തിരുവനന്തപുരം: സോഷ്യൽ സർവീസ് സണ്ഡേയോടനുബന്ധിച്ച് സാൽവേഷൻ ആർമി തിരുവനന്തപുരം ഡിവിഷന്റെ ആഭിമുഖ്യത്തിൽ ശേഖരിച്ച തുണിത്തരങ്ങളും സ്റ്റേഷനറി സാധനങ്ങളും തിരുവനന്തപുരം പേരൂർക്കട മാനസികാരോഗ്യ കേന്ദ്രത്തിനു കൈമാറി.
വനിതാ ശുശ്രൂഷകളുടെ ഡിവിഷണൽ ഡയറക്ടർ ലെഫ്.കേണൽ സോണിയ ജേക്കബിന്റെ നേതൃത്വത്തിൽ നടന്ന പരിപാടിയിൽ ആശുപത്രി സൂപ്രണ്ട് ഡോ. എൽ.ടി. സരിതാകുമാരി, ആർഎംഒ ഡോ. ടിങ്കൂവിത്സണ്, സ്റ്റോർ സൂപ്രണ്ട് പത്മചന്ദ്രൻ, നേഴ്സിംഗ് സൂപ്രണ്ട് മോളിക്കുട്ടി തുടങ്ങിയവർ പങ്കെടുത്തു.