വെഞ്ഞാറമൂട്: ശ്രീ ഗോകുലം ഗ്രൂപ്പ് ചെയർമാൻ ഗോകുലം ഗോപാലന്‍റെ ജന്മദിനത്തോടനുബന്ധിച്ച് ഗോകുലം മെഡിക്കൽ കോളജ്, ശ്രീ ഗോകുലം ഹെൽത്ത് കെയർ ഇൻസ്റ്റിറ്റ്യൂഷൻസ്, തിരുവനന്തപുരം ജിജി ഹോസ്പിറ്റൽ എന്നിവയുടെ സംയുക്താഭിമുഖ്യത്തിൽ സ്റ്റാഫ് ഡേ ആഘോഷിച്ചു.
നാലാഞ്ചിറ ഗിരിദീപം കൺവൻഷൻ സെന്‍ററിൽ നടന്ന ആഘോഷ പരിപാടി കടകംപള്ളി സുരേന്ദ്രൻ എംഎൽഎ ഉദ്ഘാടനം ചെയ്തു. ഡി.കെ.മുരളി എംഎൽഎ മുഖ്യാതിഥിയായിരുന്നു. ഗോകുലം മെഡിക്കൽ കോളജ് വൈസ് ചെയർമാൻ ഡോ. കെ.കെ.മനോജൻ അധ്യക്ഷത വഹിച്ചു. ജിജി ആശുപത്രി എംഡി ഡോ.ഷീജ ജി.മനോജൻ സ്വാഗതം ആശംസിച്ചു.