നേമം: മുൻ മുഖ്യമന്ത്രി ഉമ്മൻ ചാണ്ടിയുടെ ഒന്നാം അനുസ്മരണവും കോൺഗ്രസ് ഓഫീസ് ഉദ്ഘാടനവും നടന്നു. മുൻ പ്രതിപക്ഷനേതാവ് രമേശ് ചെന്നിത്തല എംഎൽഎ ഉദ്ഘാടനം നിർവഹിച്ചു. കോൺഗ്രസ് പള്ളിച്ചൽ മണ്ഡലം പ്രസിഡന്‍റ് പൂങ്കോട് സുനിൽ അധ്യക്ഷത വഹിച്ചു. ചടങ്ങിൽ എസ്എസ്എൽസി, പ്ലസ്ടു പരീക്ഷയിൽ ഉന്നതവിജയം നേടിയവരെ ആദരിച്ചു.
ബുത്ത് പ്രസിഡന്‍റായിരിക്കവെ മരണമടഞ്ഞ എസ്.കുമാറിന്‍റെ കുടുംബ സഹായ ഫണ്ട് വിതരണവും നിർധനരായ രോഗികൾക്കുള്ള ചികിത്സാ സഹായവും ചടങ്ങിൽ വിതരണം ചെയ്യതു. കെപിസിസി ഭാരവാഹികളായ മലയിൻകീഴ് വേണുഗോപാൽ, ആർ.വി. രാജേഷ് കോൺഗ്രസ് നേതാക്കളായ അഡ്വ.എം. മണികണ്ഠൻ, നരുവാമൂട് ജോയ്, എസ്. മുത്ത് കൃഷ്ണൻ, കെ. അമ്പിളി, ഭഗവതിനട ശിവകുമാർ, പള്ളിച്ചൽ സതീശ് എന്നീവർ പങ്കെടുത്തു.