തിരുവനന്തപുരം: കേന്ദ്ര ബജറ്റിൽ കേരളത്തോടുള്ള അവഗണനയിൽ പ്രതിഷേധിച്ച് ശക്തമായ പ്രക്ഷോഭം നടത്തണമെന്നു കൊടിക്കുന്നിൽ സുരേഷ് എം.പി. ഡിസിസി സംഘടിപ്പിച്ച ജില്ലാ ക്യാന്പിൽ പ്രസംഗിക്കുകയായിരുന്നു കൊടിക്കുന്നിൽ. യുഡി എഫ് കണ്വീനർ എം.എം. ഹസൻ ക്യാന്പ് ഉദ്ഘാടനം ചെയ്തു.
ഡിസിസി പ്രസിഡന്റ് പാലോട് രവി അധ്യക്ഷത വഹിച്ചു. വയനാട് ക്യാന്പ് തീരുമാനങ്ങളെക്കുറിച്ച് കെ.പി. ശ്രീകുമാർ, വി.എസ്.ശിവകുമാർ എന്നിവർ വിശദീകരിച്ചു. എൻ. ശക്തൻ, ചെറിയാൻ ഫിലിപ്പ്, മര്യാപുരം ശ്രീകുമാർ, ജി.എസ്. ബാബു, എം. വിൻസന്റ് എംഎൽഎ, ടി. ശരത്ചന്ദ്രപ്രസാദ്, മണക്കാട് സുരേഷ് തുട ങ്ങിയവർ പ്രസംഗിച്ചു.