാ​യി​രു​ന്നു. എ​യ​ർ പി​സ്റ്റ​ൾ ഉ​പ​യോ​ഗി​ച്ച് ഷി​നി​യു​ടെ ത​ല​യ്ക്കാ​ണ് വെ​ടി​യു​തി​ർ​ക്കാ​ൻ ശ്ര​മി​ച്ച​ത്. എ​ന്നാ​ൽ ഉ​ന്നം മാ​റി​പ്പോ​യി. അ​ടു​ത്തുനി​ന്നു ത​ല​യ്ക്ക് വെ​ടി​വ​ച്ചാ​ൽ മ​ര​ണം സം​ഭ​വി​ക്കു​മെ​ന്നു മ​ന​സി​ലാ​ക്കി​യാ​ണ് ത​ല​യ്ക്കുനേ​രെ വെ​ടി​വ​യ്ക്കാ​ൻ ത​യാ​റാ​യ​ത്.

എ​ന്നാ​ൽ ഷി​നി കൈ​കൊ​ണ്ട് ചെ​റു​ത്തു​വെ​ന്നും പ്രതി ചോ​ദ്യം ചെ​യ്യ​ലി​ൽ വെ​ളി​പ്പെ​ടു​ത്തി​യി​രു​ന്നു. പോ​ലീ​സ് ത​ന്നെ സം​ശ​യി​ക്കു​കയോ പി​ടി​യ്ക്കു​ക​യോ ചെ​യ്യി​ല്ലെ​ന്ന ഉ​റ​ച്ച വി​ശ്വാ​സ​മു​ണ്ടാ​യി​രു​ന്നു. അ​ത​നു​സ​രി​ച്ചാ​ണു കൃ​ത്യ​ത്തി​നു​ള്ള പ​ദ്ധ​തി ത​യാ​റാ​ക്കി​യി​രു​ന്ന​തെ​ന്നും യുവതി ചോ​ദ്യം ചെ​യ്യ​ലി​ൽ പോ​ലീ​സി​നോ​ട് സ​മ്മ​തി​ച്ചി​ട്ടുണ്ട്.

സു​ജി​ത്ത് താ​നു​മാ​യി അ​ക​ന്ന​തു സ​ഹി​ക്കാ​വു​ന്ന​തി​ലും അ​പ്പു​റ​മാ​യി​രു​ന്നു. ജീ​വി​തം അ​വ​സാ​നി​പ്പി​ക്ക​ണ​മെ​ന്ന ചി​ന്ത​യോ​ടെ​യാ​ണ് ജീ​വി​ച്ച​തെ​ന്നും അ​വ​ർ പോ​ലീ​സി​നോ​ട് വെ​ളി​പ്പെ​ടു​ത്തി​യി​രു​ന്നു. നാ​ഷ​ണ​ൽ ഹെ​ൽ​ത്ത് മി​ഷ​ൻ പി​ആ​ർ​ഒ ഷി​നി​യെ പെ​രു​ന്താ​ന്നി​യി​ലെ വീ​ട്ടി​ലെ​ത്തി മു​ഖം മ​റ​ച്ചു വെ​ടി​വ​ച്ചു കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ലെ പ്ര​തി യായ ഡോക്ടറാണ് പോ​ലീ​സി​ന്‍റെ ചോ​ദ്യം ചെ​യ്യ​ലി​ലും തെ​ളി​വെ​ടു​പ്പ് വേ​ള​യി​ലും മ​ന​സു തു​റ​ന്നു കു​റ്റം സ​മ്മ​തി​ച്ച​ത്.

കൊ​ല്ല​ത്തെ സ്വ​കാ​ര്യ മെ​ഡി​ക്ക​ൽ കോ​ള​ജി​ൽ സു​ജി​ത്തും താ​നും ഒ​രു​മി​ച്ച് ജോ​ലി ചെ​യ്ത​പ്പോ​ഴു​ള്ള സൗ​ഹൃ​ദം പ്ര​ണ​യ​ത്തി​ലേ​ക്കു വ​ഴി​മാ​റി​യി​രു​ന്നു​വെ​ന്നും യു​വ​തി പോ​ലീ​സി​നോ​ട് വ്യ​ക്ത​മാ​ക്കി​യി​രു​ന്നു.

ഷി​നി​യെ ആ​ക്ര​മി​ക്കാ​ൻ ഉ​പ​യോ​ഗി​ച്ചെ​ന്നു ക​രു​തു​ന്ന എ​യ​ർ​പി​സ്റ്റ​ൽ ക​ഴി​ഞ്ഞ ദി​വ​സം പോ​ലീ​സ് യുവതിയുടെ താ​മ​സസ്ഥ​ല​ത്തെ ക്വാ​ർ​ട്ടേ​ഴ്സി​ൽ നി​ന്നും ക​ണ്ടെ​ടു​ത്തു. കോ​ട​തി റി​മാ​ന്‍റ് ചെ​യ്ത ഡോക്ടർ കൂടിയായ യുവതി ജു​ഡീ​ഷ്യ​ൽ ക​സ്റ്റ​ഡി​യി​ൽ ജ​യി​ലി​ലാ​ണ്.


പ്രതി നടത്തിയത് വിദഗ്ധമായ ആസൂത്രണം


തി​രു​വ​ന​ന്ത​പു​രം: നാ​ഷ​ണ​ൽ ഹെ​ൽ​ത്ത് മി​ഷ​ൻ പി​ആ​ർ​ഒ ഷി​നി​യെ വെ​ടി​വ​ച്ചു കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ റി​മാ​ന്‍റി​ൽ ക​ഴി​യു​ന്ന യുവതി കു​റ്റ​കൃ​ത്യ​ത്തി​ൽ ത​ന്നെ പി​ടി​കൂ​ടാ​തി​രി​ക്കാ​ൻ വി​ദ​ഗ്ധ​മാ​യ ആ​സൂ​ത്ര​ണ​വും മു​ൻ​ക​രു​ത​ലും സ്വീ​ക​രി​ച്ചി​രു​ന്നു​വെ​ന്ന് പോ​ലീ​സ്. സ്വ​ന്തം വാ​ഹ​നം ഒ​ഴി​വാ​ക്കി ബ​ന്ധു​വി​ന്‍റെ വാ​ഹ​ന​ത്തി​ൽ വ്യാ​ജ ന​ന്പ​ർ പ്ലേ​റ്റ് ഘ​ടി​പ്പി​ച്ച് കൃ​ത്യ​ത്തി​നെ​ത്തി​യ​ത് ഇ​തി​ന്‍റെ ഭാ​ഗ​മാ​യി​ട്ടാ​യി​രു​ന്നു.

മു​ഖം വ്യ​ക്ത​മാ​യി കാ​ണാ​തി​രി​ക്കാ​ൻ പ്ര​തി മു​ഖ​പ​ടം ഉ​പ​യോ​ഗി​ച്ചി രു​ന്നു. കൃ​ത്യ​ത്തി​നു​ശേ​ഷം കൊ​ല്ല​ത്തേ​ക്കു​പോ​യ യു​വ​തി ആ​ശു​പ​ത്രി​യി​ൽ ഡ്യൂ​ട്ടി​യി​ലാ​യി​രു​ന്നു​വെ​ന്നു​വ​രു​ത്താ​ൻ ശ്ര​മി​ച്ചു. പോ​ലീ​സ് ത​ന്നെ പി​ടി​കൂ​ടി​ല്ലെ​ന്ന് ഉ​റ​പ്പു​ണ്ടാ​യി​രു​ന്ന യു​വ​തി മാ​ധ്യ​മ​ങ്ങ​ളി​ൽ ഇ​തു സം​ബ​ന്ധി​ച്ചു​വ​ന്ന വാ​ർ​ത്ത​ക​ൾ സൂ​ക്ഷ്മ​മാ​യി ശ്ര​ദ്ധി​ച്ചി​രു​ന്നു. ചാ​ക്ക മു​ത​ൽ കൊ​ല്ലം വ​രെ​യു​ള്ള 30 ൽ​പ​രം പ്ര​ദേ​ശ​ങ്ങ​ളി​ലെ സി​സി​ടി​വി കാ​മ​റ ദൃ​ശ്യ​ങ്ങ​ൾ ശേ​ഖ​രി​ച്ച് പോ​ലീ​സ് ന​ട​ത്തി​യ അ​ന്വേ​ഷ​ണ​ത്തി​ലാ​ണ് കാ​റി​ന്‍റെ യാ​ത്ര അ​വ​സാ​നി​ച്ച സ്ഥ​ലം ക​ണ്ടെ​ത്തി​യ​ത്.

പ്ര​തി​യുടെ ​മൊ​ബൈ​ൽ ന​ന്പ​ർ കേ​ന്ദ്രീ​ക​രി​ച്ച് സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ ന​ട​ത്തി​യ അ​ന്വേ​ഷ​ണ​ത്തി​ൽ നി​ര​വ​ധി ത​വ​ണ യു​വ തി ​പെ​രു​ന്താ​ന്നി പ്ര​ദേ​ശ​ത്തി​ന്‍റെ മൊ​ബൈ​ൽ ട​വ​ർ പ​രി​ധി​യി​ലു​ണ്ടാ​യി​രു​ന്നു​വെ​ന്നു തി​രി​ച്ച​റി​ഞ്ഞു. സു​ജി​ത്തി​ൽ​നി​ന്നും വി​വ​ര​ങ്ങ​ൾ അ​ന്വേ​ഷി​ച്ച പോ​ലീ​സ് സം​ഘം യു​വ​തി​യു​ടെ നീ​ക്ക​ങ്ങ​ൾ നി​രീ​ക്ഷി​ക്കു​ക​യാ​യി​രു​ന്നു.

ജോ​ലി നോ​ക്കു​ന്ന ഹോ​സ്പി​റ്റ​ലി​ലെ​ത്തി അ​ന്വേ​ഷ​ണ സം​ഘം ക​സ്റ്റ​ഡി​യി​ലെ​ടു​ത്ത​പ്പോ​ ഴും യു​വ​തി തി​ക​ഞ്ഞ ആ​ത്മ​വി​ശ്വാ​സ​ത്തി​ലാ​യി​രു​ന്നു. തി​രു​വ​ന​ന്ത​പു​രം ക​മ്മീ​ഷ​ണ​ർ ഓ​ഫീ​സി​ലെ​ത്തി​ച്ചു ചോ​ദ്യം ചെ​യ്ത​പ്പോ​ൾ ആ​ദ്യം ഒ​ഴി​ഞ്ഞു​മാ​റി. സി​സി​ടി​വി ദൃ​ശ്യ​ങ്ങ​ളും ട​വ​ർ ലൊ​ക്കേ​ഷ​ൻ വി​വ​ര​ങ്ങ​ളും കാ​ണി​ച്ച് ചോ​ദ്യം ചെ​യ്ത​പ്പോ​ഴാ​ണ് പി​ടി​ച്ച് നി​ൽ​ക്കാ​നാ​കാ​തെ മു​ഴു​വ​ൻ കാ​ര്യ​ങ്ങ​ളും വെ​ളി​പ്പെ​ടു​ത്തി​യ​ത്. യു​വ​തി​യു​ടെ അ​റ​സ്റ്റി​ൽ ആ​ശു​പ​ത്രി ജീ​വ​ന​ക്കാ​രും ഞെ​ട്ടി.