തി​രു​വ​ന​ന്ത​പു​രം: സ്മാ​ർ​ട് സി​റ്റി അ​റ്റ​കു​റ്റ​പ്പ​ണി​യു​ടെ പേ​രി​ൽ വ​ഴു​ത​ക്കാ​ട് നി​വാ​സി​ക​ളു​ടെ വെ​ള്ളം​കു​ടി മു​ട്ടി​ക്കു​ന്ന വാ​ട്ട​ർ അ​ഥോറി​റ്റി​യു​ടേ​യും സ്മാ​ർട്ട് സി​റ്റി അ​ധി​കൃ​ത​രു​ടേ​യും നി​ല​പാ​ടി​നെ​തി​രേ പ്ര​തി​ഷേ​ധം ശ​ക്ത​മാ​യി. തു​ട​ർ​ച്ച​യാ​യി സ​മ​രം ന​ട​ത്തി​യി​ട്ടും കു​ടി​വെ​ള്ളം ല​ഭ്യ​മ​ല്ലാ​ത്ത സ്ഥി​തി​യാ​ണ്. ഇ​തേ തു​ട​ർ​ന്ന ഇ​ന്ന​ലേ​യും ജ​ന​കീ​യ പ്ര​ക്ഷോ​ഭ​വു​മാ​യി വ​ഴു​ത​ക്കാ​ട് നി​വാ​സി​ക​ൾ വാ​ട്ട​ർ അ​ഥോ​റി​റ്റി ഓ​ഫീ​സി​നു മു​ന്നി​ലെ​ത്തി.

സ്മാ​ർ​ട് സി​റ്റി അ​റ്റ​കു​റ്റ​പ്പ​ണി​മൂ​ല​മാ​ണ് പ്ര​തി​സ​ന്ധി​യെ​ന്ന പ​ഴ​യ പ​ല്ല​വിത​ന്നെ​യാ​ണ് ഇ​ന്ന​ലേ​യും വാ​ട്ട​ർ അ​ഥോ​റി അ​ധി​കൃ​ത​ർ പ​റ​ഞ്ഞ​ത്. ഈ ​മാ​സം 12 ഓ​ടെ കു​ടി​വെ​ള്ള വി​ത​ര​ണം സാ​ധാ​ര​ണ നി​ല​യി​ലാ​കു​മെ​ന്ന മ​റു​പ​ടി​യും ഇ​വ​ർ ന​ല്കി.ആ​ന്‍റ​ണി രാ​ജു എം​എ​ൽ​എ, വാ​ർ​ഡ് കൗ​ണ്‍​സി​ല​ർ അ​ഡ്വ. രാ​ഖി ര​വി​കു​മാ​ർ ഉ​ൾ​പ്പെ​ടെ​യു​ള്ള​വ​ർ വാ​ട്ട​ർ അ​ഥോ​റിറ്റി അ​ധി​കൃ​ത​രു​മാ​യി ഇ​ന്ന​ലെ ന​ട​ത്തി​യ ച​ർ​ച്ച​യി​ൽ പ​ങ്കാ​ളി​ക​ളാ​യി.

വ​ഴു​ത​ക്കാ​ട് വാ​ർ​ഡി​ലെ ശി​ശു​വി​ഹാ​ർ, ഉ​ദാ​ര ശി​രോ​മ​ണി, ഗാ​ന്ധി​ന​ഗ​ർ, ത​ന്പു​രാ​ൻ ന​ഗ​ർ, ഫോ​റ​സ്റ്റ് ലൈ​ൻ ഉ​ൾ​പ്പെ​ടെ​യു​ള്ള മേ​ഖ​ല​ക​ളി​ലാ​ണ് കു​ടി​വെ​ള്ള ക്ഷാ​മം അ​തിരൂ​ക്ഷ​മാ​യി​ട്ടു​ള്ള​ത്. ഇ​തി​ൽ ത​ന്നെ ശി​ശുവി​ഹാ​ർ മേ​ഖ​ല​യി​ൽ വീ​ടു​ക​ളി​ലെ ടാ​ങ്കു​ക​ളി​ൽ ജൂ​ലൈ 28നു ​വെ​ള്ളം എ​ത്തി​യ ശേ​ഷം ഏ​ക​ദേ​ശം ആ​ഴ്ച​ക​ൾ​ക്കു ശേ​ഷ​മാ​ണ് പി​ന്നീ​ട് കൃ​ത്യ​മാ​യി വെ​ള്ള​മെ​ത്തി​യ​ത്. ഇ​ത് ഒ​ന്നോ ര​ണ്ടോ ദി​വ​സം രാ​ത്രി കാ​ല​ങ്ങ​ളി​ൽ മാ​ത്രം കി​ട്ടി.

പി​ന്നീ​ട് പ​ഴ​യ സ്ഥി​തി​യി​ലേ​ക്കുതന്നെ മാ​റി. താ​ഴ്ന്ന സ്ഥ​ല​ങ്ങ​ളി​ൽ മാ​ത്രം പേ​രി​നു വെ​ള്ളം ല​ഭി​ക്കു​ന്ന സ്ഥി​തി​യാ​ണ്. ഒ​ന്നാംനി​ല​യി​ൽ ഉ​ൾ​പ്പെ​ടെ വാ​ട്ട​ർ ടാ​ങ്കു​ക​ൾവച്ച വീ​ടു​ക​ളി​ൽ പോ​ലും വെ​ള്ളം ല​ഭി​ക്കാ​ത്ത അ​വ​സ്ഥ​യാ​ണ്. പൊ​തുടാ​പ്പു​ക​ളി​ൽ പേ​രി​നു വെ​ള്ളം ല​ഭി​ച്ചാ​ൽ ആ​യെ​ന്ന സ്ഥി​തി​യു​മാ​യി.

സ്മാ​ർ​ട് സി​റ്റി അ​ധി​കൃ​ത​രും വാ​ട്ട​ർ അ​ഥോ​റിറ്റി അ​ധി​കൃ​ത​രും പ​ര​സ്പ​രം പ​ഴി ചാ​രു​ന്ന​ത​ല്ലാ​തെ കു​ടി​വെ​ള്ള​വി​ത​ര​ണം എ​പ്പോ​ൾ കാ​ര്യ​ക്ഷ​മ​മാ​ക്കു​മെ​ന്ന കാ​ര്യ​ത്തി​ൽ ഒ​രു നീ​ക്കു​പോ​ക്കു​മു​ണ്ടാ​കു​ന്നി​ല്ലെ​ന്ന​താ​ണ് വ​ഴു​ത​ക്കാ​ട് നി​വാ​സി​ക​ളു​ടെ പ​രാ​തി.

സ്മാ​ർ​ട്ട് സി​റ്റി നി​ർ​മാ​ണ പ്ര​വ​ർ​ത്ത​ന​ങ്ങ​ൾ ആ​രം​ഭി​ച്ച​തു മു​ത​ൽ ഈ ​മേ​ഖ​ല​ക​ളി​ലെ ജ​ന​ങ്ങ​ളു​ടെ അ​വ​സ്ഥ കു​ടി​വെ​ള്ള​ത്തി​നാ​യു​ള്ള കാ​ത്തി​രി​പ്പാ​ണ്.

വഴുതക്കാട് കു​ടി​വെ​ള്ള പ്ര​ശ്ന​ത്തി​ൽ ഇ​ട​പെ​ട്ട് മ​നു​ഷ്യാ​വ​കാ​ശ ക​മ്മീ​ഷ​ൻ

തി​രു​വ​ന​ന്ത​പു​രം: വ​ഴു​ത​ക്കാ​ട് വാ​ർ​ഡി​ൽ അ​നു​ഭ​വ​പ്പെ​ടു​ന്ന രൂ​ക്ഷ​മാ​യ കു​ടി​വെ​ള്ള ക്ഷാ​മം പ​രി​ഹ​രി​ക്കാ​ൻ ജ​ല അ​ഥോ​റി​റ്റി ചീ​ഫ് എ​ൻജി നീയ​റും ബ​ന്ധ​പ്പെ​ട്ട എ​ൻജിനീയ​ർ​മാ​രും അ​ട​ങ്ങു​ന്ന സ​മി​തി​ക്ക് രൂ​പംന​ൽ​ക​ണ​മെ​ന്നു മ​നു​ഷ്യാ​വ​കാ​ശ ക​മ്മീ​ഷ​ൻ ചെ​യ​ർ​പേ​ഴ്സ​ണ്‍ ജ​സ്റ്റീസ് അ​ല​ക്സാ​ണ്ട​ർ തോ​മ​സ് ജ​ല അ​ഥോ​റി​റ്റി എം​ഡിക്ക് ​നി​ർ​ദേ​ശം ന​ൽ​കി.

വ​ഴു​ത​ക്കാ​ട് വാ​ർ​ഡി​ലെ കു​ടി​വെ​ള്ള ക്ഷാ​മ​ത്തെ​ക്കു​റി​ച്ചു​ള്ള വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ൽ ക​മ്മീ​ഷ​ൻ സ്വ​മേ​ധ​യാ ര​ജി​സ്റ്റ​ർ ചെ​യ്ത കേ​സി​ലാ​ണു ന​ട​പ​ടി. കു​ടി​വെ​ള്ള ക്ഷാ​മം പ​രി​ഹ​രി​ക്കാ​നു​ള്ള മാ​ർ​ഗ​ങ്ങ​ൾ ജ​ല അ​ഥോ​റി​റ്റി എം​ഡി ബ​ന്ധ​പ്പെ​ട്ട ഉ​ദ്യോ​ഗ​സ്ഥ​രു​മാ​യി ച​ർ​ച്ച ന​ട​ത്തി ക​ണ്ടെ​ത്ത​ണ​മെ​ന്ന് ക​മ്മീ​ഷ​ൻ ആ​വ​ശ്യ​പ്പെ​ട്ടു. സ​മ​യ​പ​രി​ധി നി​ശ്ച​യി​ച്ച് യ​ഥാ​സ​മ​യം പ​രി​ഹാ​ര ന​ട​പ​ടി​ക​ൾ സ്വീ​ക​രി​ക്ക​ണം. കു​ടി​വെ​ള്ള ക്ഷാ​മ​ത്തി​നുകാ​ര​ണ​മാ​യ പ്ര​വൃ​ത്തി സം​ബ​ന്ധി​ച്ച വി​വ​ര​ങ്ങ​ൾ, കാ​ല​താ​മ​സ​ത്തി​നു​ള്ള കാ​ര​ണ​ങ്ങ​ൾ എ​ന്നി​വ ക​ണ്ടെ​ത്തി സ്വീ​ക​രി​ച്ച ന​ട​പ​ടി​ക​ൾ എം​ഡി ക​മ്മീ​ഷ​നെ അ​റി​യി​ക്ക​ണ​മെ​ന്നും ഉ​ത്ത​ര​വി​ൽ പ​റ​ഞ്ഞു.

വി​ഷ​യ​ത്തി​ൽ ന​ഗ​ര​സ​ഭാ സെ​ക്ര​ട്ട​റി പ്ര​ത്യേ​ക റി​പ്പോ​ർ​ട്ട് സ​മ​ർ​പ്പി​ക്ക​ണം. ഇ​തി​ൽ കു​ടി​വെ​ള്ള ക്ഷാ​മം പ​രി​ഹ​രി​ക്ക​ണ​മെ​ന്ന ആ​വ​ശ്യം ജ​ല​അ​ഥോ​റി​റ്റിക്കു മു​ന്നി​ൽ ന​ഗ​ര​സ​ഭ സ​മ​ർ​പ്പി​ച്ചി​ട്ടു​ണ്ടെ​ങ്കി​ൽ അ​ക്കാ​ര്യം വ്യ​ക്ത​മാ​ക്ക​ണം. കു​ടി​വെ​ള്ള ക്ഷാ​മ​ത്തി​ന്‍റെ യ​ഥാ​ർ​ഥ കാ​ര​ണ​ങ്ങ​ൾ വി​ല​യി​രു​ത്തി വ​ഴു​ത​ക്കാ​ട് വാ​ർ​ഡ് കൗ​ണ്‍​സി​ല​റും റി​പ്പോ​ർ​ട്ട് സ​മ​ർ​പ്പി​ക്ക​ണം. ഇ​തി​ൽ പ​രി​ഹാ​ര മാ​ർ​ഗ​ങ്ങ​ളും നി​ർദേ​ശി​ക്ക​ണം.

മൂ​ന്ന് ആ​ഴ്ച​യ്ക്കു​ള്ളി​ൽ റി​പ്പോ​ർ​ട്ടു​ക​ൾ സ​മ​ർ​പ്പി​ക്ക​ണം. ജ​ല അ​ഥോ​റി​റ്റി എം.​ഡിയും ​ന​ഗ​ര​സ​ഭാ സെ​ക്ര​ട്ട​റി നി​ർ​ദേ​ശി​ക്കു​ന്ന ര​ണ്ടു മു​തി​ർ​ന്ന ഉ​ദ്യോ​ഗ​സ്ഥ​ർ ബ​ന്ധ​പ്പെ​ട്ട വി​ശ​ദീ​ക​ര​ണ​ങ്ങ​ളു​മാ​യി സെ​പ്റ്റം​ബ​ർ 30ന് ​ക​മ്മീ​ഷ​ൻ ഓ​ഫീ​സി​ൽ ന​ട​ക്കു​ന്ന സി​റ്റിം​ഗി​ൽ ഹാ​ജ​രാ​ക​ണ​മെ​ന്നും ജ​സ്റ്റീ​സ് അ​ല​ക്സാ​ണ്ട​ർ തോ​മ​സ് ആ​വ​ശ്യ​പ്പെ​ട്ടു.